Хүн бүхний арьс өөр шиг нь дахин давтагдашгүй онцлогтой байдаг. Зөв арчлахын тулд ямар төрлийн арьстай болохоо, арьсанд чинь юу хэрэгтэйг мэдэх хэрэгтэй. Хүний арьсыг:

1. Ердийн
2. Хуурай
3. Тослог
4. Эмзэг мэдрэмтгий
5. Холимог 5 гэж ангилдаг.

Цаг агаар, орчны нөлөө, хүний нас, зарим өвчин, гоо сайхны бүтээгдэхүүн, арчилгаа зэргээс шалтгаалан арьсны төрөл өөрчлөгдөх боломжтой.

Ердийн болон мэдрэмтгий гэх мэтээр дээрхи шинжүүд нэг хүний арьсанд давхар илрэх явдал ч элбэг тохиолддог.

Харин чиний арьс аль төрөлд нь хамаарах вэ?

- Савандаж угаасны дараа эвгүй оргихгүй бол, агаарт гарсны дараа хацарт чинь эрүүл ягаан туяа татдаг бол
- Бараг бүтэн жилийн турш арьс чинь эрүүл өнгөө хадгалдаг, наранд харьцангуй жигд борлодог бол
- Чи өөрийгөө уян зөөлөн боловч чанга арьстай гэж санадаг бол
Чи ЕРДИЙН арьстай юм байна.

- Савандаж угаах болгоны дараа арьс чинь таталдаж байгаа юм шиг санагдвал
- Тос түрхмэгц сайхан болдог бол
- Арьс чинь өнгө муутай, бараг хэзээ ч гялалздаггүй бол,
- Наранд явсны дараа хуурайшдаг бол
Чи ХУУРАЙ арьстай юм байна.

- Шар үсний нүх томтой бол,
- Дух, хамар, эрүүн дээр чинь батга гарч, үрэвсдэг бол
Чи ТОСЛОГ арьстай юм байна.

- Нарны шууд тусгалаас арьс чинь шууд борлодог бол,
- Төрөлхийн цагаан царайтай бол,
- Санаа зовох үед чинь арьсан дээр чинь улаан толбо тодордог бол
- Савандаж угаах болгоны дараа арьс чинь таталдаж байгаа юм шиг санагдвал
Чи  ЭМЗЭГ МЭДРЭМТГИЙ арьстай юм байна.

- Дух хамрын чинь арьс гялалзаж байдаг бол,
- Хацрынхыг бодвол нүүрний төвөөр шар үсний нүх том, тод харагдаж байгаа бол,
- Дух, хамар дээр чинь батга гарч, үрэвсдэг бол,
- Өвлийг бодвол зун илүү тослогтдог бол
Чи ХОЛИМОГ арьстай юм байна.

Дух, хамар чинь тослог, хацар чинь хуурай шинжтэй гэсэн үг.