“Инээж өсөөрэй ”сан

“Инээж өсөөрэй ” сангийн тухай :

БНСУ-д ажиллаж амьдарч буй хүсэл зорилго нэгтэй залуучууд нэгдэн “Инээж өсөөрэй” санг 2010оны 5сарын 16-ны өдөр үүсгэн байгуулсан. Тус сан нь Монголын хүүхэд багачуудын хөгжил боловсролыг дэмжих, Монгол дахь нэн ядуу өрхийн болон хараа хяналтгүй хүүхдүүдийг дэмжих, хүүхэд багачуудын сайн сайхан ирээдүйн төлөө гэсэн санаа бодлын улмаас нэгдсэн хүмүүсээс бүрдсэн төрийн бус байгууллага.

Сангийн удирдах зөвлөл :

Сангийн тэргүүн – С. Бадамбазар

Сангийн удирдах зөвлөлийн гишүүд : Х.Баярмаа, Ц.Галбадрах, О.Гантуяа, Ш.Мөнгөнчимэг, Л.Оргил, Г.Хишигбуян, П.Энхтайван

Бидний эрхэм зорилго :

Монголын хүүхэд багачуудын сурч боловсрох орчинг дээшлүүлэх.

Амьдралын төвшин доогуур өрхийн болон өнчин, ядуу, орон гэргүй хүүхдүүдэд хоол хүнс, хувцас, хичээлийн хэрэглэл зэрэг анхан шатны хэрэгцээт зүйлсээр болон сэтгэл санааны дэмжлэг үзүүлэх.

Монгол улсын оюунлаг, эрдэм мэдлэгтэй, ёс суртахуунтай иргэдийг төлөвшүүлэхийн төлөө чармайн ажиллах.

Монгол үндэснийхээ ёс заншил, өв уламжлалыг хойч болсон үр хүүхэддээ зааж сургах.

Гэр бүлийнхээ дунд эцэг эхийн хайр халамжинд өсч хүмүүжих орчныг бүрдүүлж, эцэг эхчүүдийг хүүхэд хүмүүжүүлэх, өрхийн амьжиргааны болон бусад шаардлагатай сургалтанд хамруулах.

Монгол хүүхдүүдийг биe бялдрын өв тэгш хөгжилтөй, эрүүл чийрэг болгон өсгөж хүмүүжүүлэх зорилгоор спорт тоглоомын талбайг олноор бий болгох, одоогоор ашиглагдаж буйг нь сэргээн засварлаж шинэчлэн, хүүхдийн тоглоомын талбайг зөөлөн хучилттай болгох.

Монгол хүүхдүүдийн чөлөөт цагаа зөв боловсон өнгөрүүлэх, хүсэл сонирхлыг нь хөгжүүлэх дугуйлан, дамжаанд үнэ төлбөргүй хамруулах.

Монгол орноороо болон гадаадын улс оронд хямд зардлаар аялж танилцах, хэл сурах боломж олгох.

Өнгөрсөн долоо хоногт хийсэн ажлын тайлан :

Сангийн тухай олон нийтэд сурталчилж ойлгуулан, олон хүмүүсийн санаа бодлыг сонсож, цаашид хийх ажлын төлөвлөгөөндөө тусгах зорилгоор гадаад дотоодын олон сайтуудад уриалга зарлал бичин, өөрсдийн и-мэйл хаяг болон утсаар нийтдээ 260гаруй байгууллага хүмүүстэй холбогдон баяр талархлын үг, дэмжиж хамтран ажиллах хүсэлт, санал зөвлөгөөг сонсож ярилцлаа.

Тус санд одоогоор Америк, Англи, Герман, Нидерланд, Солонгос, Хятад улсуудад ажиллаж амьдарч буй Монголчуудын төлөөлөл холбогдон, дэмжиж хамтарч ажиллахаа илэрхийлээд байна.

2010.5.23-нд олон нийтэд нээлттэй хурал зарлан хуралдаж, сангийн ойрын хугацаанд хийх ажлын төлөвлөгөөг баталлаа.

Санг үүсгэн байгууллагчдын хандиваар хүүхдийн баярыг тохиолдуулан Улаан чулуутын хогийн цэг дээр ажиллаж байгаа хүүхдүүдэд бэлэг тарааж, эмчийн үзлэгт хамруулан, амьдарч сурах эрх нь зөрчигдөж байгаа эдгээр хүүхдүүдийн тухай үнэн бодит мэдээллийг хүргэх, цаашид хэрхэн ямар дэмжлэг туслалцаа үзүүлж, хогон дунд биш эрүүл саруул орчинд өсч төлөвшин, нийгэмшүүлэх нь зөв зүйтэй болохыг олон нийтээр хэлэлцэж шийдэх үүднээс Цагдаагийн Ерөнхий газрын хүүхдийн тасаг ТВ 9, ТВ 5, С1 телевизүүдтэй хамтран нэвтрүүлэг сурвалжлага хийхээр боллоо.

Мөн хараа, сонсголын бэрхшээлтэй, асрах газрын хүүхдүүдэд бэлэг өгөх ажлыг зохион байгуулж байна.

Ойрын хугацаанд хийх ажлын төлөвлөгөө:

Сангийн ажлыг олон нийтэд ил тод байлгах үүднээс гишүүд дэмжигчдийн хандив тусламжийн бүртгэл, зарцуулсан тайланг нээлттэй мэдээлэх.

Сангийн лого бүхий энгэрийн тэмдэг, нэрийн хуудас, зурагт хуудас, ханын хуанли зэрэг зар сурталчилгааны материалыг хэвлүүлж тараах.

Сангийн удирдах зөвлөлд сонгогдсон хүмүүс нь өөр өөрийнхөө ажилд туслах, хамтарч ажиллах ажлын баг бүрдүүлэх.

Карго, хоолны газар зэрэг монголчууд олноор үйлчлүүлдэг газруудын хаяг, холбоо барих утсыг олж холбоо тогтоон, хандивын хайрцаг байрлуулах, хандив тусламжийн хувцас, эд зүйлсийг хүлээн авч хадгалах байр хүсэх.

Бясалгалын сүм, буддын сүм, Христийн чуулган зэрэг сүм хийд, буяны байгууллагуудтай холбоо тогтоож хамтран ажиллах, хандивын хайрцаг байрлуулах, хандив тусламжийн хувцас, эд зүйлсийг хүлээн авч хадгалах байр хүсэх.

Найз нөхөд сонирхлын бүлгэмүүдээр дамжуулан сангийнхаа тухай сурталчлах зэрэг ажлуудыг төлөвлөөд байна.

Манай санд БНСУ -д болон гадаадын бусад орнуудад ажиллаж амьдарч, суралцаж байгаа, эх орондоо байгаа хүүхдийн төлөө гэсэн сэтгэлтэй хэн боловч гишүүнээр элсэх, хандив өгөх, удирдах зөвлөлийн хуралд оролцох, төсвийн тайланд хяналт тавих бүрэн эрхтэй.

Манай сангийн дараагийн ээлжит хурал нь 2010оны 6сарын 6-ны өдрийн 16цагаас онлайнаар явагдах тул та бүхнийг өргөнөөр оролцохыг урьж байна.

Бидэнтэй daruuhan01@yahoo.com болон kh_bayarmaa53@yahoo.com и-мэйл хаягаар холбогдох юмуу 010-5838-1204, 010-2204-2497 дугаарын утсаар холбогдоно уу.

lang="MN">