“Томоогүй өссөн танхил насанд минь
Тоотой зандарсан дөлгөөн аавынхаа
Хэлсэн бүгдийг сэтгэлдээ тунгааж
Хэрэг болгон анзаарсан ч бил үү дээ”
хэмээн цангинуулж өглөө. . Өнөөдөр Монголын ирээдүй болсон 5-17 насны 66 мянга гаруй хүүхэд энэ хүүтэй адил эцэг эхдээ хоолны мөнгө олж өгөхөөр хөдөлмөр эрхэлж байна. Энэ нь нийт хүүхдийн 10 хувь нь юм.
Хүүхдийн эрүүл мэнд, оюун ухаан, ёс суртахуун болон нийгмийн хөгжил, төлөвшилд хор уршигтай, сурах эрхийг хаасан хөлсгүй болон хөлстэй ажлыг хүүхдийн хөдөлмөр гэж тодорхойлдог юм байна.
Манай улсад хэт хүнд ачаа бараа зөөх,хог түүх хурдан морь унах болох циркийн үзүүлбэрийг хүүхдийн тэвчишгүй хүнд хөдөлмөрт тооцдог. Түүнчлэн уурхай, газрын дор ажиллуулахыг ч энэ ангилалд оруулдаг. Өнгөрсөн оны байдлаар хөдөлмөр эрхэлж байгаа хүүхдүүдийн 25.4 хувь нь 5-9 настай, 35.1 хувь нь10-14 настай, 39.5 хувийг 15-17 насны хүүхэд эзэлж байжээ. Энэ нь 5-9 настай хүүхдийн хөдөлмөр эрхлэлт өмнөх оноос 3.1 хувь ихэссэн гэсэн үг. Уул уурхайн салбарт ажиллаж байгаа хүүхдүүдийн 48.3 хувь нь бие эрхтэндээ гэмтэл авсан, 12.5 хувь нь усанд унаж гэмтсэн, 17.1 хувь нь чулуу болон багаж техникт дарагдсан гээд сэтгэл эмзэглүүлсэн тоо хөвөрсөөр
Монголын хүн амын 30 хувь нь ядуу амьдарч байна. Хүүхдээ сургуульд сургах боломжийг хангаж өгөх, өрхийн эдийн засгийг дэмжих, тэдэнд боловсролын талаар мэдээлэл олгох нь чухал. Гэр бүлийг дэмжиж, тэдэнд хүүхдийг боловсролтой болгох нь ямар тустайг ойлгуулах нь хүүхдийг хөдөлмөрөөс хөндийрүүлэх асуудалд ач холбогдол өгнө.
Улс орныхоо ирээдүй болсон хүүхдүүдийнхээ төлөө ийнхүү хайнга хандсаар байх уу.