Moderator: mgl_300
Авъяаслаг Солонгосчууд шоу нэвтрүүлгийн энэ дугаарт 22 настай бүтэн өнчин Choi Sung Bong гэдэг залуу сонгодог дуугаар оролцож, үзэгчид болон шүүгчдийн сэтгэлийг ихэд татжээ. Түүний Youtube сайтад тавигдсан бичлэгийг долоон сая гаруй хүн үзэж, хоёрдахь Сьюзен Бойл хэмээн нэрлэжээ. Тэрбээр гурван настайдаа эцэг эхээсээ өнчирч, асрамжийн газарт очсон байна. Таван настайдаа асрамжийн газартаа хүүхдүүд зодуулан улмаар оргож, метроны 00-ийн өрөөнд амьдарч байсан гэнэ. Оргосноосоо хойш шөнийн цэнгээний газарт бохь зарж, ундааны сав цуглуулан худалдаж, нилээн хэдэн жил амьдарсан аж. Сүүлийн 10 гаруй жил шатан дээр, шөнийн цэнгээний газарт, нийтийн жорлонд амьдарч байгаа ба одоо Одоо биеийн хүчний ажил хийдэг гэж өөрийгөө танилцуулжээ. “Дуу дуулах дуртай юу” гэсэн шүүгчийн асуултанд тэрээр “Дуулах дуртай гэдгээсээ илүү энэ хүртлээ амьдарч ирсэн миний амьдралаас хамгийн таалагдсан зүйл маань дуу байсан. Хүүхэд байхдаа шөнийн клубт бохь зардаг байхдаа дандаа орчин үеийн цоглог дуу сонсдог байсан ч нэг удаа сонгодог дуу сонссон нь ихэд таалагдсан гэнэ. Тэр дууг дуулж байгаа хүн их нухацтай, чадварлаг дуулж байсан тул тэр үеэс эхлээд дуунд дуртай болсон. Тэгээд тэр хүний энд тэнд болдог тоглолтыг харж, өөрөө бие даан сурсан” гэж тэр хариулсан юм.
Хүний амьдралын нэгэн түүхийг өөртөө тээсэн солонгос залуугийн гайхамшигтай, уянгалаг хоолойг та бүхэнд сонордуулъя. Магадгүй энэ залуу “Авъяаслаг Солонгосчууд” шоуны энэ оны ялагч болох юм билүү, хэн мэдэх билээ
Хүний амьдралын нэгэн түүхийг өөртөө тээсэн солонгос залуугийн гайхамшигтай, уянгалаг хоолойг та бүхэнд сонордуулъя. Магадгүй энэ залуу “Авъяаслаг Солонгосчууд” шоуны энэ оны ялагч болох юм билүү, хэн мэдэх билээ