Moderator: mgl_300
Эрчүүдийн дотуур хувцас нь л тэднийг чин шударгаар илэрхийлж чаддаг.
Эрчүүд унтахдаа л өөрийн хамгийн эвтэйхэн, таатай гэсэн хувцсаа сонгон
өмсдөг байна. Харин бүсгүй чи өнөө шөнө түүнийгээ ажиглаарай. Тэр ер нь
ямархуу хүн бэ? Хэрвээ тэр:
1. Богино ханцуйтай дотуур цамц /фудболка/, боксчдын өмсдөг чөлөөтэй өргөн, урт шуумагтай дотуур өмд /боксёр/ өмсөн унтдаг бол
тухайн эрэгтэй ая тухтай, тавлаг орчинд байх дуртай. Харин түүнийг
ерөнхийдөө жаахан залхуу, тэр байдалд нь орон дотор ч илэрч байвал
битгий их гайхаарай. Гэхдээ боксёр өмсдөг болгон сексдээ залхуу биш
шүү. Дуртай юмандаа хүн юу гэж залхуурахав? Харин фудболк өмсөж байгаа
нь өөрийгөө хамгаалахыг хүсч байгаа хэрэг бөгөөд угаасаа тун тохилог
орчин хийгээд түүнийг бүрдүүлж чаддаг хүмүүст дуртайн шинж гэнэ. Та
түүнийхээ хайрыг татъя гэвэл та хоёрын хүрээлэн байгаа орчныг тансаг,
тухлаг байлгаж, өглөө унтаж байхад нь босоод амтат жигнэмэг хийгээрэй.
Тэр сайхан үнэрийг нь орондоо байхдаа мэдэрвэл таны зүтгэл хэд дахин
үнэ цэнтэй болно.
2. Ямар ч хувцасгүй нүцгэн унтах дуртай эр хүн бол өөртөө хайртай, сэтгэл хангалуун нэгэн бөгөөд түүний өөрийгөө хайрлах сэтгэлийг нь найз бүсгүй нь хуваалцахад тун дуртай. Тэр нээлттэй, байгаагаараа л байдаг зан чанартай бөгөөд ямар нэг саад, хориг, хязгаарыг тэсвэрлэж чаддаггүй. Түүний амьдрал нь “Илүү юм хэрэггүй” гэсэн уриан доор хөврөх бөгөөд харамсалтай нь энэ уриа нь эмэгтэйчүүдийн хувьд ч хүчин төгөлдөр байдаг. Таныг өөрт нь илүүц байна гэж үзвэл эргэлзэх юмгүйгээр танаас холбоогоо тасалчихна. Түүнийг унтаж байх хоорондуур нь та дараа долоо хоногийн уулзалтынхаа товыг урьдчилан гаргахгүй гэж өөртэйгөө тохиролц.
3. Унтлагын хувцастай, тэр байтугай унтлагын цамцыг нь өмсдөггүй ганц өмдийг нь өмсөж унтдаг байсан ч тэр бол сайхан сэтгэлтэй, эелдэг, зөөлөн, үргэлж янз бүрийн тоглоом шоглоом бодож олоод бусдыг шоглож, инээлгэж явдаг нэгэн юм. Түүний зан чанараас хамгийн аятайхан нь юу гээч? Түүнийг машин бариад явж байхад нь эмэгтэй жолооч явж ядан тээглээд байхад нь “Муусайн хүүхнүүд жолоо барихаараа ингэдэг юм…” гэж хэзээ ч хэлэхгүй. Түүнээс гадны ийм эрчүүд үнэнч, сайн найз байдаг. Түүнийг унтаж байх хоорондуур нь үнэхээр инээдэмтэй онигоо юм уу эсвэл түүнийг хөнгөхөн шоглох ямар нэг юм бодож олоорой.
4. Бие барьсан боксёртой унтдаг найзтай бол чи ч азтай юмаа. Тэр их сайн хүн гэдэгтээ биш, зүгээр л ийм хөдөлгөөн боогдуулж бие барьсан хувцастай унтах дуртай эрэгтэй хүн тун ховор байдаг юм. Бие барьсан ийм боксёртой унтдаг эрэгтэйчүүд жүжигчний авъяастай хүмүүс байдаг. Гэхдээ хошин шогийн биш! Тэд хөгжилтэй, биеэ аятайхан авч явдаг, гоё сайхан юманд дуртай, юмны чанар, гоо сайхныг мэдрэх чадвар өндөр, соёлтой, ухаалаг эрчүүд. Түүнийг унтаж байх хооронд нь сүүлийн үед хэвлэгдэн гарсан хамгийн ухаалаг номнуудаас уншиж, чи өөрөө тэсвэрлэж чаддаггүй тийм хувцаснуудаа өмсөхөөр зэх. Энэ түүнийг гайхашруулах болно. Гэхдээ чин үнэнийг хэлэхэд ийм эрэгтэйчүүд гайхна гэж ер нь бараг байдаггүй.