<style type="text/css">
</style>
Нийт эцэг, эхчүүдийг хоёр хувааж болно. Хүүхдийнхээ хүйсийг хувь заяаны оноолт гэж үздэг нэг хэсэг байхад заавал охин эсвэл хүүтэй болох хүсэлд автдаг хэсэг бас байдаг. Голдуу сүүлийнх нь дийлэнх болдог. Тиймээс хүйсийн харилцан хамаарлын асуудал хүүхэд ертөнцөд мэндлэхээс өмнө эхэлдэг…
Тэгвэл та энэ аргыг хэрэглээд үзээрэй. Ер нь жирэмслэлтийн эхний саруудын хугацаанд эх хүн ямар хоол хүнс давамгай хэрэглэж байгааг сайн анзаарвал та хоёр ямар хүүхэдтэй болохоо мэдэж авна. Хүү эсвэл охин хүссэн эцэг эхчүүдэд зөвлөхөд жирэмсэн болох үеэс гурван долоо хоногийн өмнө, мөн жирэмсэлснээс хойш хоёр сарын дотор эхийн хэрэглэх хоолны дэглэмийг мэдэхэд илүүдэхгүй болов уу. Эрэгтэй хүүхэдтэй болсон эх маш давслаг хүнс болон элдэв дарсан ногоо, мах махан бүтээгдэхүүн, заримдаа бүр архины төрлийн зүйлийг ч багаар хэрэглэх хүсэлтэй болдог байна. Харин элдэв амттан, сүүн бүтээгдэхүүн, самар, хийжүүлсэн ундаа, жимс жимсгэнэ ихээр хэрэглэж байвал охинтой болохын шинж. Иймд жирэмсний эхэн үед эхчүүд хэрэглэж буй хоол хүнсээрээ хүссэн хүүхэдтэй болох магадлал ор үндэсгүй зүйл биш юм байна шүү.
Бодитой яриа юу?
Хэрвээ та багаасаа л хонжворт сугалаа эсвэл шалгалт шүүлгэнд амжилт олж байсан бол энэ нь та хүссэн бүрээ олж авч чадна гэсэн үг биш. Ардын сургаал дээр үндэслэсэн өнгөн шинж тэмдгүүд амьдралд огт нийцдэггүй. Тиймээс бүрэн төөрөгдөлд оруулдаг зүйлсээс дурьдвал:
-
Жирэмсэн эмэгтэйн гэдэс өргөн, дугуй байвал охин, шовгор байвал хүү төрнө.
-
Хэвлий дэх хүүхэд эрэгтэй эсвэл эмэгтэйгээс шалтгаалж эхийн биед янз бүрийн өөрчлөлт гардаг. Хэрвээ хүү байвал ямар ч асуудал гарахгүй, харин хордлого өгч сэтгэл санаа хямарч байвал охин байна гэдэг. .
-
Охид эхийнхээ гоо сайхныг “алдуулдаг” ба ирээдүйн эхчүүдийн арьс эрчимтэй гэмтэж сэвхит толбо, батга бий болдог. /жирэмсэн эмэгтэйчүүд зөв хооллож элэгтэй холбоотой асуудал үүсч байгаа эсэхийг хянах хэрэгтэй. Үүнийг арьс тань илтгэнэ/.
-
Хэвлий дэх хүү давс, охид амттан “нэхдэг”
Хүүхдийн хүйсийг хүүхэд олохоосоо өмнө тогтоох боломжтой. Хүүхдийн хүйс юуны түрүүнд эцгээс буюу эр бэлгийн ямар эс өндгөн эстэй нийлж үр тогтосноос хамаардгийг бид мэддэг ч эмэгтэйчүүдээс ч бас их зүйл хамаардаг гэж үздэг. Нэгэнт “олчихсон” хүүхдийн хүйсийг өөрчлөх боломжгүй.
Янз бүрийн толгой эргүүлсэн онол таныг айлгадаг ч үнэн хэрэгтэй амьдралд тэр хэрэгждэггүй болохыг бас бодолцоорой.
Хоолны дэглэмийн нууц
Ирээдүйн эцэг эхчүүд хүүхдийнхээ хүйсийг тодорхойлоход тус болдог тусгай хооллолтын онолын тухай та сонссон байх. Үнэн хэрэгтэй олон улсад чухамхүү хүүтэй эсвэл охинтой болохыг хүсэгчдэд зориулан эмч нар онцгой хоолны дэглэм бичиж өгдөг. Тийм дэглэмийг эхнэр, нөхөр хоёр хүүхэд олохоос гурван долоо хоногийн өмнө бас жирэмсний эхний хоёр сард мөрдөх хэрэгтэй байдаг.
Мэргэжилтнүүдийн үзэж байгаагаар хүүтэй болох хоол бүхэлдээ буртальный байх ёстой. Хүүтэй болохыг хүсч байгаа эцэг эхчүүдэд давс ихтэй, консервлосон хүнс, бүх төрлийн мах махан бүтээгдэхүүн, дарс, шар айраг ууж идэхийг зөвшөөрдөг бол сүү сүүн бүтээгдэхүүн, талх, амттан, бүх төрлийн самрыг хориглодог. Харин охинтой болох хоолонд давсалсан хүнс, хийжүүлсэн ундаа, утсан бүтээгдэхүүн, төмс, бяслаг ордоггүй. Махыг хязгаарлагдмал хэмжээгээр хэрэглэхийг зөвлөдөг. Харин бүх төрлийн талх, самар, зөгийн бал, жимсний чанамал, жимсийг ахиухан идэх хэрэгтэй болдог.
Секс
Эрдэмтдийн олон удаагийн туршилтын үр дүнгээс хүүхдийн хүйс бэлгийн харилцааны идэвхээс хамаардаг байна. Охинтой болохыг хүсч байгаа бол сексийн эрчимтэй бус, бие биеэ энхрийлсэн байдал давамгайлсан байх ёстой. Харин хүүтэй болохыг хүсч байгаа бол эсрэгээр байх хэрэгтэй болно.
Ингээд та хоёр хүүтэй болохыг хүсч байгаа бол дараах зөвлөгөөг анхаараарай.
Өндгөн эс боловсрохоос өмнөх 5 - 6 өдрийн турш сексээс татгалзах хэрэгтэй.
Бэлгийн ажлыг өндгөн эс боловсрон гадагшлах тэр өдөр хийх ёстой.
Эмэгтэй хүн нөхөртэйгөө нэг зэрэг /эсвэл эрэгтэйгээсээ түрүүлж/ дур ханавал хүү олдоно. Хамгийн зөв байрлал бол эрэгтэй нь ар талдаа байх байрлал юм.
Хэрвээ охин хүсч байгаа бол дараах зөвлөгөөнд анхаар:
Бэлгийн ердийн харилцааг /долоо хоногт 2-3 удаа/ сахь.
Өндгөн эс боловсрохоос хоёр өдрийн өмнөөс бэлгийн ажлаа зогсоо.
Эмэгтэй хүн бэлгийн ажлын үеэр дур ханахгүй бол охин олдоно гэж үздэг.
Хамгийн зөв байрлал нь эрэгтэй нь дээрээ байх байрлал.
Дашрамд хэлэхэд энэ бол нэг л хувилбар юм шүү.
Тооны нууц
Сарын тэмдгийн тогтвортой мөчлөгтэй эмэгтэйчүүд хүссэн хүйсийн хүүхэдтэй болох магадлал өндөр байдаг. Бас сайн тооцоолж чаддаг байх хэрэгтэй. Сарын тэмдэг ирэх эхний өдрөөс өмнөх 11-12 өдрийн дотор үйлдсэн бэлгийн ажлаар хүү олддог. Харин 13-14 хоногт охин олддог. Маш энгийн байгаа биз.
Тооцоолох бас нэг арга нь эмэгтэйчүүдийн наснаас хүүхдийн хүйс хамаарах онолтой холбоотой байдаг. Энэ онолыг баримтлагчид тооцооны нарийн аргад итгэдэг. Тэгш настай эмэгтэйчүүд эмэгтэй хүүхэдтэй болохын тулд тэгш сар /2, 4, 6-р сар…/ хэрэгтэй бол, сондгой тооны настай эмэгтэйчүүд сондгой сарууд /1, 3, 5-р сар…/ хэрэгтэй. Харин хүүтэй болъё гэвэл сондгой сарыг тэгш настай эмэгтэйчүүд, тэгш сарыг сондгой насны эмэгтэйчүүд сонгох нь зүйтэй.
Итгэхийг хүсч байвал шалгаад үз. Хэрвээ та шалгахаар шийдсэн бол дээр заасан бүх аргыг зэрэг ашиглах хэрэгтэй.
|
| | 
