Монгол охин үрчилж авсан холливудын одын тухай мэдээлэл хааяа нэгхэн хэвлэл мэдээллийн хэрэгслээр гардаг.Тэр бүрийд хувьтай охин юм даа гэх олон хүн таардаг ч эрүүл энх, басхүү аз жаргалтай амьдарч чадаж байгаа болов уу гэх хүмүүс мэр сэр байдаг. Папарациудад баригддагүй Эваны хувийн амьдрал олны өмнө төдий л ил тод биш ч жүжигчин залуу маш сайн эцэг төдийгүй холливудын хамгийн тогтвортой гэр бүлийн тэргүүн гэнэ шүү. Өнөөдөр нийлээд маргааш салдаг оддын хөнгөмсөг амьдралыг мэдэхгүй хүн хаа байхав. Тэгвэл Монгол охин Жамъяанцэцэгийг өргөж авсан жүжигчин Эван МакГрэгор тэднээс огт өөр нэгэн болохоо 14 жилийн тогтвортой амьдралаараа харуулж байгаа. Тиймээс Жамъяан охиндоо Монголын ард түмэн санаа зовох хэрэггүй нь байна шүү. Учир нь Эван бяцхан охиддоо хэрхэн сэтгэл зүрхээ зориулж, цаг зав гаргахаа хамгийн сайн ухамсарладаг сүпер аавуудын нэг аж.Тэрбээр Жамъяанцэцэг охиныг шууд л үрчилж авахаар шийджээ. Харамсалтай нь, үрчилж авах боломжгүй байсан тул өөрийн төлөөлөгчөө Монголд үлдээж үрчилж авах бүхий л зүйлийг хийхийг хүсчээ. Иймдд жүжигчин Ewan McGregor хувцас, эм витамин, тоглоом гээд бүхий л зүйлийг Жамъяанцэцэг охинд явуулдаг байв. Харин хоёр жилийн дараа буюу 2006 онд Жамъяанцэцэг охиныг дөрвөн нас хүрэхэд нь үрчилж авах эрхтэй болж, Холливууд руу авч явсан байна. Холливуудад Ewan McGregor-ийг Монголоос охин хүүхэд үрчилж авсан тухай бүх хэвлэл мэдээллээр нийтэлж, охины зургийг олж авах гэж папарациуд улайрдаг байв. Ewan McGregor болон түүний эхнэр Eve Mavrakis нар 1995 онд гэрлэж хоёр охинтой болсон. Тэдний том охин Clara 1996 оны дөрөвдүгээр сард төрсөн бол Esther 2001 оны арваннэгдүгээр сарын 7-нд төрсөн байна. Харин тэдний бага охин болох үрчилж авсан Jamiyan буюу Жамъяан нь 2001 оны долдугаар сард төржээ. Одоо Жамъяан охин 9 настай юм. | |