Умард Солонгосын асуудалд Монголыг оролцуулахыг санал болгожээ
Уншсан 1170 vote 0 2009.06.11 19:18:30
|
Умард Солонгосын цөмийн асуудлыг шийдвэрлэхэд Монгол Улсыг татан оролцуулах санаачлагыг Хятадын улс төр судлаач дэвшүүлсэн байна. Энэ санаачилгыг Бээжинд болж буй “Орос, Монгол, Хятад энхтайван, хөгжил, хамтын ажиллагаа” нэртэй хоёрдугаар бага хурлын үеэр БНХАУ-ын Нийгмийн ухааны хүрээлэнгийн төлөөлөгч гаргажээ. Тэрээр Умард Солонгосын эрх баригчид олон улсын харилцаанд аюулгүй байдлыг онцлоход бэлэн бус байгааг урьд нь хийсэн цөмийн туршилт харуулж байгааг тэмдэглэжээ. Тиймээс Пхеньяны эрх баригчидтай харилцахдаа эдийн засгийн салбарт гол анхаарлаа хандуулж, олон улсын хамтын нийгэмлэгтэй яриа хэлэлцээр хийлгэх өөр гарц олох ёстой гэнэ. Үүний тулд БНАСАУ-тай Хятад, ОХУ, Монголын харилцааг сайжруулж, аажмаар Өмнөд Солонгосыг энэ үйл явцад хамруулах ёстой аж. “Эрчим хүч, нөөц баялаг, эд барааг тээвэрлэх нь БНАСАУ-ыг хамтран ажиллуулахад ихээхэн чухал болно. Учир нь БНАСАУ-д хөгжихийн тулд эрчим хүчний нөөц хэрэгтэйн зэрэгцээ бүс нутгийн худалдааг дэмжих газар зүйн боломж” хэмээн улс төр судлаач дүгнэсэн байна. Д.Мөнхболд |
AIRMARKET:
6 сарын 12, 19, 26 ны өдрүүдийн UB-SEOUL OM305, SEOUL-UB OM306 нислэгт,
6 сарын 21, 24, 28 ны өдрүүдэд Мөрөн, Ховдын нилэгт тус бүр 25% хямдарлаа
Лавлах утас: 315050, 325050, 335050, 365050,
Seoul office: 02-2265-5050