-Эрчүүд ээ! Эмэгтэй хүн та нарт хэлэх гэж оролдож байгаа тэр зүйлээ сонорт чинь хүргэхийн тулд нэг бол сална гэж тунирхаж, эсвэл сексийн харилцаанаас татгалзаж, бүр долоон дор, хэн нэгний амраг болж, та нарыг хуурах хүртэл тэвчээрийг нь барах хэрэггүй шүү дээ.

-Та түүнд үнэхээр хайртай юм бол жаргалтай байлгаж болохгүй гэж үү?

-Хэрэв эр хүн та найдваргүй, мартамхай бол эмэгтэй хүн урьдахаасаа илүү түрэмгий, хатуу шаардлагатай, уурлаж хилэгнэсэн, захирангуй хүн болж хувирна.

-Ер нь эрчүүд сексийн мэдрэмж, тэврэлт, үнсэлт бүхэн заавал сексээр дуусах ёстой гэсэн ташаа ойлголттой явдаг. Гэтэл эмэгтэйчүүдийн бараг 80 хувь нь секс хийхийн оронд тэврэлдэх, үнсэлдэхийг илүүд үзжээ. Иймээс эр хүн та бүсгүйг сексэд бэлтгэхийн тулд өмнө нь дотно харилцааны үйл хөдлөлөөр байнга хичээллэх хэрэгтэй байх нь.

Энэ бол Америкийн алдарт сэтгэлзүйч Барбара Анджелисийн зүгээс эрчүүдэд хүргэж буй эмэгтэй хүний нууцын талаар заавал мэдэж байх ёстой нууцыг дэлгэсэн ном юм.

Номын хэсгээс:
Хувийн ариун цэврээ сахидаггүй
эр хүнд бид үнэн голоосоо дургүй

Та нарын энэ байдлыг бид анзаарахгүй гэж бодсон уу? Та нар ариун цэвэр сахихыг санаатай орхигдуулдаг гэж бодохгүй байна. Зүгээр л эмэгтэй хүний дургүйг хүргэдэг нэг тийм зуршил та нарт тогтжээ. Эрчүүд ариун цэвэр сахиагүй үед эмэгтэйчүүд “Тэр одоо өөрийнхөө үнэрийг мэдэрдэггүй юм байх даа?”, “Тэр яаж амьд явж чадаж байна аа?” гэх зэргээр өөрсдөөсөө асууцгаадаг.

Эмэгтэй хүн толгой, зүрх хоёроороо дурладаг. Харин толгойд хамар, нүд бий. Тийм болохоор биднийг бие махбодийн хувьд гутааж байдаг эрд дурлана гэдэг эмэгтэйчүүдэд хэцүү.
Энэ номыг бичихээр судалгааны ажил хийж байх үед эмэгтэйчүүд энэ асуудлаар хэчнээн удаа надад хандав даа. Зөвхөн ганц бие эмэгтэйчүүд бус, мөн нөхөртэй эмэгтэйчүүд хүртэл хамрагдаж байлаа. Энэ бол эмэгтэйчүүдийн хамгийн түгээмэл гомдол юм.

Эмэгтэйчүүд юуг тэвчиж чаддаггүй вэ?

Арчилж тордоогүй, мэрсэн, бохир хумс. Ийм аймшигтай бохир гар бидний биеийн хамгийн нандин газруудад хүрэхийг бид зөвшөөрнө гэж үү? Зөвхөн зүү шиг хатгах, хугархай хумснууд эмэгтэй хүний дур хүслийг гэрлийн хурдаар үгүй хийдэг байх. Харин тэр хумсны завсар шигсэн хирбуртгийг…

Нар салхинд эвэршиж, хатуурсан алга. Дээрхтэй л адил. Эмэгтэй хүн сайхан таашаалын авах гэж арьсаа хуулуулахгүй байлгүй.

Хөлс, хир буртаг, өмхий самхай үнэртсэн бие. Энд ярих юм байна уу? Залуус аа, та нар чинь өөрийнхөө үнэрийг мэддэггүй юм уу? Би энд эмэгтэй хүний дур хүслийг өдөөдөг хүдрийн заарын сайхан үнэр шингэсэн эр хүний биеийг ярих гэсэнгүй. Харин эргэн тойрондоо өмхий самхай үнэр тархааж байдаг бохир заваан биеийн тухай ярьж байна. Тийм ээ, биеэ угаах дургүй, арчаагүй заваан тийм эрчүүдийг хэллээ. Ийм байж эмэгтэй хүнтэй унтаж хэвтэнэ гэсэн үү? Хажууд чинь хүн байж тэсэх үү? Эр зориг гэдэг нэг өөр хэрэг, харин өмхий самхай гэдэг огт өөр зүйл.
Бохир заваан, хэр буртаг, шивэр ханхалсан хөл. Бүсгүй та бие сэтгэлийн цэнгэл эдлэхээр хайртай залуутайгаа нэг оронд орохоор зэхэж байна. Уг нь та бүтэн өдрийн турш “ажил”-тай байхаар төлөвлөжээ. Гэтэл түүнийг гутлаа тайлангуут жинхэнэ аймшиг эхлэх нь тэр. Ээ, тэнгэр минь, юу гээчийн үнэр вэ! Хөлнөөс ийм үнэр гардаг гэж үү? За яах вэ, дүүрч, энэ оймсны үнэр байж гэж та бодтол тэр оймсоо тайлангуут нөгөө үнэр бүр тэсэхийн аргагүй болголоо. Юун таашаал, юун секс, бүх зүйл уур манан мэт замхарна биз дээ.
Хүний хөл сэтгэл татам, хараад ханашгүй байж болно. Мөн хамгийн заваан, ой гутам ч байж болдог. Бодвол эрчүүд нүүрнээс нь хол байдаг биеийнхээ нэг хэсгийг ор тас мартаж орхисон бололтой юм. Эсвэл та нар энэ үнэрээ мэдрэхээ больчихсон юм уу? Харин бид энэ бүхнийг харж, мэдэрч байдаг юм. Хэрэв харж байгаа зүйл маань үнэхээр аймшигтай бол таныг мөрөөдлийн ханхүүгээ гэж хүлээж авахад хэцүү байх даа.
Цааш үргэлжлүүлье. Одоо хөлийн хумсны талаар ярина. Магадгүй, надад элдэв хий төсөөлөл орж ирдэг болсон юм болов уу, ямар ч байсан эрчүүд та нар биднийг ид сайхан оргилж байх үед арьсыг маань урах гэж хэргээр хумсаа хурцалж байдаг юм болов уу гэж бодогддог. Гуйя, хумсныхаа хурц ирмэгүүдийг тайрч, засаж янзлан өөртөө болон эмэгтэй хүнд ямар нэг асуудал гаргахгүй байхыг хичээгээч. Мөн хумсны хирээ авахаа мартуузай!
Бохир хиртэй хувцас, дотуур хувцас. Залуус аа, хэрэв та нар үнгэгдсэн цамц, үрчийсэн өмдтэй, хир даг болсон хувцастай байхад яаж бидний дур хүсэл төрөх болж байна аа? Дээр нь та нарын дотуур хувцас бүр эргэлзээтэй байдаг…
Цэвэрлээгүй шүд, өмхий ой гутам үнэртэй ам. Тэр залуу сексийг хүсчээ. Тэгээд дурлалт бүсгүйдээ дөхөн очиж, тачаангуй байдлаар тэвэрч эхэллээ. Дараа нь үнсэхээр болов. Бурхан минь ээ, түүний аман дотор ямар нэг зүйл орж үхээд, хэдийн ялзарсан бололтой. Амьсгаа нь гэж авах юм алга. Энэ байдлаа тэр ойлгодоггүй гэж үү? Тийм л бололтой.
Эрчүүд ээ, та нар эмэгтэй хүний дур хүслийг өдөөх гэж байгаа бол шүд, амны хөндийгөө маш сайхан байлгах ёстой. Шүд, амны хөндийгөө өдөрт нэгээр тогтохгүйгээр цэвэрлэж байх хэрэгтэй. Шүдний гаа, бохь зэргийг энд оролцуулж болно. Эмэгтэй хүн өөрийн эрхгүй үнсмээр санагдах тийм ариун цэврийг сахих учиртай.
Өрвийж сөрвийсөн сахал. Эрчүүд ээ, өрвийж сөрвийсөн сахалны оронцогтой сексийн харилцаанд орох нь эмэгтэй хүний зөөлөн арьсыг зүлгүүрдэж байгаагаас ялгаагүй шүү. Энэ чинь зовиуртай, өвтгөдөг юм шүү дээ. Хэрэв та нар надад итгэхгүй бол жаахан зүлгүүр тасдаж аваад төмсгөө нэг үрээд үз дээ. Таалагдах нь уу?
Сахлаа хусах нь тийм ч таатай ажил биш гэдгийг би мэднэ. Гэвч сексийн ид сайхан оргил үед зөөлөн энхрий арьсан дээр хуурай шиг өрвийсөн сахал хүрч байгааг мэдэх нь бүр ч таагүй зүйл. Дотно харилцааны өмнө сахал үсээ хусаж янзалж байгаарай. Хэрэв танд энэ таалагдахгүй бол бидэнд мөн л таалагдахгүй. Харин сахлаа цэмбийтэл хуссан эр ямар ч эмэгтэйн сонирхлыг татдаг юм шүү...

elgemsvvvv ! eniiig erchvvvvd bylantai sait baival avaaachij tavisan ni deer yum bishvvvv !! kkkk teneg