Moderator: mgl_300
Бичлэгийн тоо 42,366
Хоёр сарын өмнө БНСУ-д ажиллах иргэдийн бүртгэлийг олон хүн хонон өнжин хүлээсэн. Гадаадад ажиллах хүч илгээх төвөөс зохион байгуулсан энэ ажил багагүй хэл ам дагуулсаар байна. Тиймээс Гадаадад ажиллах хүч илгээх төвийн дэд захирал С.Энхболдоос зарим зүйлийг тодрууллаа.
72 цагийн дотор 14600 хүн бүртгүүлсэн байна
-Хэчнээн хүн бүртгүүлж, шалгалт өгсөн юм бэ?
-БНСУ руу явахаар 18-39 насны 14600 хүн бүртгүүлснээс 12452 хүн солонгос хэлний шалгалтад орж, 3105 хүн тэнцсэн. Манайхаас энэ жил жижиг, дунд бизнесийн салбарт ажиллах 3000, хөрвөх байгууламжуудад ажиллах 100 хүн авах санал БНСУаас ирсэн.
Тиймээс хамгийн өндөр оноотой 3100 хүн Солонгосын Хөдөлмөрийн биржид бүртгүүлэх эрхтэй болно. Биржид бүртгүүлсэн даруй ажилд орно гэсэн үг биш. Бүртгүүлснээс хойш хоёр жилийн хугацаанд тухайн хүний анкет Хөдөлмөрийн бирж дээр нь байрлаж байдаг.
Тиймээс хоёр жилийн дараа ч явж болно. Шалгалтад тэнцсэн 3105 хүн энэ сарын 26-нд 13 төрлийн үзлэг, таван төрлийн шинжилгээ өгснөөр Хөдөлмөрийн биржид бүртгүүлэх эсэх нь тодорхой болно.
-Шалгалтад тэнцсэн 3105 хүнээс эрүүл мэндийн хувьд тэнцэхгүй хүн гарвал дараагийнх нь хүн явах боломжтой юу?
-Шинжилгээний хариу сөрөг гарсан хүнд зургаан сарын хугацаатай эмчлэх боломж өгнө. Дараагийн хүн нь явна гэсэн ойлголт байхгүй. Эмнэлгийн үзлэгийг энэ сарын 26-28-ны хооронд нэг өдөрт 1000 хүн үзлэгт хамрагдахаар зохион байгуулна. Сонирхуулахад шалгалтад тэнцсэн хүмүүсийн 500 гаруй нь эмэгтэй.
-Шалгалт будлиантуулж, хүний өмнөөс орж тест бөглөсөн тохиолдол гарсан уу?
-10 гаруй хүн өөр хүний бичиг баримтаар орсон байсан. Тэднийг илрүүлж, энэ шалгалтад орох эрхийг нь хоёр жилээр хассан. Гэхдээ энэ жил шалгалтад орж байгаа хүмүүсийн мэдлэгийн түвшин маш сайн байсан.
-Яагаад 3100 ажлын байрны төлөө 14600 хүн бүртгэсэн юм бэ. Бүртгэлийн хураамжийг нь юунд зарцуулсныг олон хүн сонирхож байна?
-Солонгост ажиллах хүсэлтэй хүн бүрийг бүртгэлийн хугацаанд бүртгэхэд ийм тооны хүн болсон юм. Бүртгэлийн хугацаа урт байсан бол бүр ч их хүн бүртгүүлэх байсан байх. Олон хүн бүртгэсэн нь бидний ажилд хамаагүй.
Хэн мэдлэгтэй нь ажлын байраа аваад явна шүү дээ. Хураамжийг шалгалтын материал болон багш, гаднаас ирсэн хүмүүсийн байр орон сууц, бусад зардалд зарцуулдаг.
Хүмүүсээс биднийг бүртгэлийн хураамжийн мөнгийг идсэн, залилсан гэсэн янз бүрийн хэл ам гарч байгаа. Тийм гомдолтой хүн байвал зохих газраар нь биднийг шалгуулж болно. Бүх зүйл баримт, данстай явдаг болохоор бидэнд айх юм алга.
Хамаг бүгдээр чамайг
Харааж нулимж байвч, тэнгэр шиг бай!
Хамгийн сайн хүмүүс гэж
Хашгирч ерөөж байвч, тэнгэр шиг бай!
Тэвчээр барагдаж, нөхөд чинь орхивч
Тэнгэр шиг бай, мөнхөд амгалан...
Тэргэнд суулгаж, алтан титэм өмсгөвч
Тэнгэр шиг бай, юу ч болоогүй юм шиг...
Хамгийн хайртай хүн чинь хаяж одсон ч
Хан тэнгэр нурчхаагүй цагт, бүү зов!
Гүтгэж, доромжилж бахаа ганц хангавч
Гүн тэнгэр хэмхрээгүй цагт, бүү ай!
Өвчин зовлонд нэрвэгдэж, тартагтаа тулавч
Өнө мөнхийн тэнгэр шиг бай, чи ялна
Өрөөл бусдад тоогдохоо байж, мартагдавч
Өндөр тэнгэр дээр чинь цэлийж буйг бүү март!
Яг л амьдрал чинь дуусаж, явах замгүй болсон ч
Яадгаан алдалгүй хүлээ, тэнгэр шиг бай!
Яруухан санаа мехөсдөж, хулгай зэлгийд өртсөн ч
Ядмагхан амьтдыг бүү тоо, тэнгэр шиг бай
Үнэтэй цайтай бүхнээ бусдад өгч сур, бүү харамс
Үүрд оршихгүйн учир тус болох үйл бүтээ!...
Гаднаан ямагт бусдаас доорд бай, даруу бай
Гайхуулах хэрэггүй, дотроон тэнгэр мэт агуу бай!
Үг яриа хэрэггүй газарт харцаараа өгүүлж сур,
Үнэн худлыг ялгах аргагүй цагт бурхандаа залбир!
Өнөөдөр чамайг маргааш бусдыг хуурах хүмүүст
Өөр шигээ бүү итгэ, мөрийг хөөж чигийг барь!...
- Холбоотой бичлэг :
- http://www.mglclub.com/3425370/dd6/trackback
