Солонгос эр Монгол эмэгтэйг зодож, хоолонд шүлсээ нулимсаар байх уу та минь!!!!!!!!
Уншсан 2096 vote 0 2009.11.08 22:58:28
Нийслэл хотын төвд орших "Улаанбаатар банк"-ны нэг давхарт байрлах "Чунгачиб" рестораны захирал И Гель Сv өнгөрсөн бямба гарагт монгол ажилтнаа цээжин тус газар нь хоёр удаа, мөн нуруу руу нь хvчтэй цохиж танхайрав. Тэрээр "Танай монгол улс хэсэг хугацааны дараа байхгvй болно. Хятад солонгос хувааж авна" гэх мэтээр элдэв хараал урсган хохирогч эмэгтэйг дахин зодохыг завдаж байхад нь тус рестораны монгол ажилчид хориглон зогсоожээ. Бид мэдээллийн дагуу 17 цагийн орчим очиход хохирогч эмэгтэйн нvд хавдчихсан, маш их айж сандарсан төрхтэй угтлаа. Тэрбээр тус хоолны газрын менежерээр хоёр жил гаруй ажиллаж байгаа гэнэ. Чухам яагаад зодох болсны учрыг лавлахад, тvvнд солонгос захирал нь хөргөгч засуулах vvрэг өгчээ. Эмэгтэй засварчин дуудаж хөргөгчөө засуулсан байна. Гэтэл захирал маргааш нь хөргөгч муу засуулсан гэх шалтгаанаар эмэгтэй рvv нэг цагийн туршид солонгос монголоор хараал тавин зандарч эцэст нь зодож уураа гаргажээ.
Хохирогч эмэгтэй Чингэлтэй дvvргийн цагдаагийн хэлтэст хандан өргөдөл гаргах болсон байна. Дээрх ямаан омогтой яхир этгээд монголд 10 гаруй жил амьдарч байгаа аж. Маш дээрэлхvv, ажилчдаа байнга элдэв муу vгээр дайрч, уурлахаараа удахгvй монгол улс байхгvй болно хэмээн басамжилж, тvvгээр ч барахгvй менежер эмэгтэйг нэрээр нь бус монгол гахай гэж дууддаг байж. Уг эрэгтэй танхайрах өдрийнхөө урьд шөнө нь хэсэг солонгосчуудтай 16-20 орчим насны хэд хэдэн монгол охидыг хоолны газартаа авчран зугаацжээ. Хvйтэн цэвдэг сэтгэлтэй солонгос захирал ажилтнаа зодохоос гадна бидэнд чухам ямар хоол хийж vйлчилдэг талаархи мэдээллийг тус хоолны газрын vйлчилгээний ажилчид өгсөн билээ.
ЦЭРТЭЙ ШVЛСЭЭР ХООЛ ХАЧИРЛАДАГ
Нийслэл хотын мэргэжлийн хяналтын албанаас ердөө 300 гаруй алхамын зайд
орших "Чунгачиб" ресторан vйлчлvvлэгчийн хоолонд цэртэй шvлсээ хольж
тохуурахдаг гэнэ. Энэхvv vйлчилгээний газрын ахлах тогооч хятадын өмнө
зvгээс монголд ирж ажиллаж буй Piao Jinshun гэгч солонгос гаралтай
хятад эмэгтэй. Тус ресторанд зуныхаа амралтаар ажиллаж байсан оюутан
охиныг аяга таваг угааж байх vед нь захиалга өгсөн хоёр монгол
залуугийн хоолонд шvлсээ хийсэн байна. Охин яагаад ийм зvйл хийх
болсныг тогоочоос асуухад хямд хоол захиалсан учраас дургvйцаж буйгаа
илэрхийлсэн хэмээжээ.
Монголчууд бид саруулхан танхимтай бол цэвэрхэн газар байна хэмээн хоол захиалан сууцгаадаг. Гэтэл харийн нутгаас бадар барьж ирсэн хятад тогооч хаалганы цаана хоолонд шvлсээ хийгээд зогсож байгаа гэдгийг бид хэрхэн мэдэх билээ. Миний нутагт монгол ээжийг зодож танхайрсан солонгос захиралын зарц хятад бvсгvй vйлчлvvлэгчийн хоолонд шvлсээ хийгээд зогсоогvй ...
БИДЭНД НОХОЙН ХООЛООР VЙЛЧИЛДЭГ
Мөнөөх ахлах тогооч Piao Jinshun vйлчлvvлэгчийн хоолонд шvлсээ хийх
энvvхэнд бололтой. Тэрээр олон захиалга зэрэг орж ирэх vеэр урд нь
хооллоод гарсан хvмvvсийн будааны шавхарууг цуглуулан дараагийн
vйлчлvvлэгчид өгдөг гэнэ.
Нохойд өгөхөөр бэлтгэсэн хоолыг хvмvvст өгөх тэдэнд бол нэг их асуудал биш ажээ. Бид солонгос хоол зооглохдоо ширээ дvvрэн хачир ирдгийг олзуурхан магтацгаадаг. Гэтэл миний өмнөхөн хооллоод гарсан найзынхаа vлдэгдэл хачрыг ширээн дээр тавихад нь баярлалаа хэмээн толгой дохиод сууж байдгаа яаж мэдэх билээ дээ. Ямар далдыг хардаг далай лам биш дээ. Бид бусдын vлдээсэн будааны шавхаруунд мөнгөө төлөөд баярлалаа хэмээн гарч оддог болж таарах нь.
Ийнхvv хоёр жил нийслэлд" Чунгачиб" хэмээх рестораныг ажиллуулсан солонгос эзэн хятад зарц хоёр хуурамч инээмсэглэлээр биднийг угтан нохойн хоолоор vйлчилээд vддэг байсан аж. Аль эрт биднийг сэтгэлдээ өмчлөн авч нохойны дайтай vзэж vйлчилж ирсэн хятад, солонгос цагаачид хууль хяналтын байгууллага хариуцлага тооцох биз ээ. Дээрх ресторанд ажиллаж буй монгол ажилчид ч цагдаагийн байгууллагад хандах болсон тухайгаа ярьж байсан. Мөн хохирогч эмэгтэй шvvх эмнэлэгт хандах болсон байна. Тэрээр ирэх долоо хоногоос / өнөөдрөөс / шат шатны байгууллагад хандаж хохирлоо барагдуулах аж. Энэ бол нийслэлд vйл ажиллагаа явуулж буй нэг л рестораны бодит жишээ.
Vvний цаана хичнээн гадны эзэнтэй хоолны газрууд чухам ямар хоол хийж бидэнд vйлчилдэгийг таах аргагvй. Тиймээс монгол газар нутагт vйл ажиллагаа явуулж буй "Чунгачиб" мэтийн vйчилгээний газруудад тавих хяналт шалгалтаа мэргэжлийн байгууллагууд сайжруулах цаг хэдийнэ иржээ. Эсвэл бид харийн цагаачдын нохойн хоолыг зооглосоор байх уу...