Moderator: mgl_300
알아두자 10가지 - Мэдэцгээе ! Аюулгүй ажиллах 10 зарчим (네 번째 파일입니다.)
Уншсан 997 vote 0 2013.12.01 12:13:29알아두자 10가지
Мэдэцгээе ! Аюулгүй ажиллах 10 зарчим
Сайн байцагаана уу?
Та бүхэндээ энэ өдрийн мэндийг хүргэе.
Манай төвөөс гаргасан " Мэдэцгээе ! Аюулгүй ажиллах 10 зарчим" нэртэй
номыг цувруулан тавьж байна.
Та бүхэндээ бага ч гэсэн тус нэмэр болох үүднээс энэхүү мэдээллийг тавьж байна.
Гадаад ажилчдын хүний эрхийн төв. (네 번째 파일입니다.)
4. Хүнд зүйл өргөхөд
үүсэх өвчин
“Хүнд зүйл байн байн зөөвөрлөх ажил”
“Нуруунд ачаалал өгөх ажил байнга давтагдах тохиолдолд”
“Нуруунд ачаалал өгөх эвгүй байрлалаар удаан хугацааны турш ажиллах тохиолдолд”
“Удаан хугацаагааг нэг байрлалаар хийх ажил”
“Түр зуур их хүч хэрэглэж, хүнд ачаа өргөх ажил”
Ийм ажил хийдэг ажилчдын нуруу өвдөх нь элбэг байдаг. Нурууны өвчин нь олон янзын шинж тэмдэгтэй бөгөөд мэргэжлийн өвчний төрөлд голдуу нурууны диск, нуруу суух, нуруунд юм орох зэрэг байдаг байна. Үндсэндээ ажлаас үүдсэн нурууны диск өвчин нь мэргэжлийн өвчин боловч урьд нь нурууны дискээр өвдөж байсан ажилчин ажлаасаа болж тэр шинж тэмдэг дахин илрэх болон улам хүндэрч эмчилгээ шаардагдах тохиолдолд мэргэжлийн өвчин гэж үзэж болно. Нурууны өвчин нь ажил үүргээс шалтгаалан маш олон төрөл байх ба илрэх насны ялгаа нь мөн харилцан адилгүй байна.
Ялангуяа айл нүүлгэлтийн ажил зэрэг хүнд ачааг эвгүй байрлалаар үргэлжлүүлэн зөөвөрлөх аижл, машин тэрэг болон тоног төхөөрөмж засварлаж, эвгүй байрлалаар урт цагаар төвлөрч ажиллахад нурууны өвчин их тусдаг. Үүгээр зогсохгүй ердийн жижиг дунд үйлдвэрүүдэд ч гэсэн өөрийн өндөрт тохироогүй сандал юмуу түшлэггүй сандалд удаан хугацаагаар сууж нэг төрлийн ажил давтан хийх тохиолдолд, ажил дууссаны дараа хүнд бараа ба эд ангийг тогтмол цагийн хооронд түр зуур хүч өгч зөөвөрлөх тохиолдолд, ажиллах явцад нурууг мушгин эргүүлэх хөдөлгөөн үргэлжлүүлэн давтагдах тохиолдолд нурууны өвчин тусч болно.
Нуруу өвдөж эхэлвэл мэдээж хэвийн ажиллахад хүндрэл учрахаар барахгүй өдөр тутмын амьдрал дээр ч хэцүү зүйл их гарах болно. Нурууны өвчин хурцадвал хагалгаа хийх шаардлага гардаг байна.
Энэ өвчнөөс урьдчилан сэргийлье гэвэл өвчин үүсэхэд хүргэж байгаа ажлын байрлал болон орчинг сайжруулахад анхаарах хэрэгтэй. Гэвч ажилчны шаардлагыг эзэд хүлээж авахгүй тохиолдол их тул ажлын нөхцөлийг өөрчлөх хүндрэлтэй байгаа бол ажил дууссаны дараа сунгалтын дасгалууд сайн хийж нурууны өвчнөөс урьдчилан сэргийлэхийн төлөө өөрөө хичээх хэрэгтэй.
Нурууны өвчнөөс
урьдчилан сэргийлье гэвэл
▶ Ажлын орчинг дээшлүүлэн өөрчлөх нь хамгийн чухал
Ажлаас үүдсэн нурууны өвчнөөс урьдчилан сэргийлье
гэвэл ажлын нөхцөлийг дээшлүүлэн өөрчилөх нь
хамгийн чухал юм
Хамгийн их тохиолддог ачааг зөөвөрлөх явцад үүсэх нурууны өвчнөөс урьдчилан сэргийлье гэвэл :
|
- Зөөвөрлөх орон зай хангалттай байх - Шал нь халтиргаатай байх ба овон товонгүй байх - Шал нь нүх болон цөмөрхийгүй байх - Ачааг зөөвөрлөх замд шат байхгүй байвал сайн Дэндүү хүнд ачааг удаан хугацааны турш зөөхгүйгээр 1 цагт хэдэн удаа хийх хэмжээг тогтоож, дахин давтсан нуруунд ачаалал өгөх ажил ба биеийг бүхэлд нь доргиосон ажлын арга барилыг өөрчлөх, бүр болохгүй бол хэт ачаалал өгөхгүйгээр ажлын арга барилыг өөрчлөх хэрэгтэй. |
▶ Ажлын арга барилыг шинэчлэн өөрчлөх нь чухал
Ажиллах орчин нөхцөл сайжирдаггүй юмаа гэхэд ажиллах арга барилыг шинэчлэх асуудал заавал шийдэгдэж байж ажлаас шалтгаалах нурууны өвчнөөс урьдчилан сэргийлэж чадна.
Хүнд ачааг зөөвөрлөхдөө доор бичсэн зөв арга барилаар гүйцэтгэх хэрэгтэй.
|
- Зөөвөрлөх зүйлийн хүндийн төв хамгийн ихээр биеийн хүндийн төвд ойрхон байхаар биедээ наана. - Өргөхдөө хөлний хүчийг хамтад нь ашиглаж өргөх хэрэгтэй. - Хөлдөө мөрний хэмжээнээс багагүй зай авч тайван байдлыг хангасны дараа өргөнө. - Гарын алгаар өргөх зүйлийг бүхэлд нь барьж, эрүүгээ сунган нуруугаа эгц босгосон байдлаас өргөнө. - Зөөвөрлөх явцад чиглэлээ өөрчлөхдөө гэнэт нурууг эргүүлж болохгүй ба нуруу хөлийг хамтад нь эргүүлнэ. |
▶ Ажил эхлэх болон дууссаны дараа
сунгалтын дасгал хийцгээе!
Ажил эхлэх ба дууссаны дараа сунгалтын дасгалыг хийх нь ажлаас үүдэх нурууны зовиурыг намдаахад тустай. Хичнээн завгүй байлаа ч 5-10 минут орчим хөнгөхөн сунгалтын дасгал хийж эрүүл мэнддээ анхаарал тавьцгаая. Нурууны өвчнөөс урьдчилан сэргийлэхэд тустай сунгалтын дасгал
|
- Зогсоо байрлалаас хийх нурууны сунгалт Зогсоо байрлалаас өвдөгийг нугалахгүйгээр аажим аажмаар биещийг бөхийлгөж өгнө. - Хэвтээ байрлалаас хийх нурууны сунгалт Хэвтээ байрлалаас түрүүлгээ харан хэвтэж ташаагаа шаланд нөөн 2 гараараа шал тулан их биеийг аль болох дээш босгон гэдийлгэж өгөх хэрэгтэй. Урьдчилан сэргийллээ ч гэсэн ажиллах явцад нуруу өвдөж болох бөгөөд хэрвээ өвдвөл тохиромжтой арга хэмжээг авч өвчинг даамжируулахгүй байхад анхаарах хэрэгтэй. |
Нуруу өвдлөө... яавал дээр вэ?
Болгоомжтой ажиллаж байсан ч нурууны өвчтэй болвол хамгийн түрүүнд тайван амрах хэрэгтэй. Тэгж хүчтэй өвдөхгүй байна гэж бодоод нуруунд ачаалал өгөх ажлыг үргэлжлүүлэн хийвэл сүүлд нь архаг хуучтай болж болзошгүй юм. Нурууны өвчинд хамгийн сайн байрлал нь дээшээ харж хэвтээд хөлөө өвдгөөр нугалан тулж хэвтэх юм. Түрүүлгээ харж хэвтэх юмуу суух нь сайн тус болдоггүй байна.
Тайван байдлыг эрхэмлэж эмчийн бичсэн жорын дагуу таарсан эмийн болон физик эмчилгээ, нурууны бүс зэрэг нуруу хамгаалах хэрэгсэл хэрэглэх, дасгалын эмчилгээ зэрэг нурууны өвчний хэмжээнд тааруулж эмчилгээ хийнэ.
Энэ үед тус эмчилгээний аргуудыг эмчийн зөвлөгөөний дагуу мөрдөх хэрэгтэйг мартаж болохгүй. Эмчилгээний төлбөр их гарна гээд өөрийн дураар эмчилгээний аргыг сонгох нь өвчнийг илүү даамжируулж болох талтай юм.
|
Мэдвэл зохилтой Солонгос үгнүүд Нурууны өвчин ( 요통) \ / Ютун Хүнд зүйл( 중량물 ) \ Жүнрян мүл Нурууны булчин ба шөрмөсний суналт ( 염좌 )\ Ёмжуа Нуруу өвдөж байна ( 허리가 아파요 ) \ Хорига апаюу |
