Moderator: mgl_300
Sasin btsgaana busguichuudee ,
Bi yer n ih sain noirtoi bsan chin odoo yeroosoo noir neeh sain hurehee bolichloo shono bj bj 2 esvel 3 gej untaad ogloo ert sereed ergeed untah geheer chadku bnaa yahuu? yostoi hetsuu yumaa, terneesee bolood yadraad bna, bas sain noirgui bolohoor nuur tsarai amarsan haragdahguin ta nar zovlooch yaval sain untdag bolohuu? ur duntei 8 tsag untaad bval boloh geed bna hehe
Нойргүйдлээс хамгаалахын тулд учир шалтгаан нь юунд байгааг эхлээд мэдэх хэрэгтэй. Ажлын ачаалал ихэдсэн, сэтгэл тавгүйтгэсэн муу мэдээ сонссон үед зэрэг олон шалтгаантай байж болно.
Ажлын ачаалал ихэдсэнээс толгой өвдөн нойргүйдэх нь олонтаа тохиолддог. Ийм үед аль болох ажил амралтаа зөв зохицуулахыг хичээж, ядаргаа тайлах иллэг хийгээрэй. Юун түрүүн долоовор болон дунд хуруугаараа нүдний зовхи хөмсөгний хооронд, чигчий хуруугаараа нүдний доод зовхи хавьцаа даран илээрэй. Мөн хуруугаараа шанаанаас чамархай хүртлээ илээрэй. Хуруугаараа эсвэл иллэгийн зориулалт бүхий самаар үсээ самнах маягаар иллэг хий. Эцэст нь хүзүү, мөрийг гараараа базах маягаар илээд үзээрэй. Эдгээр иллэг нь унтахын өмнө нойр хүргэх сайн талтай.
Ер нь хүнд ажлын дараа бат бөх сайхан унтая гэсэл холуун хүйтэн хосолсон шүршүүрт ороод орондоо орох нь хамгийн энгийн арга юм. Хэрвээ өрөө тасалгаа тань хангалттай хэмийн дулаантай бол шүршүүрээс гарсан нойтон биеэ орны даавуугаар ороон шууд хөнжилдөө шургаад унтаарай. Яг л манцуйтай хүүхэд шиг. Хааяа нэг ингэж унтах нь биеийг сайхан амраадаг.
Хэрвээ бүүр нойргүйдэн хөрвөөсөөр хоёр гурван цагийг өнгөрөөсөн бол босоод ямар нэг ажил хий. Индүүдэлгүй орхисон хувцаснуудаа индүүдэх ч юм уу, эсвэл ном унш. Гэхдээ телевизор үзэх хэрэггүй. Биологийн цагийн дагуу унтаж амарч байх ёстой тархи тань шөнийн ажлыг тийм ч удаан хийлгэхгүй.
Эрдэмтэд та биднийг нойрны хувьд өөрийн биеийг чагнахыг зөвлөж байна. Тархин дахь биологийн цагаар удирдуулж байдаг бидний бие махбод маань нойр хүрч байгааг сануулж өгдөг. Орой болоход биеийн дулаан буурдаг. Тархины үйл ажиллагаа, рефлекс үйл ажиллагаа аажмаар зогсч эхэлнэ. Орой бүр ижил цагт зовхи анилдан, эвшээж эхэлдгээ ажиглаж болно. Энэ бүгд нь бие маань бидэнд “унтах хэрэгтэй” гэдгийг л сануулж буй хэрэг юм.
Бид биеийнхээ хүслийг дагах хэрэгтэй. Учир нь яг нойр хүрэхэд унтахгүй бол дахин нойр хүртэл 1-2 цаг хүлээх хэрэгтэй болно. Хүмүүс “нойр хулжлаа” гэж ярьдаг нь энэхүү органик тэнцвэр алдагдсан гэсэн үг юм. Ингэснээр та амрах цагаасаа алдаж хохиролд орж байна гэсэн үг. Ялангуяа тогтмол цагт сэрэх шаардлагатай үед энэ нь танд томоохон алдагдал болох нь гарцаагүй. Нойрыг амархан хүргэдэг хэд хэдэн шалтгаан байдаг. Спортоор идэвхитэй хичээллэх, хүнд хоолны дараагаар нойр маш их хүрдэг. Энэ бүхний дараа шууд орондоо орвол та бидний бие махбодод дээрх үйлийн үзүүлэх сөрөг нөлөөлөл 2 дахин ихэсдэг гэнэ. Иймд орой хөнгөн хооллож, нойрсоход эерэг нөлөө үзүүлдэг зүйлсийг хэрэглэ гэж зөвлөе. Түүнчлэн оройн хоолныхоо дараа эсвэл унтахын өмнө амтлаг зүйлсийг тунг нь тохируулан хэрэглэх нь тустай байдаг байх юм.
Унтахын өмнө:
* Ном унших эсвэл хөгжим сонсох: Тайван нойрсохын тулд саад болж буй гадны зүйлээс хол байх хэрэгтэй. Ном унших, хөгжим сонсох нь таныг бусад зүйлээс тусгаарлан, унтахад бэлтгэнэ.
* Усанд орох: Халуун устай онгоцонд хүний судас тэлж, биеийн дулаан буурч эхэлдэг. Унтахаар зэхэх үед биеийн дулаан буурах нь таны амрахад онцгой нөлөөтэй.
* Зөв байрлал: Орондоо хэвтэх хамгийн зөв байрлал бол бие, нуруугаа ижил түвшинд байлгах явдал юм. Баруун талаараа зүрхээ дээд талдаа байхаар хэвтэх хэрэгтэй. Ингэж хэвтэхэд зүрх бусад эрхтэнд дарагдахгүй тайван ажиллана. Унтлагын өрөөний дулаан 20С-ээс хэтрэхгүй байх ёстой.
Зайлсхийх зүйлс
* Согтууруулах зүйлс нойргүйдэхэд хүргэдэг: Кофе, тамхи зэрэг бүх төрлийн сэргээгч зүйлсийг унтахын өмнө хэрэглэх нь сөрөг нөлөөтэй. Гэвч эдгээр нь кофе, цай зэрэг сонгодог зүйлсээр хязгаарлагддаггүй. Тухайлбал: Оройн цагт хийсэн “ачаалал ихтэй дасгал”, “айл гэрийн хэрүүл маргаан” зэрэг нь эдгээртэй эн зэрэгцэхүйцээр нөлөөлдөг байна. Нөгөө талаас унтахын өмнө компьютер дээр ажиллах, утсаар ярих, өдрийнхөө ажлыг дүгнэх зэрэг нь нойргүйдэхэд хүргэдэг аж.
* Нойрны эмээс зайлсхий: Өнөө үед жороор хэрэглэдэг маш олон нойрны эм худалдаж байгаа нь бас л аюулын харангыг дэлдээд л байна. Хэд хэдэн нойрны эмийг нь хүнд зуршил болж, уцаартай болгож байгаа учраас хэрэглэх, худалдаалахыг нь хориглосон. Мөн зарим нэг тайвшруулах эм нь маш хүчтэй үйлчилгээтэй тул унтсаныхаа дараа сэрэх гэж бүтэн өдрийг зарцуулдаг байна. Хүмүүс зарим төрлийн ургамлыг унтахад тустай гэж үздэг ч шинжлэх ухааны үүднээс эдгээр нь нойрны хэмнэлийг бий болгоход огт нөлөөлдөггүйг нь тогтоосон байна. Мөн эдгээр бүх тайвшруулах, нойрсуулах үйлчилгээ бүхий эмүүд нь эгзим, бөөрний дутагдал, элэгний гепатит, зүрх судасны өвчнийг үүсгэх зэрэг сул талтайг мартаж болохгүй. Тиймээс албан ёсоор хүлээн зөвшөөрч, худалдаалагдаж байгаа эдгээр эмийг хэрэглэхдээ заавал эмчийн зааварчилгаа авах хэрэгтэй.
* Ор тань зөвхөн унтахад зориулагдсан байх: Нойр судлаачид, эрдэмтдийн үзэж байгаагаар орондоо зөвхөн унтаж, сэрүүн байхдаа хол байх хэрэгтэй ажээ. Тиймээс ч хамгийн наад зах нь орондоо зурагт үзэхийг хориглодог. Энэ нь мэдээж нойргүй хонодог хүмүүс заавал мөрдөх өдөр тутмын дүрэм юм.
Компьютерийн дэлгэцийн гэрэл хараанд нөлөөлж, тархины мэдрэлийн эсүүдийг амрахад саад болж байдаг. Тиймээс нойр хүрэхгүй үед унтахаар орондоо орохоос хоёр цагын өмнө компьютерээ унтрааж байгаарай.
2. Унтлагын өрөөндөө ажлаа хийх хэрэггүй.
Нойргүйдлийн өөр нэг шалтгаан нь хүмүүс унтлагын өрөөндөө ажлаа хийж, хоол идэж, ТВ үздэгтэй холбоотой гэнэ. Унтлагын өрөө нам гүм чимээгүй, харанхуй, сэрүүн байвал нойр улам хүрдэг аж.
3. Санаа зовоосон зүйлээ март.
Эдийн засгийн хямралтай үед мөнгө хүмүүсийн санааг хамгийн их зовоож байгаа зүйл бөгөөд нойргүйдлийн нэг шалтгаан болж байна.
Санаа зовоосон зүйлээ мартахын тулд хөгжим сонсч, салхинд гарч, дисконд явахыг зөвлөж байна. Мөн унтлагын өрөөндөө намуухан хөгжим тавихад уураг тархины бодолд дарагдсан хэсэг уг аялгуунд сатаардаг аж.
4. Унтахын тулд архи, шар айраг ууж болохгүй.
Согтууруулах ундаа уусны дараа нойр амархан хүрдэг ч удаан үргэлжилдэггүй. Учир нь согтууруулах ундааны тайвшруулах нөлөө алга болж, нойрыг улам сэргээдэг.
Харин унтахын өмнө аяга сүү, эсвэл бүлээн цай уухыг зөвлөж байна. Бүлээн цай биеийн температурыг өсгөсний дараа халуун огцом буурдаг нь нойр хүрэхэд нөлөөлдөг аж.
5. Өрөөгөө аль болох сэрүүн байлга.
Бүгчим өрөө, халуун хөнжил нойр хүрэхгүй байх бас нэг шалтгаан гэнэ шүү.
Учир нь нойргүйдэл нь биеийн температурын өсөлттэй холбоотой юм.
Тиймээс унтахаасаа өмнө өрөөндөө салхи оруулвал бие амарч сайн унтдаг. Түүнчлэн унтахаас өмнө хүйтэн шүршүүрт орох нь бас л сайн амрах нэг арга аж.
6. Оройн хоолоо эрт идэх
Унтахын өмнө их хоол идэх нь хоол боловсруулах эрхтэнд хүнд ачаа болж, шөнө сайн унтаж амрахад саад болдог. Гэхдээ хоосон ходоодтой орондоо орох бас аюултай. Өлссөн ходоод таныг шөнөжин тайван унтуулахгүй.
Харин унтахаас 2-3 цагийн өмнө оройн хоолоо идэх нь хоол боловсроход хангалттай хугацаа юм. Хэрэв орой өлсөөд, тэсгэлгүй юм идмээр санагдаад байвал унтахаас нэг цагийн өмнө хөнгөн зууш, эсвэл жимс идэхийг зөвлөж байна.
7. Үдийн хоолны дараа каффейны төрлийн ундаа уухаас татгалз.
Кофе өглөө нойрноос сэргээж, өдрийн турш эрч хүч өгдөг ч өдөржин уувал шөнө амрах цагаас чинь хорооно гэдгийг сана.
Түүнээс гадна энегийн ундаа ч мөн адил үйлчилгээтэй.
Шөнө сайн унтаж амрахын тулд үдээс өмнө хоёроос илүү аяга кофе уух хэрэггүй. Ялангуяа энергийн ундааг үдээс хойш уувал шөнөжин сэрүүн байх болно гэдгийг сана.
8. Унтах цагаа зохицуул.
Унтах болон сэрэх цагаа дотоод биологийн цагтайгаа тааруул. Амралтын өдрүүдэд нойроо авна гэж найдах хэрэггүй. Биологийн цагынхаа эсрэг ажиллаж амардаг хүмүүс цагын бүсийн эсрэг аялж байгаатай адил.
Ажлын болон амралтын өдрүүдэд амрах цагаа төлөвлө.
Ардын ба орчин үеийн анагаах ухаанд сэтгэл таагүй үед тайван нойрсох буюу унтахад зөгийн бал хэрэглэх нь чухал болохыг зөвлөдөг. Хэрэв таны нойр муудах аваас өдөр бүр оройн хоолны дараа, орондоо орж хэвтэхийн өмнө хоолны нэг халбага зөгийн бал хэрэглэж байх, эсвэл жижиг халбага бал, алимны шүүс /цайны гурван халбага/ ууж байвал сайн. Мөн нойр хүрэхгүй бол оройн хоолны үед хоолны хоёр халбага зөгийн бал буюу унтахаас 1-1.5 цагийн өмнө талханд бал түрхэж идвэл сайн. Ингэж зөгийн бал хэрэглэхзд мэдрэл тайвширч хоол боловсруулах эрхтний хэвийн ажиллагаа сайжирч, цусны гемоглобин нэмэгдэнэ.
25-30 грамм зөгийн балыг унтахаас 20-30 минутын өмнө аяга цайтай хэрэглэж болно.
Өглөөний цай, хоолноос 20-30 минутын өмнө 25-30 грамм зөгийн бал уух сайн. Нойр хүрэхгүй буюу мэдрэлийн ядаргаатай үед намуу цэцгийн дэлбээ 10 грамм, 200 мл ус юм уу сүүнд найруулан бага зэргийн зөгийн бал нэмээд өдөрт гурван удаа /унтахын өмнө/ ууж байвал нойр сайн хүрнэ.
Бэлтгэх арга: Цайны 1-2 халбага зөгийн балыг аяга усанд хийж 5-10 минут буцалгаж цайны хоёр халбага намуу цэцгийн дэлбээ хийж хандална. Өдөрт гурван удаа цайны халбагаар ууж байвал сайн нойрсоно.
Заавал эм ууснаар илүү сайн, бөх нойрсоно гэж байхгүй.
Архаг нойргүйдэлтэй хүмүүсийн хувьд энгийн дадал зуршил, сэтгэл зүйн эмчилгээ сайн үр дүнтэй, зарим тохиолдолд эмнээс ч илүү дээр гэдэг нь судалгаагаар харагдлаа гэж “The Journal of Family Practice” дээр гарсан мэдээнд өгүүлжээ.
Sleep хэмээх анагаахын сэтгүүл дээр хүний зан байдал, дадал зуршлын эмчилгээ нь нойргүйдлээс болж зовж шаналж буй хүмүүст тусалж, илүү түргэн унтаж удаан нойрсоход нөлөөлж чадсан таван удаагийн үр дүнтэй туршилт явуулсан талаар өнгөрсөн жил нийтэлжээ. Өөр нэг American Journal of Psychiatry-с явуулсан 21 судалгааны дүн шинжилгээгээр хүний дадсан зуршлыг эмчлэх нь нойрны эм ууж унтсанаас 9 орчим минутын хугацаагаар түрүүлж нойрсоход нөлөөлдгийг харуулжээ. Мөн энэ эмчилгээ нь нойрны эм шиг сайн үйлчилгээтэй ч эмийг бодвол ямар нэг гаж нөлөөгүй юм.
Сайн бөх нойрсоход тустай энэхүү хүний зан байдал, зуршлаар эмчлэх стратегиуд нь ядах юмгүй амархан байдаг нь олон хүн энэ аргыг тус болно гэдэгт итгэдэггүйн нэг шалтгаан юм. Хамгийн үр дүнтэй аргуудын нэг бол бусад зүйлд сатаарахгүй өөртөө хяналт тавьж, дадал зуршлаа өөрчлөх. Энэ нь телевизор үзэхгүй, орондоо юм идэж, уншихгүй байх гэсэн үг юм. Нойр хүрэн хүртлээ орондоо орохгүй байх хэрэгтэй. Өдөр бүр тогтмол нэг цагт босож, өдрийн цагаар ямар нэг хэмжээгээр унтахгүй байх хэрэгтэй. Үнэхээр нойр хүрэхгүй бол 15 минутын дараа орноосоо босоод ямар нэг алжаал тайлах зүйл хийж болно. Гэхдээ ямар нэг нойр сэргээх үйлдэл хийж, юм бодохоос зайлсхийгээрэй.
Унтахын өмнө цэвэр, тав тухтай орчин бүрдүүлэх нь эмчилгээний бас нэг салшгүй хэсэг. Үүнд тогтмол дасгал хийх, унтлагын өрөөг харанхуй байлгахын тулд гэрэл нэвтрүүлдэггүй цонхны хаалт хэрэглэж, ор болон өрөөний температураа тохиромжтой хэмжээнд байлгах.. Тогтмол хооллож байх, унтахдаа өлсөөгүй байх, уух юмыг хязгаарлах, ялангуяа согтууруулах болон кофейн агуулсан ундааны төрлийн зүйлийг унтах цагаар уухгүй байх нь тустай.
Тэгээд эцэст нь, унтах гэж хэт хүчилсний хэрэггүй, цагаа цааш нь харуулаад тавьчих, тэгснээр та түүнийг харж чадахгүй. Цаг явж буйг харах нь унтахаар хичээж буй үед хамгийн хэрэггүй зүйлүүдийн нэг.
Итгэхэд хэцүү байж магадгүй л дээ, гэхдээ эдгээр энгийн, хялбар алхмууд нь нойргүйдлийн асуудалтай хүмүүст үнэхээр их нэмэр болсон гэдэг нь олон судалгаагаар харагдсан юм. Хүний бодол, зан байдал, дадал зуршил нь төв мэдрэлийн системийг хэт идэвхжүүлж унтах циклийг хяналтгүй, тогтмол бус болгосноор архаг нойргүйдэл үүсдэг гэсэн ойлголт дээр эдгээр заслын аргууд нь үндэслэгдсэн гэж Family Practice мэдээлжээ.
Хэрвээ дээрх алхмууд танд нэмэр болохгүй бол, нойр заслын эмчтэй уулзаж зөвөлгөө авах хэрэгтэй. Зарим тохиолдолд засалч таны унтаж, сэрэх дотоод цагийн хуваарийг дахин сэргээх эмчилгээ хийснээр та тогтмол цагт нойрсдог болох боломжтой. Ийм засал хийх хэдэн долоо хоногийн курс эмчилгээний туршид өвчтөн шөнө бүр унтах цагаа ялимгүй өөрчилж өөртөө тохируулахыг хичээдэг юм.
- Хонины шөлөнд нохойн хошуу хийж чанаж уувал нойр хүрнэ.
- Унтахаасаа өмнө усанд орох эсвэл хүйтэн усанд 3- 4 минут суувал нойр хүрнэ.
- Хоолондоо сармис хийж идэх
- Уулын цахилдагны үндсийг цайндаа хийж чанаад олон хоног уух, нохойн хошуутай цай уух
- Хонин гоньдыг ургамлын тосонд зуурч уландаа тавих
- Унтахынхаа өмнө зүүн гараараа баруун хөлийнхөө, баруун гараараа зүүн хөлийнхөө улыг халтал 100 удаа ил.
Хоол судлаачдын үзэж байгаагаар бяслаг нь хоол хүнс дотроос хамгийн хэрэгцээт хүнс гэнэ. Өөх тос, уураг, органик давс болон витаминуудаар баялаг байна. Бяслагны уураг нь бие организмд бүрэн шингэдэг онцлогтой.
Тиймээс хоолны дэглэмд заавал бяслагийг оруулдаг учир нь энэ. Бяслаг хоолны дуршлыг сэргээж хоол боловсруулахад нэн тустай. Ялангуяа хүч тамир их зарцуулдаг хүмүүс бяслаг идэх нь зүйтэй. Мөн хүүхэд, өсвөр насныхан болон хөхүүл эх нар сайн идэж байх хэрэтэй. Өдөрт ердөө 150г бяслаг идэхэд л хангалттай.
Яс хугарах болон уушигны сүрьеэ өвчинд нэн тустай байдаг байна. Ходоод гэдэсний хямралтай, даралт ихсэх өвчлөлтэй, бөөрний үрэвсэлтэй хүмүүст хурц бяслаг хориотой. Саяхан бяслагийг нойргүйтэхэд сайн байдаг нь тогтоогдсон байна.
Унтахынхаа өмнө зүсэм бяслаг идээд унтахад нойр сайжирдаг болохыг Их Британы эрдэмтэд судалгаагаар илрүүлжээ. Бяслаганд байдаг триптофан амин хүчил нь өдөрт хуримтлагдсан стрессийг зайлуулж нойрыг сайжруулдаг байна.
Харин нойрон дундаа өсөж байдаг гэсэн хуучны үг хуудуугүй нь нотлогджээ. Гүн нойрсох эхний шатанд усан дахь өсөлтийн даавар дээд түвшиндээ хүрдэг ажээ.
Хүн болгон адилгүй, хүлэг болгон жороогүй гэдэг. Алдарт эрдэмтэн А.Эйнштэйн 10 цаг унтдаг бөгөөд өөрийн онолын чухал хэсгийг нойрон дундаа нээсэн гэдэг. .
Б.Наполеон маш бага унтдаг нэгэн байжээ. Үдшийн 11 цагг унтаад шөнийн 2 цагт босдог. 5 цаг хүртэл ажиллаад дахизд 2 цаг унтдаг байсан гэнэ. "Зөвхөн тэнэгүүд хийгээд тахир дутуу хүмүүст их нойр хэрэгтэй" гэж тэр хэлдэг байжээ.
-Унтахаас дор хаяж гурван цагийн өмнө оройн хоолоо идэж, унтахын өмнө халуун сүү, жаахан виски уух.
-Унтахынөмнөшингэний хэрэглээг зөв зохицуулах.
-Унтахын өмнө бүлээн устай ваннд орох. Харин унтахын өмнө шүршүүрт зогсвол нойр сэргэдэг.
-Хөнгөн хэлбэрийн болон шалтгаангүйгээр үүссэн сэтгэлийн хямралыг эмийн болон сэтгэл засах эмчилгээгээр эдгээж болно. Харин хүнд хэлбэрт орсонтохиолдолдхэвтүүлэн эмчлэх хэрэгтэй.
-Жирэмсэн үед аль болох тайван байж бүхнийг еедрөгөер төсөөлж байвал сайн. Унтахын өмнө шингэн зүйл ёага ууж, нойр сэргэсэн тохиолдолд босч явах зэргээр өөр зүйлд анхаарлаа хандуулсны дараа унтах хэрэгтэй.
-Багтраа өвчний үед зохих эмийн эмчилгээг эмчийн зааврын дагуу хэрэглэх хэрэгтэй. Зүрхний өвчийн шинж тэмдэг ажиглагдвал эмчид үзүүл.
-Кокейн агуулсан кофены нэг өдрийн дундаж хэрэглээ 5 цайны халбага гэж үздэг. Зөв хэрэглээг хэрэглэхийн тулд кофены оронд цай, ургамлын ханд, жүүс зэргийг өргөн хэрэглэ. Оройн хоолны дараа кофе, өтгөн цай, кола уухаас татгалз.
-Нойргүйдлийн эсрэг эмийг дур мэдэн ууж болохгүй. нойргүйдлийн эсрэг эмнүүд нь тархины үйл ажиллагаагдарангуйлж, хиймэл нойрсолтыгүүсгэдэг ба дараа нь хэвийн нойр хүрэхэд хүндрэлтэй байдаг тул нэг их хэрэглэхгүй байвал сайн.
Хүнд нойргүйдэх олон шалтгаан байдаг.
Хөдөлгөөний хомсдол: Суугаа ажил эрхэлдэг хүмүүсийн хувьд хөдөлгөөний хомсдолд орж, унтаж чадахгүйд хүрдэг. Эсвэл унтахын өмнө мах, өөх тос зэрэг хүнд чанарын хоол ихээр иэдж хөдөлгөөнгүй шууд хэвтсэн үед нойр хүрдэггүй.
Сэтгэл хямрал: Ахуй амьдралд тохиолдсон таагүй үйл явдлаас үүдэлтэй байх боловч ямар ч шалтгаангүйгээр сэтгэлээр унаж, сэтгэл хямрах үе байдаг. Тодорхой шалтгаангүйгээр сэтгэл хямарч, нойргүйтэх нь хий айдас, мөрдөлт, хардалтыг дагуулдаг. Тэр бүү хэл амиа хорлоход ч нөлөөлдөг эмгэг юм.
Кофе, ундааны хэт хэрэглээ: Унтахын өмне өтгөн кофе, цай болон согтууруулах ундаа хэрэглэвэл төв мэдрэлийн системийг сэргээж нойргүйтдэг.
Хөгшрөлт: 60 нас гарсан хүмүүс бага зэрэг нойргүйхэх нь бие организмд эмгэг өөрчлөлт ажиглагдаагүй бол хэвийн үзэгдэл гэж үзэж болно.
Жирэмслэлт: Эмэгтэйчүүдийн жирэмслэлтийн үед ялангуяа сүүлийн саруудад хөнгөн нойргүйтэл ажиглагддаг. Энэ нь хүүхдийн огцом хөдөлгеөнөөс юм уу, эхийн давсаг суларсан, төрөлтийн таагүй төсөөлөл зэргээс үүсдэг.
Зүрх судас, уушгины өвчин: Шөнөөр хөхүүлэн ханиаж, дотор бачуурч, амьсгал давхцсанаас нойргүйтэх нь зүрх судасны болон уушги, амьсгалын замын өвчинтэй холбоотой. Энэ нь 40 нас хүрээгүй хүний хувьд багтраа, 40 нас гарсан хүний хувьд зүрх судасны өвчний шинж тэмдэг байх магадлалтай юм.
ЭНД ТЭГДЭГ ЮМАА ХАМГИЙН ЭНГИЙН АРГА УС СЭКС Л БАЙНА ДАА
hmm ene tuhai sain mdehgui ch boldog bol bi noirnoosoo jaahang ch gsn ogchih yumsan. ogloo arai ch neg yum bosno tegeed odor hool idchiheer ooriin erhgui nud anildaad neg medhed hezee untsan buu med shulsee goijuulaad 5 min ch gsn untchihsan bdg shd. oroi harin noir hureh ni gaigui gehdee orondoo hevtee l bol untaad ogno.
Би бол нойроо дийлэхгүй унтаад л... Тэгтэл чиний нойр хүрэхгүй байна гэх. Яавал бага унтдаг болох вэ? гэж бодох юм байна ш дээ...ккк
Унтахаасаа өмнө усанд ороод, халуун бүлээн усанд хөлөө дүрж амраагаад хөлөндөө массаж хийгээрэй. Мөн орой бүр тогтмол цагт орондоо орж хэвшээрэй. Хэсэг хугацааны дараа үр дүнгээ өгөн, нойр хүрдэг болох байх. Хэрэгтэй гэж үзвэл туршаад үзээрэй.
hi bi bas noir ih muutai.Untahin omno zogiin haluun suu ,banana ideh,ulaan bino noir sain hurgedeg.bas holiin ulandaa illeg hiih sain.minii heregledeg,meddeg arga.OOr arga baidag bol bi bas medmeer bna