Монгол улс маань яг одоо сэргэн мандалтын үедээ явж байна гэвэл та итгэх үү?
Итгэх хэрэгтэй боллоо.Улаанбаатар нийслэл маань улам өргөжин тэлж,хотын төвөөр өндөр шилэн байшингууд эхнээсээ сүндэрлэсэн.Машин тэрэг хотын хүн амтайгаа дүйцэхээр өсөж байгаа жишээ бол улсын дугаар саяхан УНД болтлоо өөрчлөгдлөө.хуучин УБА гэдэг байсан бол УБ дугаар дууссан явдал.Улсын дугаарны арын сүүлчийн үсэгний ард 10000-н машин байдаг гээд бодохоор чамгүй хүмүүс маань мөнгөтэй хөрөнгөтэй,ажилтай байр суурьтай болоод зогсохгүй энэ бүхнийг дагаад машинтай холбогдох худалдаа бизнес дэлгэрсэн.Энэ талын бизнесээр том корпораци болтлоо тэлсэн компаниуд эхнээсээ төрөн гарав.Бас нэгэн жишээг энд дурдахгүй өнгөрч болохгүй санагдлаа.Дүүрэгийн бүх эмнэлэгээр дүүрэн жирэмсэн эхчүүд,хувийн эмнэлэгээр мэдээж биеэ үзүүлж байгаа эхчүүд байгаа гэж бодохоор Монголын үрс маш олон болтугай! гэж ерөөж байсан Д.Нацагдоржийн ерөөл биелэлээ олж байна.Албан бус судалгаагаар улсын хэмжээнд өдөрт 120-оод эхчүүд төрж байна гэсэн яриа байна.Боловсролтой залуу гэр бүлүүд боломжийн цалинтай ,ирээдүйтэй ажилд орцгоож Америк маягийн гэр бүлийг бий болгож байна.Америк маягтай боловч бас Монгол төрхийг тусгасан өнөг төрхтэйг хэлэх нь зүйтэй гэж бодож байна.Тэд өнөөдөр цалингаараа юунд ч санаа зовохгүйгээр амьдарч чадаж байгаа бөгөөд мөнгийг үрж чаддаг гэр бүлүүд маш олноороо бий болжээ.Өнөөгийн Монголийн цалин хөлс 180000-сая,тэр ч бүү хэл 2 саяыг хүртэл авч буй залуус байна.Оюу-Толгойн төсөл батлагдаж ажлын орон тоо 10мянгаар тэнд үгүйлэгдэж эхлэв.Нийт ажилчдын 90%--ийг дан Монгол залуучууд бүрдүүлэх юм.Сарын ажлын хөлсний доод хэмжээ 600 мянгаар төлөвлөгдөж байгаа явдал нь хангай газраас говь нутаг руу залуучуудыг урин дуудаж байна.Таван-Толгойг(хюун-дай)Оюу-Толгойг (Рио-Тинто) авч энэ хоёр том компаниуд нийлж цахилгаан станц байгуулж,зам харилцааг хөгжүүлж,шинэ хот газрыг буй болгох нь тодорхой.Их хоёр том ордыг түшиглэн жижиг бизнесүүд тэнд хөгжиж эхлэх нь бас тодорхой болжээ.
Сүүлийн арваад жилд гадагшаа гарсан Монгол залуучууд маань өөр өөрсдийнхөө ажиллаж,сурч байсан газраасаа эрдэм мэдлэг авч ирж байгаа явдал үнэлж баршгүй сэргэн мандалтын бас нэг нөхцөл болж байна.Жишээ дурдахад Солонгосд 8 жил шахам оймсны үйлдвэрт ажилласан залуу өнөөдөр Монголдоо Янмал гэдэг компани байгуулж оймсны үйлдвэрийн анхдагч болж чадсан.Гадаад улсад ажиллаж ирээд сайхан амьдарч буй залуус олон болжээ.Залуучууд маань эрдэм боловсролдоо илүү түлхүү анхаарч дор хаяж нэгээс хоёр илүү гадны хэл эзэмшсэн байна.Урлаг салбар хөгжиж бас л сэргэн мандалтын үедээ зэрэгцэн орж ирлээ.
Саяхан хүртэл балет,драм,сонгодог урлагыг мартаж байсан Монголчууд маань өнөөдөр билет олдохгүй шагын үнээр авч үздэг цаг болсон.хүүхдийн драмын театр амилж ирээдүйн залгамж халааг минь тоглолтоороо хүмүүжүүлж байна.
Бид шинэ цаг үе рүү үсэрч байна.Гадаадад ажиллаж мөнгө хураах гэж хүсдэг байсан Монгол залуучууд маань эх орондоо найдвартай ажил хайж өдөр бүр өөрсдийгөө хөгжүүлэхийг эрмэлзэж эхэллээ.Үнэхээр миний бодлоор гадаад явж ажилласнаас эх орондоо ажилласан нь ирээдүйтэй санагдсан.Бид нүүдэлчид биш болсон болохоор суурин амьдралд хамгийн чухал хүчин зүйл бол байр суурь гэдгийг залуучууд маань ухаарсан явдал.
БИД ШИНЭ ЦАГЫН ЭХЛЭЛ.