ТОКИО. /ИТАР-ТАСС/. БНАСАУ-ын удирдагч Ким Чен Ирийн гурав дахь хүү Ким Чен Ун ирэх сарын эхээр Солонгосын Хөдөлмөрийн намын дээд удирдлагын бүрэлдэхүүнд сонгогдоно гэж Бээжин болон Пхеньян дахь эх сурвалжуудынхаа мэдээлснийг Японы мэдээллийн Киодо агентлаг уламжиллаа.
Тус агентлагийн мэдээлснээр, удахгүй болох намын дээд удирдлагын хурлаар Ким Чен Ун Солонгосын хөдөлмөрийн намын Төв хорооны гишүүнээр сонгогдож, дараа нь Төв хорооны бүгд хурлаар Төв хорооны Улс төрийн товчоо, СХН-ын ТХ-ны УТТ-ны тэргүүлэгчдийн бүрэлдэхүүнд сонгогдоно. Одоо 1980 онд таван хүний бүрэлдэхүүнтэй сонгогдсон ТХ-ны УТТ-ны тэргүүлэгчдийн цорын ганц гишүүн нь ерөнхий нарийн бичгийн дарга Ким Чен Ир хэвээр байна.
Энэ үйл явдал Ким Чен Уныг эцгийнхээ халааг авах хүнээр зарлан тунхаглах шийдвэрлэх алхам болно гэж эх сурвалжууд үзэж байна. Солонгосын төв цахилгаан мэдээний агентлаг /ЦТАК/ зургадугаар сарын сүүлээр намын дээд удирдлага сонгогдоно гэсэн товч мэдээ өгч байсан юм.
СХН-ын их хурал Ким Ир Сений халааг Ким Чен Ир авахыг албан ёсоор танилцуулсан 1980 оноос хойш болоогүй юм. Дараагийн их хурал 2012 онд, Ким Ир Сений мэндэлсний 100 жилийн ойгоор болж, тэр хурал дээр Ким Чен Уны томилгоог зарлана гэж эх сурвалжууд үзэж байна. Тус улсын одоогийн удирдагчийн эрүүл мэндийн байдлаас болоод уг арга хэмжээг наашлуулж магадгүй гэж олон улсын шинжээчид тэмдэглэжээ.
Эх сурвалж: “Монцамэ”
Умард Солонгосын ЦТАК агентлагаас тараасан мэдэгдэлд тэмдэглэснээр, БНАСАУ наймдугаар сарын 5-9-нд Солонгосын хойгийн баруун эрэгт болох Өмнөд Солонгосын тэнгисийн цэргийн сургуулийг ариун тэнгист нь цэргээр халдан довтолсон илэрхий баримт гэж үзэж байна.
Дайсны шумбагч хөлөг онгоцны болзошгүй халдлагад хариу авах зэрэг янз бүрийн ажиллагаа явуулахаар төлөвлөсөн жил тутмын ээлжит сургууль Пхеньяны илэрхий дургүйцлийг хүргэжээ. Энэ нь сүүлийн долоо хоногт болу буй цэргийн хоёр дахь сургууль болж байгаа бөгөөд долдугаар сарын сүүлээр Япон тэнгист болсон АНУ, Өмнөд Солонгос хоёр хамтарсан сургууль хийсэн нь 1976 оноос хойших томоохон сургуульд тооцогдож байгаа юм. Вашингтон, Сөүл хоёр өнгөрсөн гуравдугаар сард Шар тэнгист Өмнөд Солонгосын "Чхонан" хөлөг онгоц сүйрсэнтэй холбогдуулан сургууль хийсэн билээ.
Пхеньяны сүрдүүлэг даваа гарагт АНУ-ын Төрийн нарийн бичгийн даргын зэвсэг үл дэлгэрүүлэх, зэвсэглэлд хяналт тавих асуудал хариуцсан тусгай зөвлөх Роберт Эйнхорныг Сөүлд айлчлах үеэр хийсэн нь ажиглагдын анхаарлыг татаж байгаа юм. Тэрбээр ойрын өдрүүдэд АНУ Пхеньянд хориг арга хэмжээ авна гэж мэдэгдсэн билээ. Үүнтэй холбогдуулан Америкийн дипломатч Пхеньянд үзүүлэх дарамт шахалтаа мэдэгдэхүйц хүчтэй болгох уг арга хэмжээг дэмжихийг Сөүлд уриалсан байна.
Сөүлд Роберт Эйнхорны хийсэн уулзалт, зөвлөлгөөн хаалттай болсон хэдий ч, Пхеньянд үзүүлэх дарамт шахалтаа хүчтэй болгох талаар ямар арга хэмжээ авах тухай тодорхой мэдээлэл Өмнөд Солонгосын мэдээллийн хэрэгслүүдэд
ирсэн байв. Өмнөд Солонгосын нөлө бүхий "Чосон ильбо"сонинд мэдээлснээр, НҮБ-ын Аюулгүйн зөвлөлийн тогтоолд заасан хориг арга хэмжээ цөмийн болон пуужингийн хөтөлбөрүүдийг хэрэгжүүлэхэд оролцсон Өмнөд Солонгосын компани, хувь хүмүүст хмаатай байсан бол АНУ-ын сая дангаар авсан хориг арга хэмжээ нь зэвсэг, мансууруулах бодис, хуурамч валют нууцаар наймаалсныхаа ачаар олон саяын хөрөнгөтэй болсон Умард Солонгосын удирдагч Ким Чен Ирийн нууц бизнесийг таслан зогсооход чиглэх ёстой юм. Швейцарь, Люксембургийн эрх баригчдын дэмжлэгтэйгээр АНУ Кимийн гэр бүлийн мөнгийг хадгалж байгаа Европын банкуудад зарга мэдүүлэх бодолтой байна. "Чосон ильбо" сонины мэдээлснээр, зөвхөн энэ оны гуравдугаар сард Умард Солонгосын удирдагч Люксембургээс Швейцарь руу 4 тэрбум доллар гуйвуулжээ. Үүнтэй холбогдуулан Өмнөд Солонгосын мэдээллийн хэрэгслүүд шинэ хориг арга хэмжээг эрх мэдлээ гурав дахь хүү Ким Чон Ынд шилжүүлэхэд шаардагдах Ким Чен Ирийн санхүүгийн бааз суурийг нь бааз суурийг үгүй хийх учиртай аж.
Ингэснээр шилжих шатандаа явж байгаа Умард Солонгосын дэглэм либералчлагдаж магадгүй гэж Вашингтон, Сөүл хоёр найдаж байгаа юм. Харин ажиглагчид хориг арга хэмжээ авах замаар байдалд нөлөөлөх гэсэн оролдлого үр дүнтэй болно гэдэгт эргэлзэж байна. "Ким Чен Ирийн хөрөнгө янз бүрийн улсад нууцлагдсан байгаа, тэр болгоныг олох амаргүй" гэж Москвагийн их сургуулийн Солонгос судлалын төвийн захирал Павел Лешаков тайлбарлажээ.