Бөмбөрцөг дэлхийн монголчууд та бүхэн өнөтэй өвөлжиж, тавтай сайхан хаваржиж, налгар сайхан зуншиж, найртай сайхан намаржиж байна уу?
Мөнх хөх тэнгэрийн ивээлт монгол түмний өлгий нутагт идэр ес тачигнаж байхад алс холын ногоон тив Австралид дэлгэр сайхан зун болоод энэ гортиг хооронд ертөнцийн бүх л өнгө улиралд дасан амьдарч байгаа монгол хүн таньд мэдчилж байна.
1911 оны энэ л өдөр манжын дарлалаас чөлөөлөгдөж эрх чөлөөний утга учрыг ойлгуулж дараа дараагийн хувьсгал, хувьсал, өөрчлөлтийн эхлэл болсон билээ.
Агуу түүхтэй ард түмний үр удам болон төрж, өссөн та бүхэн, та бүхнийг дэмжиж байдаг хүмүүн болгонд, удахгүй мэндлэх монголын ирээдүй хойч үедээ дэлхий гэдэг энэ том гэр бүлийн альхан өнцөгт ч бай хамаагүй мөнх хөх тэнгэрийн ивээсэн 100 дах жилийн мэнд хүргэн мэндчилж байна.
Бөмбөрцгийн монголчууд бидний шашин шүтлэг, амьдрах хэв өөр юм шиг болов ч МОНГОЛ гэдэг энэ л үгээр , МОНГОЛ гэдэг энэ л улсын өнгөрсөн, одоо, ирээдүйгээрээ дуудахад чих нэгтэй, бодоход сэтгэл нэгтэй байдаг билээ.
Нэгэнт та бүхний сэтгэл зүрхнээс үл тасрах тайлагдашгүй хүйн холбоотой байдаг эх орны тань нийслэл Улаанбаатар хотоос Эх Орондоо Ирэгсдийг Дэмжих ДЭМ төвөөс та бүхэндээ хүссэн цагтаа, бодсон үедээ эх орондоо эргэн ирэх тийм боломж удахгүй ирэх болтугай хэмээн энэ баярт өдөр хүсье.
Бид хамтдаа чадна.
Нэгэн шинэ өдөр, нэгэн шинэ он, нэгэн шинэ зуун, нэгэн шинэ мянган, нэгэн шинэ эрин эхлэж байгаа даяаршин нэгдэх үйл эрчимжиж байгаа энэ л он жилүүдэд бидний сэтгэлд МОНГОЛЫН сайхан ирээдүйн итгэлийг нар, сар, гал мэт чандмалан асаж үл унтраан, гундаагүй МОНГОЛ хүн таньд таны гэр бүлд, найз нөхдүүд тань элэг бүтэн, эрүүл энх, эвтэй жаргалтай байхын ерөөлийг өргөн дэвшүүлж байна.
Шинэ оны мэнд хүргэж олноо өргөгдсөн хэмээх 101 дэх ондоо монголчууд бид төр засгаа сонгох эрхээ эдлэж шинэчлэлийг (АРДЧИЛАЛЫН 2 ДАХь ДАВАЛГААГ) хувьсгал мэт хамдаа хийж чадна.
SK ,LG,KT internet урамшуулалтай холбож өгнө 02-423-8005