Moderator: mgl_300
Орчин үед төрөлт зөвхөн эмэгтэйчүүдийн асуудал биш болжээ. Судалгаагаар эрчүүдийн /78 хувь/ эхнэрээ төрөх үед маш их стресст ордог болох нь тогтоогджээ. Хүүхдийн хүйс буюу хүү, эсвэл “охин” төрөхдөө асуудал байгаа юм биш. Эхнэрийн өвдөлт, үүнтэй холбоотой шаналал нөхөрт халдварладаг гэж зарим сэтгэл зүйчид үздэг. Эхнэр төрөх үед нөхөр байх зөв эсэх тухай маргаан өнөө ч бүрэн шийдэгдээгүй. Эхнэрээ төрөх үед байсан нөхөр цаашид ханиа улам хайрлана гэж зарим нь үздэг.
Нөгөө талаас төрөх үйл явцыг харсан эр хүний сексийн хүсэл, мэдрэмж буурах магадлалтай гэх нь бий. Туршилтын журмаар анхны хүүхдээ харах хүсэлтэй 13 аавыг эхнэрээ төрөх үед байхыг эмч нар зөвшөөрчээ. Гэтэл 12 аав төрөлт дуусахын өмнө ухаан алдаж сандаргасан тул эмнэлгийн тусламж үзүүлсэн байна. Гагцхүү 13 дахь аав л бараг хашгиралгүй тайван байсан гэнэ. Үүний сацуу эхнэр төрөх үед аавууд сэтгэхүйн тогтворгүй байдалд ордог байна. Иймд зарим хөгжингүй орнуудад аавуудад “төрсний” амралт олгодог байна. Тодруулбал хүүхэд төрсний дараа амардаг гэнэ. Яагаад гэвэл хүүхэд нь төрсөн аав ажилдаа бараг хэрэгцээгүй болдог гэнэ. Үүнийг “аавын синдром” гэх нэрлэдэг.
- Тэрээр үнэт зөвлөмж өгөн байсхийгээд гэр рүүгээ утасддаг
- Маш их тамхи татдаг
- Албаны өрөөгөөр холхин бодолд ордог
- Хүүхэд яльгүй халуурвал сүйд болж, бужигнаан үүсгэдэг
- Ажлын цаг баримтлахаа больдог. Ажил дээр хүүхдийн асуудалтай холбоотой ном, товхимол уншдаг. Аавуудын энэ мэт байдал бусад ажиллагсдад халдварлаж ажлын уур амьсгалд сөргөөр нөлөөлдөг байна. Тиймээс бүтэн cap, шаардлагатай тохиолдолд хоёр сарын амралт / цалинтай/ өгдөг байна.