Holimog aristai unduguur mask tabih gesen um aa.Shar tsagaan 2uilangaar ni tabidag um bolob uu.
Limontoi holij mask tabibal sain gej sonsoj baisan um.3 honog daraalj tabij boloh bolob uu.Ali esbel 7 honogt 1 tabibal zugeer um bolob uu ene talaar meddegeesee hubaaltsaach busguichuudee.Bayrlalaa .
Холимог арьсны маск Ургамлын ханд бүхий бигнүүр Эхлээд таван салаа, эмийн багваахай цэцгийн навч, балжингарма зэрэг эмийн ургамлын ханд бэлтгэнэ. Зөгийн балаа ижил хэмжээний хандтай холиод нүүрэндээ хорин минут хэртэй бигнүүр тавь. Дараа нь хүйтэн усаар савшаарай. Энэ бигнүүрийг ямар ч төрлийн тууралттай, бохирдсон арьсанд хэрэглэхэд тохирно. Сүүтэй бигнүүр Бүлээн сүүнд хоёр халбага зөгийн бал хийнэ. Дараа нь нүүрэндээ түрхэж, гучин минут хэртэй болно. Энэ маскийг тавьснаар нүүрний арьсыг сайтар цэвэрлэж өгөхийн дээр сайн тэжээл болдог. Ямар ч бигнүүрийн дараа сэргээх компресс тавих хэрэгтэй. Ингэхийн тулд цэвэрхэн алчуурыг хүйтэн усанд базаж нүүрэндээ 2 – 3 минут тавих хэрэгтэй. Үрчлээсээс сэргийлэх бигнүүр. Дөрвөн халбага зөгийн балыг халуун устай саванд хийж халаагаад, хоёр халбага цагаан архинаас дусааж тасралтгүй хутгана. Маскийг нүүрэндээ хөвөн тампоноор түрхэж, 10- 15 минут хэртэй байлга. Энэ маск нь нүүрний арьсыг илүү толигор, зөөлөн болгодог байна. Өргөст хэмхийн шүүс болон цөцгийтэй залуужуулах маск Нэг халбага өргөст хэмхийн шүүсийг нэг халбага өтгөн цөцгийтэй хольж, хорин дусал ус нэмж хөөсөртөл нь сайтар хутгах хэрэгтэй. Дараа нь нүүрэндээ зузаавтар түрх. 15 – 20 минутын дараа бүлээн усанд дүрсэн алчуураар нүүрээ арчиж өргөст хэмхийн хандаар шавшина. Энэ маскийг хэвийн болон хуурай арьсанд түрхэхэд илүү тохиромжтой байдаг. Цайруулах маск Өндөгний шар, яншуйтай бигнүүр. Хоолны хоёр халбага жижиглэсэн яншуйг 1,5 стакан усанд хийж, зөөлөн гал дээр 15 минут халаагаад 30 – 40 минут хэртэй тавьж хөргөнө. Дээр нь нэг хоолны халбага зөгийн бал, өндөгний шараа хийж сайтар хутгана. Нүүрэндээ 15 минут хэртэй тавьж дараа нь бүлээн усаар угаагаарай. Глицеринтэй бигнүүр Дөрвөн халбага шингэн зөгийн балыг урьдаар шүүсэн нимбэгний шүүстэй хольж, нэг цайны халбага глицеринтэй хутгана. Марлин сальфетиканд дүрж нүүрэндээ 15 – 20 минут тавих хэрэгтэй. Дараа нь бүлээн усаар зайлна. 10- 15 минут тутамд бигнүүртэй марлиа солино. Сэвх арилгаж, цайруулах, толбо арилгахад энэ маск нь илүү тустай байдаг. Нэг курс эмчилгээнд 15 – 20 удаа бигнүүр тавих хэрэгтэй. Анх бэлтгэсэн маскийг 7 – 15 хоног хөргөгчинд хадгалж болно.