Энд моодны тухай огтхон ч дурдахгүй. Харин эмэгтэйчүүдийн хувцаслалтыг эрчүүдийн харцаар “шүүх” болно. Яагаад гээч. Яагаад гэвэл моод бол түр зуурын чамирхал. Харин эрчүүдийн мэдрэмж олон арван жилийн хувиралд шалгаран үлдсэн ойлголт.

Зарим үед хэт моод хөөсөн эмэгтэйчүүдийн хувцаслалт эрчүүдийг бүр цочроодог тул эмэгтэйчүүдийг загварын шинэ хандлагыг заавал дууриах гээд байх шаардлагагүй гэж  хэлье. 
17-50 насны эрчүүдийн дунд эмэгтэйчүүдийн хувцаслалт ямар сэтгэгдэл төрүүлдэг талаар санал асуулга явуулахад,
Богино банзал-Сэтгэл хөгжөөж, дуу алдуулдаг.
Урт банзал-“Яахав, зүгээр”.
Том размерийн урт банзал -”Энэ ч өөр хэрэг шүү. Онооны оёдол нь дээшээ, банзал нь гэрэлтдэг материалтай байвал ч!”
Бариу даашинз-Эрчүүдийн ойлголтоор бол бүх насны эмэгтэйчүүдэд зохидог хамгийн сайхан хувцас. Гэхдээ өөр нэмэлт зүйлгүйгээр шүү.
Өмд- “Хэрэв сонгодог сайхан бие галбиртай бүсгүй бариу өмд өмссөн бол харцаараа өдөх л байх, гэхдээ богино банзал хамаагүй дээр”. Өмд мэдээж хэрэг, ажил, амралтын үеэр өмсөхөд хамгийн эвтэйхэн хувцас. Гэхдээ л эрчүүд болзоонд ирэх бүсгүйгээ ямар хувцастай харахыг хүсдэгийг та ойлгосон байлгүй.
Цагаан цамц-Ихэнх эрчүүдэд цагаан цамцтай эмэгтэй хамгийн их таалагддаг.
Чухам яагаад гэдэг нь одоо хэр нь тогтоогдоогүй. Тэд ч үүнийгээ тайлбарлаж чаддаггүй юм. Цагаан өнгө нь цэвэр цэмцгэр, нямбай байдлын илэрхийлэл. Магадгүй нимгэн цагаан цамц өмссөн бүсгүйн дотуур хувцас нэвт харагддаг болохоор сайхан сэтгэгдэл төрүүлдэг ч байж болох. Энгэрийнх нь гурав дахь товч нь санаандгүй тайлагдсан бол эрчүүдийн харц шууд л “яваад орчихдог”. Ер нь бол цагаан цамц нь хар өнгийн банзал, өсгийтэй шаахайтай хослохоороо нарийн бичгийн даргын байнгын гоёл болчихдог шүү дээ.