Солонгос улсад хөдөлмөр эрхлэж буй гадаад ажилчдын тоо 550,000 хүрлээ.
4сарын 6-ны өдөр Самсунг эдийн засгийн судалгааны хүрээлэнгээс мэдэгдсний дагуу дотоодод хөдөлмөр эрхлэж буй 551,858 гадаад ажилчин байгаа бөгөөд эдийн засгийн идэвхитэй хүн амын 2.2хувийг эзэлж байна гэсэн тооцоо гарчээ. Энэ нь тус улсад оршин сууж буй 1,174,700 гадаад иргэдийн 47хувийг эзэлж байгаа юм байна.
Эдгээр гадаад ажилчдын дунд мэргэжлийн бус 510,000 ажилчин нь 93 хувийг эзэлж байна. Улс орон бүрээр нь үзвэл солонгос гаралтай Хятадууд (55.1%) хамгийн их байгаа бөгөөд Вьетнам (9.16%), Филиппин (5.23%), Тайланд (4.68%) улсууд удаах байранд орж байгаа ажээ. Илтгэлд эдийн засгийн хямралаас хойш гадаад иргэдийн хилээр нэвтрэх журмыг чангатгасан хэмээн дурджээ. Засгийн газрын хөлслөн ажиллуулах тогтолцооны дагуу хилээр нэвтэрч буй гадаад ажилчдын квот 2008онд 72,000ажилчин байсныг 2010онд 24,000ажилчнаар цөөрүүлсэн байна. Түүнчлэн барилгын салбар зэрэг дотоодын ажилчдын ажлын байрыг бэхжүүлэхийн тулд ажилд орох журмыг чангатгасан байна
Эдгээр журманд өөрчлөлт орсноор 2008оны 2-р улирлаас хойш хилээр нэвтэрч буй гадаад ажилчдын тоо багассан ажээ. Жилд 15хувиар нэмэгдэж байсан дотоодод оршин сууж буй гадаад иргэдийн тоо 1хувиар буурсан байна. Самсунг эдийн засгийн судалгааны хүрээлэнгийн Чуи Хунг судалгааны ажилтан "Гадаад иргэдийн хилээр нэвтрэх журмыг чангатгахдаа дотоодын хөдөлмөрийн зах зээлийн онцлогийг харгалзаж үзэх ёстой” хэмээн өгүүлсэн юм. Европын холбоо (EU) нь гишүүн орнуудынхаа хүний нөөцийн шилжилт хөдөлгөөнийг чөлөөтэй болгосон ба Солонгос улс чөлөөтэй болгоогүй нь 3D(3D-хүнд, аюултай, хэцүү)үйлдвэрээс зайлсхийх хандлага их байдаг учраас тэр юм байна.
Тэрээр хөдөлмөрийн зах зээлийн уян хатан байдлыг нэмэгдүүлэхийн тулд хориг саадыг сулруулах хэрэгтэй гэсэн юм.
Сурвалжилсан : Сонг Вон Гёнг |