Өдөржин компьютерийн ард сууж, өрөөн дотуураа ганц хоёрхон алхалж, өдөр нэг, үдэш нэг нийтдээ хоёр удаа махан хоол цохиж орой очингуутаа “шидэт дохиураа” шүүрч аваад орондоо шургана, сувгаа солиод л байна, солиод л байна нэг мэдэхэд “тасарчихсан”, өглөө болчихсон. Босоод ажилдаа жирийсэн, орой болсон. Өнөөгийн залуусын өдрийн дэглэм нэг иймэрхүү. Маршрут өөрчлөгдлөө гэхэд үсрээд замаараа нэг газар сууж шар айраг гүзээлэх.
За тэгээд цадиггүй нэг нь тамхиан угсруулж судасны ханаа никитоноор шавна. Гучин насны босго давав уу үгүй юу нарийн гуятай бүдүүн гэдэстэнүүд. Таргалж амжаагүй хэд нь туранхай гэж хэлэхэд ахадмаар ч юм шиг, тураалтай гэж хэлэхэд гомдмоор ч юм
Африкийн айхтар улс орнууд шиг өлсгөлөн нүүрлэлгүй өдий хүрсэн малчин хувь заяандаа талархая. би нэг сайн эр болж Монгол залуусынхаа эрүүл мэндэд санаа зовнин ганц амьсгаагаар таргалалтын голлох хэдэн шалтгааныг чангаар дуудъя.
Хөдөлгөөн дутагдаж байнаа. Үүнд олон янзын хөдөлгөөн орох ба орондоо хийх хөдөлгөөн ч мөн адил хамаарна.
- Буруу хооллоод байнаа. Унтахын өмнө мах зооглоод, хөнжилдөө унгастай, зүүдэндээ мангастай байгаа нөхдүүд үүнд хамаарна. Аа бас цочир өлсөж, цочир иддэг хүмүүс энэ ангилалд цочир орно шүү гэж мэдээрэй.
- Шим тэжээлийн тэнцвэр алдагдах. Өдөр болгон тостой хоол гулгуулдаг хүмүүс анхаарууштай. Ямаа биш ногоогоор яахав гэж муйхарлавал удахгүй ямаа бүү хэл цүдгэр гэдэстэй үнээ болно гэдэгт итгэж болно.
- Сэтгэл санаа, мэдрэлийн хямрал. Утаа униар, бөглөрөл, хямрал, ажил төрөл, мөнгө гэж нэг их бухимдаад хэрэггүй. “Сайн” бухимдлаа гээд бүх юм болчихдог, бүтчихдэг байсан бол яахав гэхсэн. Тийм бишээс л хойно та тайван бай, таны толгой шоовон байна.
- Таргалснаар зүрх мууддаг, зүрх муудсанаар эргээд таргалдаг.
- Буруу зуршил. Янжуурчин Баагийнууд голлон анхаарууштай гэж цохон тэмдэглэмээр.
- Удамшил... гэх мэт утгагүй шалтгаанууд үлдсэн хувийг эзэлнэ.
Ер нь ингээд сонсож ээ суухад таргалалт маань глобал асуудал болжээ өнөөдөр. Америкчууд хүртэл хотдог-оосоо татгалзахад хүрч байна. Таргалалт бүх төрлийн өвчин дагуулдаг гэдгийг мэдсэн, мэдэрсэн болохоор тэр. Хөхний хавдар, зүрхний өвчин, бэлгийн сулрал, чихрийн шижин гээд тоочоод байвал чамгүй урт жагсаалт болдог юм байна.
Тэгсэн харин манай залуус ингэж ярьж байнаа. “Гүзээ чинь буяны тарга шд,”, “Эрэгтэй хүн гүзээтэй байвал сүртэй булиа харагдана шд”, “Хүүхнүүдэд гүзээтэй булцгар залуус их таалагддагийн шд”.
Үнэхээр гүзээтэй залуу секси харагддаг гэж үү бүсгүйчүүдээ?
Сайхан өвтэгш бие бялдартай гоолиг залууд найз бүсгүй, эхнэр тань сэтгэл алдарах вий гэж зовнихгүй байна уу залуусаа? 
Таргалалттай холбоотой нэг тоон мэдээлэл дурдахад секс хийж байхдаа амьсгал хураасан хүмүүсийн 75 хувь нь тарган эрчүүд байдаг гэнэ. Аа бас нэг эерэг мэдээлэл байгаа нь тарган эрчүүд эхнэрээ араар тавих тохиолдол туранхай эрчүүдийнхээс 30 хувиар бага байдаг байна.
Эцэст нь хэлэхэд Монгол залуус минь бие бялдар, оюун ухаанаа хамтад нь хөгжүүлнэ шүү. Хүдэр чийрэг баатруудын удам залуус маань хальт харахад хөл хүнд эм хүн мэт харагдах нь хичнээн зохисгүй. Эр хүний бахархалаа толинд л олж хардаг болчихвол ямар олиг байхав. Ажлыг зохицуулж болноо. Өдрийн дэглэмээ шинэчил. Хаа сайгүй л бялдаржуулах төв, бассейн байна. Хангалттай мэдээлэл авч болохоор эх сурвалжууд байна. Банжигт л гэхэд ТJ- ийн блог байна. За тэгээд сайхан бие хаатай болчихоод охидуудын нүдийг унагасан шигээ... айн.
Жаргалан жаргалан жаргалан энэ ертөнцийн түмэн жаргалан, түүний дотор чухам жаргалан эрүүл энхийн нэгэн жаргалан. Жин хэвийн бөгөөс бие эрүүл...
Бие хаагаа сайхан хөгжүүлсэн бол юунд ийм юм болохов.Ха ха. Илүүдэл жингүй гэж хээвнэг суугаад яахав. Суудлын ажил эрхэлдэг бол хүссэн хүсээгүй сунаж л таарна. Сунаагүй дээр нь чангалаад аваарай.
|
|
Юу бодож буйгаа анхаарч бай |
учир нь бодол үг болдог |
|
Юу хэлж буйгаа хянаж бай |
учир нь үг үйлдэл болдог |
|
Юу хийж буйгаа анхаарч бай |
учир нь үйлдэл зуршил болдог |
|
Юуг үргэлж хийдгээ анхаарч бай |
учир нь зуршил зан чанар болдог |
|
Зан чанараа анхаарч бай |
учир нь зан чанар |
|
| |
|
ХУВЬ ТАВИЛАН болдог | |
- Холбоотой бичлэг :
- http://www.mglclub.com/1839151/785/trackback
.gif)
Яг олоод хэлчихлээ шvv....gif)