Moderator: mgl_300
Бичлэгийн тоо 42,366
НАЙЗУУДАА гарчиг бол ямар ч байж болно уучлана биз дээ
Хүний хөгжил сан”-гаас иргэн бүрт олгох эхний ээлжийн далан мянган төгрөгийг дөрөвдүгээр сарын нэгнээс үлдсэн иргэдэд олгохоор болсон тухай яригдах боллоо.Баянзүрх дүүргийн Халамж үйлчилгээний хэлтсийн дарга Г.Нарантуяагаас энэ талаар тодруулахад, хишиг хувиа аваагүй үлдсэн иргэдэд ирэх сарын нэгнээс мөнгийг нь олгохоор яригдаж байгаа. Гэхдээ бидэнд албан ёсны шийдвэр ирээгүй учраас тодорхой зүйл хэлж чадахгүй. Ямар ч байсан бэлтгэл ажил эхлээд байна” гэлээ. Нийслэлийн Халамж үйлчилгээний газрын хэлтсийн дарга Н.Чойжилсүрэнтэй уулзаж мөн энэ талаар асуусан юм.
-Ирэх сарын нэгнээс нийслэлийн хэмжээнд далан мянган төгрөгийг үлдсэн иргэдэд олгохоор болсон гэх юм. Энэ үнэн үү?
-Тийм ээ. “Хүний хөгжил сан”-гаас иргэн бүрт олгож байгаа мөнгийг эхний ээлжинд тэтгэвэр, групп, хүүхдүүдэд өгөөд эхэлсэн. Харин үлдсэн хүмүүст ирэх сараас мөнгийг өгөхөөр болж, бэлтгэл ажил нийслэлийн хэмжээнд эхлээд байна.
-Дүүргүүдийн Халамж үйлчилгээний хэлтэст энэ талаар тодорхой мэдээлэл очоогүй байх юм?
-Дүүргүүдэд утсаар ажлын чиглэл, үүрэг өгсөн. Дор бүртээ бэлтгэлээ хангаж байгаа. Энэ сарын 17-нд Халамж үйлчилгээний хэлтсийн ажилтнуудад сургалт зохион байгуулахаар болсон. Энэ үеэр дүүргүүдэд албан ёсны шийдвэрийг өгнө гэлээ.