Би 24 настай одоо 2 хүүхэдтэй нөхөртэйгөө суугаад 5 жил болж. Манай нөхөр надаас маш олон ах 20 гаран. Намайг жоохон байхад манайх их ядуу айл байсан багаасаа зовлон үзэж хүнд ад үзэгдэж өссөн болохоор яаж ийж байгаад мөнгөтэй л хүнтэй сууж үр хүүхэд гаргавал өөр шигээ зовлон үзүүлэхгүй юмсан гэж боддог байсан. Тэгж яваад гэнэн жоохны бодлоор 19 настайдаа Солонгос хүнтэй суусан. Нас нь л их болохоос манай нөхөр худлаачгүй маш сайн хүн надад бүхнээ зориулж надад маш их итгэдэг. Хоёр хөөрхөн хүүхэдтэй бусдаас дутах юмгүй сайхан байранд шинэ машин унаад сайхан л амьдарч байна. Анхнаасаа буруу алхам хийснээ мэдэж байгаа ч ядаж үр хүүхдээ хүнээс дутахааргүй сайн хүн болгож өсгье гэсэн зорилгоор л амьдрах болсон. Харин сүүлийн үед эх нутаг минь бодогдоод сэтгэлгүй суусан болохоор ямар ч сэтгэл хөдлөлгүй амьдарч байгаа. Хоол идэх ч дур хүсэлгүй юу ч хийх сонирхолгүй. Юуны төлөө яах гэж амьдраад байгаа нь ч ойлгогдохгүй. Бүх юм ямарч утга учир алга. Энэ хүний эрхээр жаргахаар өөрийн эрхээр зов гэдэг үг толгойд бодогдоод жоохон мөнгө аваад 2 хүүхдээ аваад монголдоо очиж амьдармаар санагдаад болохгүй юм одоо.

Ид залуу нас болохоор сурсан ч болно бизнесс хийсэн ч болно одоо л энд амьдрах уу салаад явах уу гэдэг ээ шийдэх хэрэгтэй болоод байна. Эндээ үлдвэл би яг сэтгэл мэдрэлийн өвчтэй болох байх одоо ч хүртэл бага зэргийн шинж илрээд байгаа. Яагаад гэвэл ямарч сэтгэл хөдлөлгүй амьдарч байгаа учрааас. Нөгөө хүүхдээ л мундаг хүн болгож өсгье гэсэн тэр л зорилгоор амьдарч байгаа хүн чин сүүлдээ сэтгэл хөдлөлгүй болоод ирэхээр яах гэж хүүхэд өсгөөд байгаа нь ч мэдэгдэхгүй юм. Ямарч амтгүй дэмий санагдах юм. Харин салаад явна гэхээр хүүхдүүд ээ өрөвдөөд байхын ямарч буруугүй тэд минь аавын хайрыг амсахгүй өснө гэхээр ингээд л янз янзийн юм бодогдод яг толгой задарлааа. Би үнэхээр эрх чөлөө хүсэж байна. Эндээ байгаад байвал Гандсан навч шиг хатаж дуусахнээ би яах вэ хүмүүс ээ монголдоо очоод ганцаараа үр хүүхдээ сайн өсгөж чадах болов уу? Яаж харамсмааргүй сонголт хийх вэ. Ах эгч нар мин чин сэтгэлийн дэм хайрлаач надад.