Moderator: mgl_300
Нээрээ энд олон жил амьдарахдаа хамгийн их анзаарсан юм бол монгол хүүхнүүд маань ямар ажилсаг, сүрхий болохыг мэдэрсэн юм. (Мэдээж бүгд биш шүү дээ. Гэхдээ ихэнх нь гэж хэлж болох байх аа гэж бодож байна.)
За тэгээд юу өгүүлэх гээд байна вэ гэхээр...
...ингээд харж байхад герман хүүхнүүдийн олонх нь их залхуу юм шиг санагдсан. Мэдээж ажилсаг айхтар хүүхнүүд бий л дээ. Гэхдээ энд миний ярьж байгаа зүйл бол олонх дээр ярьж байгаа юм шүү дээ. Танидаг мэддэг 3-4 герман залуу гэр бүлийнд орж үзсэн. Яг л гахайн хороо гэж ямар байдаг вэ тэрийг л санагдуулам. Та нар үнэхээр төсөөлж чадахгүй байгаа байхаа. Би анх хараад бараг шоконд орсон гээл бод. Хүн яаж ингэж амьдарч чаддаг байнаа гэж бодсон үнэхээр.
Тэрэн дотроос гайгүй сайн танидаг гэр бүлийнд очоод гал тогооны өрөөнд ороод кофе хийж уух гээд би лав кофе чанагчаас нь аймаар сэжэглэсэн. Бас дээрээс нь угаасан аяга нэг ч байхгүй би өөрөө уух аягаа угааж авсан гэж байгаан. Тэднийх хүүхэдгүй, тэгээд найз хүүхэн нь тэр үед ажил хийдэггүй гэртээ байдаг байсан тул надад сонин санагдаж байсан. Би өөрөө тийм аймаар цэвэрч нямбай хүн биш шүү.
Тэгэхэд би лав монгол байхдаа нэгч тийм заваан айлд орж байгаагүй юм байна. Ядуувтар амьдалтай хүүхдүүд байдаг л байсан, тэд нарынд очиход ч тийм заваан байж байгаагүй. Ээж, эмээгийн маань "жоохон арчаа муутай" шүү гэсэн айлууд ч тийм байдаггүй.
Магадгүй гэр орондоо цэвэр нямбай байх нь эцэг эхийн хүмүүжилээс шалтгаалдаг байж магадгүй юм л даа.
Мартсанаас өнгөрсөн жил монголд очиход найз охин маань тусдаа гарсан гээд анх удаа гэртээ урьсан юм. Тэгсэн урд нь ичээд урьдаггүй байсан юм байна л даа. Надад хэлэхдээ манайх аймаар ядуу шүү би жоохон санаа зовоод гэхдээ ирж найзыгаа яаж амьдарч байгааг нэг хардаа гэсийн. Тэгсэн тэднийх гэр хороололд амьдардаг болсон юм байна л даа. Оройхон очсон болохыг ч хэлэх үү олон жил монгол яваагүйг ч хэлэх үү гэр хорооллын харанхуй гудамжаар бүдчихдээ жоохон эвгүй л байсан. Тэгээд хашаанд нь ороод л хамаг юм өөр болсон. Маш зайтай том хашаа гэрэлтүүэгтэй бөгөөд шинэхэн шавар байшингаас гадна хашаанд нэг суудлын, нэг ачааны машин тавиастай. Байшин нь өөрсдөө барьсан бөгөөд барьж дуусаад удаагүй гэнэ. Дотроо нилээн зайтай, вакуум цонхтой үнэхээр товхийсэн байшин. 2 хүүхэдтэй тэднийх нэг их тавилга гэхээр юмгүй ч цэвэр цэмцгэр гэж жигтэйхэн. Найз маань нилээн санаа зовсон байртай иймрхүү л байдалтай амьдарч байна даа хэмээсэн. Би түүнд энэнээсээ ичих хэрэггүй гэдэгийг нь хэлсэн. Хамгийн гол нь өөрсдийн гараар хийсэн юм гэж өөр шүү дээ. Хөлсөө дуслуулсан гэхээр анги ш тээ. Би лав найзаараа бахархсан. Амьдралын төлөө зүтгээд болохоос болохгүйг нь хүртэл явж байгаа жирийн нэг монгол бүсгүй. (мэдээж нөхөр нь бас жирийн нэг сайхан монгол залуу. )
...нэг танидаг герман айл 2 хүүхэдтэй, авгай нь гэртээ, нөхөр нь ажилладаг. Тэднийх нөхөр нь гайгүй ажилтай учир бас хүүхэдээ харуулдаг хүүхдийн асрагчтай. Тэгтэл нэг удаа авгай нь нөхөр лүүгээ ажил руу нь утасдаад "хүүе чи өнөөдөр эртхэн гэртээ ирж хүүхдүүдээ хар. Би ядарч үхлээ" гэж уурлах уйлагнахын завсар хэлж байна.
Миний лав нүд орой дээрээ гарах шахсан. Хүүхдийн асрагч нь өдөрт 8 цаг хүүхдүүдийг нь харна. Наад захын гэр орны ажил болох хүүхдийн өрөө цэвэрлэх гэх зэрэгийг хийгээд өгчихнө. Би ч 2 хүүхэдтэй, гэхдээ хүүхдийн асрагч байхгүй. Гэхдээ лав хэзээ ч нөхөртөө би ядарч үхлээ чи ажлаасаа ирж хүүхдээ хар гэж хэлж байгаагүй юм байна. Яаж ч байсан монгол хүүхнүүдийн амнаас тийм үг гарахгүй дээ. Тэр хүүхэн юунд тэгтлээ үхтлээ ядарсан юм бол гэж бодоод олоогүй.
...манай охины ангийн хүүхдүүд найз нар гээд герман хүүхдүүд манайхаар ирнээ. Найзууд нь байгаа үед би эндхийн хүүхдүүд идэх дуртай, тэгээд хийхэд амар болохоор өдрийн хоол ихэвчлэн шпагетти хийдэг юм. Гэсэн миний хэд хэдэн удаа сонссон юм гэвэл "манайх бараг өдөр болгон шпагетти хийдэг одоо харахаас дургүй хүрдэг болж байна." Хийхэд амар болохоор залхуураад л өдөр болгон шпагеттиддаг юм бол уу гэж ойлгосон.
За тэгээд монгол хоол идэж үзэг гээд бууз хийж өгөхөөр мах идэх муу гэсэн ойлголт эцэг эх нь хийгээд өгчихсөн тэгээд иддэггүй гэж байгаан. Бас герман найз болон танилуудаа уриад бууз хуушуур хийхээр эрчүүл нь амаа олохгүй иднэ. Миний бууз хуушуур бараг алдартай болсоон. ккк Харин хүүхнүүд нь таргалчихна, дэндүү их мах байна гээд л яг идэж харагдаач. Би ч сайн л биз гэж бодоод л, инээд алдаад л өөрөө хусаж өгдөгийн. ккк
Гэтэл ямар монгол айлд энд очсон сэтгэлээ гарган сайхан хоол хийгээд өгнө. Миний мэдэхээр манай монгол найзууд лав ямар шинэ хоол сурчих вэ, өнөөдөр ямар аятайхан хоол гэрийнхэндээ хийгээд өгчих вэ гэдэг сэтгэл үргэлж байдаг.
...герман хүүхнүүд нь аймаар явдалтай юм уу хаашаа юм. Танидаг мэддэг хүмүүсийн яриа сонсоод, ТВ зурагт үзээд байж байхад 5 эцэгийн 5 хүүхэдтэй гэх ч юмуу, хүүхдийн эцэг нь хэн гэдэгийг мэдэхгүй байна 2-3 өөр хүн байж магадгүй гэсэн явдал их байх юм аа.
За энэ ч би утга учрыг нь олох юм биш юм шиг байгаа ийн. Монголд байдаг юм уу үгүй юм у бүү мэд. Миний таних мэдэх хүрээнд л тийм юм байхгүй. Дээр үед говьд эрэгтэй хүн ховор учраас говийн хүүхнүүд гэж олон өөр эцгийн хүүхэдтэй хүүхнүүд байдаг гэж сонсож байсан.
... ихэнх герман хүүхнүүд гоо сайхны мэдрэмжгүй ч гэмээр юм шиг. Ихэвчлэн ганц бие залуу охидууд дундаас гоё ганган охид олныг харж болно. За тэгээд хүнтэй суугаад, хүүхэд гаргаад ирэхээрээ өмссөн зүүсэн гэж "өрвийсэн" юм явна даа.
Ямар сайндаа нэг герман залуу "манай герман хүүхнүүд хүүхэд гаргаад л хэрэг байхгүй, шалны алчуур шиг л болчихдог" гэж байсан.
Гэхэд энд ч бай монголд ч бай хүүхэдтэй өч төчнөөн хүүхнүүдийг харж байсан. Ганган, цэвэр цэмцгэр хувцасласан хүүхнүүд явж байдаг.
Ингээд харахаар монгол хүүхнүүдээрээ бахархаж болохоор байгаа биз.
Гэхдээ энд германд төрж өссөн гадаад хүүхнүүд орохгүй шүү.
Жишээ нь орос хүүхнүүд их ганган дэгжин байдаг, итали болон өмнөд зүгийнхэн их гэрсэг хоол унд хийнэ гэж ярих юм байхгүй.
Ингэж бодохоор герман залуучууд гадаад хүүхнүүдэд татагдах нь аргагүй ч юм уу
Зарим хүмүүсийн бичсэнийг уншаад үнэхээр нүд халтирдаг шүү!!!
ер нь энэ дэлхий дээр монгол эмэгтэй шиг ажилсаг, гэр орноо хэнээс ч дутахааргүй аваад явчихдаг, үр хүүхдээ гэсэн сэтгэлтэй хүүхнүүд ховор байх шүү...
Сүүлийн үед л гадныхныг дуурайж ил задгай болох гээд байгаа байдал ажиглагддаг ч яс махнаасаа монгол бүсгүйн шургуу хөдөлмөрч, махруу, үнэнч, цэвэр ичимтгий зан хаа ч аль ч улс оронд тодроод л, ялгараад л гарч ирдэг шүү дээ....