Хүнд “намтрын” ба “биологийн” гэсэн хоёр нас байдаг байна. Намтрын нас нь төрсөн оноос эхлээд тоологдсон нас. Харин биологийн нас нь тэр хүний биеийн байдал эрүүл мэндийн нас юм. Зарим хүн намтрын насаараа 50 -тай ч биологийн насаараа 30-тай юм шиг байдаг гэнэ. Гэтэл эсрэгээр зарим хүн 30 настай хирнээ эрүүл мэнд нь 50 настай хүнийхтэй дүйцэхээр байдаг. Тэгэхээр хүний “хэдэн настай” байх нь өөрийнх нь эрүүл амьдралын хэв зуршил бас удамшилтай холбоотой юм байна.
Хүн хөгшрөх нь гарцаагүй ч зөв хооллолт болон биеийн хөдөлгөөнөөр гаднаас нь нөлөөлж чадна гэнэ.
Жишээлбэл, биеийн тамираар хичээллэсэн хүний зүрх, уушиг нь удаан хугацаанд “залуугаараа” байдаг. Харин өөх тостой хоол их иддэг болон тамхи татдаг хүний зүрх судас илүү хурдан “хөгширдөг”.
Биеийн тамир арьс, яс, булчингийн эд эсийг удаанаар “залуу” байхад нөлөөлдөг. Хөдөлгөөн нь цусны эргэлтийг сайжруулж арьсанд байдаг нарийн судлууд цусан хангамжтай болон хүний эрхтэн хүчилтөрөгчөөр сайн хангагдана. Спортоор хичээллэсэн хэн болгоны арьс уян хатан болж ясны дотоод эд эс ихэсдэг байна. Тамхины утаа эсвэл нарны туяа бидний эд эсийн генийг өөрчилж эсийн нөхөн үржих явцад алдаа гарах нөхцөлийн үүсгэдэг аж. Тэгэхээр наранд биеэ хэт шарах, тамхи татах зэрэг зуршилтай хүний арьс хурдан хөгширдөг байна. Хүний эд эс хэр урт настай вэ?
Хүний биеийн эд эсүүд амьдралын турш хэд дахин солигддог гэвэл та итгэх үү? Хүний биеийн эд эрхтэн өөрийн гэсэн наслалттай ба энэ хугацаанд үхэж мөхөн дахин шинэ эсээр нөхөгдөнө. Гэхдээ биеийн эд эсийн хурдан удаан хөгшрөх нь дээр дурьдсанчлан эрүүл хооллолт, эрүүл орчин, амьдралын эрүүл хэв маягаас их шалтгаална. Зураг дээрээс та эрүүл хүний зарим эрхтэн байгалиасаа ямар хугацаанд шинэчлэгддэгийг харж болно.
Нас ахиад ирэхээр бодисын солилцоо хүссэн хүсээгүй удааширч биеийн энергийн зарцуулалт багасдаг тул залуу үеийнх шигээ их идэж уувал таргалах нь гарцаагүй аж. Түүнээс гадна хүний дайврын хэмжээ багасдаг тул эмэгтэйчүүдэд “цэвэршилт“ явагддаг байна. Энэ үед зарим хүнд хөлрөх, халууцах шинж тэмдэг илэрдэг бөгөөд сэтгэл гутралын байдалд орох ч шинж илэрдэг. Харин эрэгтэйчүүд нас ахиж дайвар нь багасах үед булчинлаг байдал нь багасаж бэлгийн ажиллагаа сулардаг байна. Нас ахисны нэг шинж бол үс цайрах. Хүний үсэнд өнгө оруулагч меланин гэдэг дайвар хөгшрөх тусам багасаж, түүний оронд үсэнд агаарын бөмбөлөг цугларснаар үс бууралтаж харагддаг байна.Гэхдээ л залуу сайхнаараа байх хурдан өтлөх эсэх нь бидний гарт байдаг гэдэгт итгээрэй. Нас насандаа байна гэдэг боловч наснаасаа эрт өтлөж хөгширөхийг хэн ч хүсэхгүй нь ойлгомжтой.
Хүнд “намтрын” ба “биологийн” гэсэн хоёр нас байдаг байна. Намтрын нас нь төрсөн оноос эхлээд тоологдсон нас. Харин биологийн нас нь тэр хүний биеийн байдал эрүүл мэндийн нас юм. Зарим хүн намтрын насаараа 50 -тай ч биологийн насаараа 30-тай юм шиг байдаг гэнэ. Гэтэл эсрэгээр зарим хүн 30 настай хирнээ эрүүл мэнд нь 50 настай хүнийхтэй дүйцэхээр байдаг. Тэгэхээр хүний “хэдэн настай” байх нь өөрийнх нь эрүүл амьдралын хэв зуршил бас удамшилтай холбоотой юм байна.