Боловсрол, соёл, шинжлэх ухааны яамнаас боловсролын хандивлагчдын зөвлөлдөх 12 дахь уулзалтыг өчигдөр зохион байгууллаа. Уг хуралдаанд Азийн хөгжлийн банк, Япон улсын Элчин сайдын яам, Дэлхийн банк, НҮБ-ын Боловсрол, соёл, шинжлэх ухааны байгууллага, НҮБ-ын "Хүүхдийн сан", "Мянганы сорилтын сан" зэрэг 30 гаруй томоохон хандивлагч оролцсон байна.
Хуралдаанаар боловсролын салбарыг 2009-2015 онд хөгжүүлэх мастер төлөвлөгөөг хянаж, тодотгол хийх талаар хэлэлцжээ. Мөн "Үр дүнд түргэн хүрэх санаачлагын түншлэл"-ийн хүрээнд хийгдэх 12.4 сая ам.долларын буцалтгүй тусламжийг ашиглах төслийн талаар хэлэлцсэн байна.
Боловсрол, соёл, шинжлэх ухааны сайд Ё.Отгонбаяр санхүүгийн хямралын үед хамгийн их өртөх магадлалтай ядуу болон эмзэг өрхийн хүүхдүүдийн сурч боловсрох эрхийг хангахад тулгамдаж буй асуудлыг хамтран шийдвэрлэх талаар хандивлагчидтай санал солилцсон байна.
- Холбоотой бичлэг :
- http://www.mglclub.com/1238678/fee/trackback
