МОНГОЛ УЛСЫН НИЙСЛЭЛ УЛААНБААТАР ХОТ МОНГОЛ УЛСЫН ГАДААД ЯВДЛЫН ЯАМНААС СҮҮЛИЙН ҮЕД СОЛОНГОСЫН ХОЙГ ДЭЭР ӨРНӨЖ БУЙ ҮЙЛ ЯВДАЛТАЙ ХОЛБОГДУУЛАН БНСУ-д АМьДАРЧ АЖИЛЛАЖ, СУРЧ БАЙГАА МОНГОЛ УЛСЫН ИРГЭДЭД ХАНДСАН МЭДЭЭЛЭЛ ХҮРГЭХ ТУХАЙ... гээд л хэзээ монгол улсын төр засаг 30 000 дотоодын хамгийн том хөрөнгө оруулагч, үндэсний аюулгүй байдлын баталгаа болсон иргэдийнхээ сэтгэлийг амраах бол ........
Мэдээллийн үнэ цэнэ. Дөрөв дэхь засаглал гэж хэвлэл мэдээллийг хэлдэг нь яaсан үнэн үг вэ?
БНСУ-д байгаа монголчуудын хувьд эртний уламжлалт монгол арга болох албан бус яриагаар мэдээлэл олж авдаг. Төр бидэнд үйлчлэх ёстой юу эсвэл бид төрд үйлчлэх ёстой юу гэдгээ ч мэдэхгүй л байна. Гадаад оронд байгаа бидний төлөө элчин сайдаасаа илүү консул болон консулын алба ажилдаг юм гэнэ лээ. Элчин бол монгол улсын ерөнхийлөгчийн их хуралтай зөвшилцөн томилсон монгол төрийн төлөөлөл. Солонгосдоо л монголчууд бидний ЕРӨНХИЙЛӨГЧ.
Засгийн газар гүйцэтгэх ажлыг нь консул хийдэг юм болов уу гэж бодох юм. Хар ухаанаар бодоход шүү дээ.
Дөнгөж саяхан монгол улсын гадаад явдлын яамнаас БНАСАУ цөмийн туршилт хийсэнтэй холбоотoи мэдэгдлийг Зүүн хойд Азийн бүсийн оронд байдагийн хувьд хийсэн. Харин дайны бэлэн байдалд орчихсон Солонгосын хойг дээр буй 30 000 иргэндээ зориулж юм хэлэхээ мартсан юм уу шаардлагагүй гэж үзсэн бололтой. Эсвэл 30 000 монголчууд болон тэдний ар гэрийхэнд зориулж гаргасан мэдээллийг нь би олж хараагүй байх.Харсан бол хэн нэгэн нь нөгөө цуу яриа хэлбэрээрээ дамжуулаад энэ сайт дээр тавьчихаарай.
Мэдээлэл гэдэг сурталчилгаа биш шүү дээ. Мэдээ, мэдээлэл гэдэг хааныг луйварчин ч болгож чадах, боолыг хаана ч болгож чадах аугаа их чадлыг хадгалж байдаг юм байна.
Солонгосын ТВ,радиогоор л дайн гээд л орилоод байхад ажлаа, хичээлээ хийгээд үхлээ хүлээсэн хонь шиг байж болох уу? даа. Эсвэл монголчууд оюуны чадвар сайтай тулдаа олон улсын мэдээлэлүүдийг харьцуулан ойлгоод нэгдсэн нэг ойлголттой болчихдог гентэй юм болов уу?
Монгол Улсын төр засгаас гадаад оронд байгаа иргэдээ сонгуульд оруулаагүйн үр дүн. Үйлдвэрт ажил хийгээд зогсож байхад ТҮН гээд л дуугарвал дайн гэж бодоод сууж байх нь дээ.
Хэддүгээр зуунд амьдарч байгаа Солонгосын хойг дээрx Робензон Крузо вэ бид чинь.
Мэдээ, мэдээллийн албан ёсны томьёлол энд хэрэггүй зүгээр л хэвлэл мэдээлэл хариуцсан төрийн төлөөлөл болсон бидний мөнгөөр цалин авч амьдрагчаа үүргээ биелүүлээчээ. Монгол Улсын албан ёсны мэдээллээр биднийг хангаач. Олон улсын бүх гэрээ хэлцэлийг цуцлаад, дайны байдалд бүрэн шилжсэн БНАСАУ болон сөргөлдөгч тал болох БНСУ-н энэ байдал онц байдал мөн үү биш үү.
мэдээ мэдээ мэдээ байна уу? ямар ч мэдээ алга уу? УЛААНБААТАР хотоос