БНСУ-д ажиллаж амьдарч буй хүсэл зорилго нэгтэй залуучууд нэгдэн “Инээж өсөөрэй” санг байгууллаa. Манай сангийн зорилго нь гадаадад байгаа Монголчуудаа шашин шүтлэг, үзэл бодлоор нь талцуулахгүйгээр эвлэлдүүлэн нэгтгэн, Монголдоо цогц асуудлуудыг шийдвэрлэхэд оршино. Үүнд : Монголынхоо хүүхэд багачуудын эрүүл өсч бойжих, сурч боловсрох, амьдрах орчинг дээшлүүлэх, амьдралын төвшин доогуур айл өрх болон ядуу, орон гэргүй хүүхдүүдэд оюуны болон эд материалын зүйлээр туслах, тэдний чөлөөт цагийг зөв боловсон өнгөрүүлэх, бие бялдрыг нь хөгжүүлэх тал дээр анхаарч спорт цогцолбор бий болгох, дугуйлан клубт үнэгүй хамруулах зэрэг зүйлүүд багтсан болно.                                         

Өнөөдөр Монгол улсын маань эдийн засаг ямар түвшинд байгаа вэ гэдгийг бид бүхэн сайн мэдэж байгаа билээ. Өнчин ядуу, орон гэргүй хүүхдүүд олшрон, сурч боловсрох эрх нь боогдмол, эрүүл мэндийн анхан шатны тусламж авч чадахгүй, чанаргүй хоол хүнс хэрэглэх гээд хүүхдүүдийн хамгийн наад захын хэрэгцээт шаардлага хангагдахгүй байна. Бидний ирээдүй болсон хүүхэд багачууд маань сэтгэлдээ даахын аргагүй хүнд ачаатай, нүдэндээ доглон нулимстай, өсч торниж байна.  

Эх орондоо хайртай, бидний ирээдүй болсон үр хүүхдийнхээ төлөө санаа зовнин суудаг хувь хүн, албан байгууллага, биднийг дэмжин оршин суугаа газраа сангийн салбарыг байгуулах, хамтарч ажиллах, хандив өргөх, дэлгэрэнгүй мэдээлэл авах хүсэлтэй хүн бүхэнд манай сангийн үүд хаалга үргэлж нээлттэй байх болно.                                          

Жич : “Инээж өсөөрэй” сангийн хурал 2010оны 5 сарын 23-нд 16цагаас онлайнаар явагдах тул биднийг дэмжин, хамтарч ажиллах хүсэлтэй хүмүүс  01058381204

01022042497 тото утасаар болон kh_bayarmaa53@yahoo.com болон daruuhan01@yahoo.com мессенжрээр холбогдоно уу.