Бичлэгийн тоо 2,391
Хилийн чанадад суугаа Монгол улсын иргэддээ хандаж Гадаад харилцааны сайд Г.Занданшатарын илгээсэн шинэ жилийн мэндчилгээ
Уншсан 1532 vote 0 2009.12.29 13:47:40Манай гаригийн єнцєг булан бvрт суугаа Монгол улсын иргэд ээ! Эх орон нэгт ахан дvvс та нартаа ирж буй шинэ жилийн мэнд хvргэж, ажил vйлс бvтэмжтэй, амжилт бvтээл арвин, аз жаргал дvvрэн байхын єлзийтэй ерєєлийг єргєн дэвшvvлье.
Улс орны эдийн засгийн тэргvvлэх салбар-уул уурхай цаашид эрчимтэй хєгжих замд орлоо. Дэлхийд томоохонд орох Оюутолгой зэсийн ордыг ашиглах гэрээг 2009 оны намар гадаадын хєрєнгє оруулагчидтай байгууллаа. Цаашид нvvрс, уран, мєнгє зэрэг эрдэс баялгийг ашиглах, тэдгээрийг дагасан дэд бvтцийн томоохон тєслvvдийг хэрэгжvvлэх зорилт тулгарч байна.
Тус яам “Гадаад харилцааг эдийн засагжуулах хєтєлбєр”-ийг санаачлан боловсруулж, 2009 оны 10 сард Засгийн газраар батлуулсан бєгєєд цаашид уг хєтєлбєрийг хэрэгжvvлэх vvднээс улс орондоо гадаадын хєрєнгє оруулалтыг нэмэгдvvлэх, гадаад худалдааг єсгєх чиглэлээр идэвхитэй ажиллах болно.
Ардчилсан хувьсгал єрнєж эхэлсний 20 жилийн ойг єргєн дэлгэр тэмдэглэв. Энэ тvvхэн богино хугацаанд манай улс зах зээлийн эдийн засагт шилжих тvvхэн шилжилтийг амжилттай хэрэгжvvлж, дэлхийн олон улс орон, олон улсын байгууллагуудтай vр бvтээлтэй хамтран ажиллаж байгаагийн дvнд манай орны олон улсын нэр хvнд єсєж байгааг тэмдэглэхэд таатай байна. Vvний хамт гадаадад ажиллах, сурах манай иргэдийн тоо нэмэгдэж байгаа бєгєєд эдvгээ 120 мянгад хvрчээ. Гадаадад оршин суугаа иргэдийнхээ эрх ашгийг хамгаалах нь манай гадаад бодлогын нэн тэргvvний чиглэл болж байна.
Монгол улсаас гадаад орнуудад суугаа дипломат тєлєєлєгчийн газруудын тэргvvн нарын зєвлєгєєнийг 2008 оны эцсээр, Монгол Улсын єргємжит консулуудын зєвлєлдєх уулзалтыг 2009 оны 9 сард тус тус зохион байгуулж, хилийн чанадад суугаа манай улсын иргэдийн эрх ашгийг хамгаалж ажиллах талаар 35 дипломат тєлєєлєгчийн газар, 38 оронд байгаа 66 єргємжит консултай тодорхой ярилцаж, хийх ажлаа тєлєвлєлєє.
Гадаадад суугаа манай ДТГ-ууд иргэдийнхээ судалгаа бvртгэлийг бvрэн гаргаж, ахуй нєхцлийг нь судалж, ажлын газар, сургуулийн удирдлагуудтай нь холбоо тогтоох, иргэдийг хvлээн авах тусгай єдєртэй болох, иргэдийн санал хvсэлтийг шуурхай барагдуулж байхыг би саяхан гаргасан албан даалгавартаа тодорхой заасан.
Мєн гадаад орнуудад суугаа манай улсын иргэд, оюутан сурагчид, эрдэмтэд, уран бvтээлчид, бизнес эрхлэгчидтэй байнгын холбоотой ажиллаж, нэгдсэн мэдээллийн бааз бий болгох, улс эх орноо сурталчлахад татан оролцуулах, тэдний сургалт судалгаа, уран бvтээл, бизнесийн ажилд аль болох дэмжлэг тусламж vзvvлж байхыг ДТГ-даа бас vvрэг болгосон.
Иймд иргэд та бvхэн суралцаж, ажиллаж, амьдарч байгаа орондоо суугаа Монгол Улсын Элчин сайдын яам, Ерєнхий консулын газар болон єргємжит консулуудтай байнгын холбоотой байж эрх зvйн болон бусад туслалцаа авч, эрх ашгаа хамгаалуулан, санал бодлоо илэрхийлж, харилцан бие биендээ тусалж, хамтран ажиллахыг хvсч байна.
Хилийн чанадад эрх ашиг нь хєндєгдсєн, гачигдал зовлон учирсан иргэдэд санхvvгийн тусламж vзvvлэх тогтолцоо бvрдvvлэх зорилгоор “Иргэдэд туслах сан”-г байгуулан ажиллаж байна.
Иргэд зорчих нєхцлийг хєнгєвчлєх vvднээс 16 улстай харилцан визгvй зорчих хэлэлцээр байгуулан мєрдєж байна. Цаашид харилцан визгvй зорчих улсын тоог нэмэгдvvлэх чиглэлээр Гадаад харилцааны яам хvч чармайлтаа тавин ажиллаж байгаа бєгєєд зарим тодорхой vр дvн 2010 оноос гарна гэж найдаж байна.
Хилийн чанадад суугаа манай иргэдэд суугаа орныхоо хєгжил, дэвшлийн ололт амжилтыг анхааран судалж, тэргvvний арга туршлага, ноу-хау, орчин vеийн стандарт, шалгуурыг эх орондоо шилжvvлэн хэрэгжvvлэх, улс орны хєгжлийг хурдасгахад хэрэгтэй шинэлэг санаа, оноог уламжлан дэвшvvлж байхыг хvсье.
Та бvхэн улс орныхоо хєгжил, дэвшлийн тєлєє байнга санаа тавьж, сурсан эрдэм, олсон туршлагаа эх орондоо харамгvй зориулах хvсэл эрмэлзэл дvvрэн явдагт бид их баяртай байдаг бєгєєд цаашид та бvхний хувь нэмэр, тус дэм улам єсєн нэмэгдэнэ гэж итгэж байна.
Та бvхнийг байнгын холбоо, харилцаатай байж, санал хvсэлтээ тогтмол уламжлан бидэнтэй хамтран ажиллахыг би Монгол Улсын Гадаад харилцааны сайдын хувьд уриалж байна. Монгол Улсын Гадаад харилцааны яам та бvхэнд vргэлж нээлттэй байх болно. Та бvхэндээ эрvvл энх, эрч хvч, олз омог дvvрэн байхын ерєєл дэвшvvлье.
Монгол Улсын Их Хурлын гишvvн
Засгийн Газрын гишvvн
Гадаад харилцааны сайд Гомбожавын Занданшатар
- Холбоотой бичлэг :
- http://www.mglclub.com/2594260/b5a/trackback
БНСУ-д ажиллаж, сурч, амьдран байгаа монгол хүн бүрт болон Монгол Улсын, монгол хүний төлөө сэтгэл, оюун ухаан, үг хэл, ажил үйлсээ зориулдаг солонгосчуудад (хүргэн, бэрүүд,ач зээ, түншлэгч нартаа) 2010 ондоо эрүүл энх, элэг бүтэн аз жаргалаар дүүрэн байхыг хүсье!
Хүний нутаг гүний газарт өөрийн биш амьдралаар хүслээрээ, зоргоороо, хяслаараа амьдарч байгаа энэ цаг хугацааг алтнаас илүү үнэтэйг үл мартан, өглөө босохдоо өнөөдөр орой буцах, оройд унтахдаа маргааш өглөө буцах юм шүү гэж төлөвлөж, сэтгэж, ажиллаж, сурч байхыг БНСУ-д ажиллаж, сурч, амьдарч байсан мянга мянган монголчуудын өмнөөс захилаа. Зөв талаас нь тунгаан бодож, шинэ оноо Их Монгол гүрний зүүн урд захын Солонгын оронд гуулин ахан дүүстэйгээ эвтэй найртай, инээж баяслаар дүүрэн тэмдэглээрэй.
Мөнх хөх тэнгэрийн эх орноос тань