АНУ-ын Төрийн нарийн бичгийн дарга Хиллари Клинтон Гадаад харилцааны сайд С.Батболдын илгээлтийн хариу талархал захидлыг ирүүлсэн байна. Захидалд,
ГАДААД ХАРИЛЦААНЫ САЙД ЭРХЭМСЭГ НОЁН С.БАТБОЛД ТАНАА
Ноён Сайд аа,
Танаас 6 дугаар сарын 25-нд илгээлт ирүүлсэнд талархаж байна. Тантай Вашингтон хотноо уулзахад таатай байв. Дараа дахин уулзаж ярилцахдаа баяртай байх болно.
Монгол Улс АНУ-ыг “Гуравдагч хөршүүдийнхээ” нэг гэж үздэгийг бид өндрөөр үнэлдэг. Манай хоёр улсын харилцаа үргэлжлэн хөгжин бэхжиж байгаад сэтгэл хангалуун байна. Ирээдүй рүү хамтран тэмүүлэх явцад МСС-ийн санхүүжилт болон боловсролын тэтгэлгийн төслүүдийн талаар ирэх саруудад Тантай хамтран ажиллахад таатай байх болно.
Түүнчлэн Монгол Улсад айлчлахыг урьсанд талархлаа. Танай сайхан улсад 1995 онд айлчлахад таатай байсан бөгөөд ойрын үед дахин айлчлах боломж гарна гэж найдаж байна.
Хүндэтгэсэн,
Хиллари Родхам Клинтон 2009 оны 8 дугаар сарын 14 гэжээ.