Сvvлийн єдрvvдэд гарч байгаа гэмт хэргийн ихэнх хувийг хулгай, дээрмийн хэрэг эзэлж байна. Цагдаагийн
байгууллагынхан єдєрт дунджаар 20-30 гэмт хэрэг бvртгэдэг байсан. Гэтэл сvvлийн долоо хоногийн байдлаар єдєрт 40-60 хэрэг, зєрчил бvртгэгддэг болжээ.
Амар хялбар аргаар мєнгє олох гэсэн этгээдvvд бусдын эд зvйлийг дээрэмдэх, хулгайлах нь олширлоо. Тэд хаана л дэл сул эд зvйл байна, том жижиг, vнэтэй цайтай гэлтгvй гарт тааралдсанаа л хумсалж байна. Жишээ нь, байрныхаа гадаа машинаа асаалттай орхиод гэртээ орж юм авах зуур нь машиныг нь хулгайлаад явсан тохиолдол ч гарчээ.
Айлаас атга давс хvртэл хулгайлж эхэллээ
Эдийн засгийн хямралд нэрвэгдээд иргэд єдєр тутмын хvнс, талх, давсаа ч худалдаж авч чадахаа байв уу даа. Айлаас мах, гурил, будаа, давс хулгайлсан хэрэг гарах нь ихэсчээ. Бvр орны цагаан хэрэглэл, хєнжил гудсыг нь хvртэл vvрээд явах нь энvvхэнд болж. Хутга, халба, сэрээг нь хvртэл хулгайлж гал тогоогоо тєвхнvvлсэн хулгайч байвал яах вэ.
Яг ийм хэрэг Баянзvрх дvvргийн 24 дvгээр хороо Газарчны гудамжинд гарсан байна. Тус гудамжинд оршин суух иргэн С-ийн гэрт хулгайч орж телевиз, хивс, орны цагаан хэрэглэл, "Алтан тариа" компанид vйлдвэрлэсэн гурил, цагаан будаа тус бvр нэг шуудай, заазуур, хутга зэргийг нь авч оджээ. Гэвч хэн уг хэргийг vйлдсэн нь одоогоор тодорхойгvй байна. Мєн айлын амбаар, тагтнаас мах хулгайлах нь ихэсчээ. Єдєрт гарч буй гэмт хэргийн 30-50 хувийг хулгайн гэмт хэрэг эзэлж байна хэмээн цагдаагийнхан ярьж буй. Єдєр ирэх тусам орон байрны хулгай гаарч байна. Удахгvй Цагаан cap болно. Иргэд бууз баншаа алдах нь энvvхэнд. Бууз баншаа бэлтгэхээр базаасан махаа хулгайч нарт алдаж, "шатах" нь ч олон. Бvр захын махны наймаачид хvртэл худалдах гэж байсан ууц, гулууз махаа алдсан тохиолдол гарчээ. Нарантуул худалдааны тєвийн махны ченж Б гэгч махаа vvрvvлж зєєлгєж байгаад алдсан хэрэг гурав хоногийн ємнє гарсан байна.
Уржигдар л гэхэд 24 настай Б гэгч Сонгинохайрхан дvvргийн гуравдугаар хороо иргэн Э-гийн машины кабинаас хонины гулууз мах хулгайлан, улмаар гэрээс нь эд зvйл хулгайлах гэж байгаад баригджээ.
Энэ мэтээр идэх юмны хулгай сvvлийн vед дийлдэхээ байж. Гудамж талбайд ч иргэдийг "сvvлгvй чоно"-нууд байнга дагаастай. Халаас, цvнх уудална. Бvр энэ чиглэлээр мэргэшсэнийг нь яана. Хулгайд эд зvйлээ, идэх юмаа алдан хохирч, адгийн зарга vvсгэхгvй л гэж байгаа бол сонор сэрэмжтэй байх нь чухал байна, иргэд ээ.
Гар утас дээрэмдэх нь эрс нэмэгджээ
Эд зvйлээ дээрэмдvvлсэн гэж єргєдєл барьж цагдаагийн байгууллагын босго давах иргэдийн тоо эрс нэмэгдсэн гэнэ. Ихэвчлэн шєнє, оройн цагаар гудамж талбайд явж байгаад зодуулж, дээрэмдvvлэх энгийн vзэгдэл. Иргэд ємсч явсан гутал, хувцас, биедээ авч явсан эд зvйл зэргээ дээрэмдvvлж байна. Эл хэргийг vйлдэгчид нь 14-25 насныхан. Тэд хутга, тємєр зэргээр "зэвсэглэн" бусдыг айлган сvрдvvлдэг байна.
Цагдаад баригдаж, мэдvvлэг єгєхдєє "Мєнгє хэрэгтэй байсан учраас л ийм хэрэг хийлээ" гэсэн тайлбар тавьдаг аж. Гэмт хэргийн золиос хохирогчид нь 50 дээш болон 15 доошхи насныхан байна. Тухайлбал, Баянзvрх дvvргийн 11 дvгээр хороонд оршин суух А гэгч Баянгол дvvргийн долдугаар хороонд 14 настай эрэгтэй Г-д хутга тулган гар утас, МРЗ, 1000 тєгрєг зэргийг нь дээрэмдээд баригджээ. Чингэлтэй дvvргийн тавдугаар хороо "Тэнгис" кино театрын баруун талд 15 настай А-г 17 настай Э, Б нар бvлэглэн зодож, айлган гар утсыг нь дээрэмдээд зугтжээ. Баянгол дvvргийн зургадугаар хороонд 50 настай иргэн Б-г согтуу явж байхад нь ємсч явсан vнэгэн малгайг нь машинтай залуус шvvрэн зугтсан байна. Энэ хэргийг Сонгинохайрхан дvvрэгт оршин суудаг 22 настай А нарын гурван залуу vйлджээ. Энэ мэтээр бусдын эд зvйлийг дээрэмдсэн олон хэрэг дурдаж болно.
Эмээ нарын тэтгэврийн хэдийг залилсаар...
Цагаан сарын баяраа тэмдэгпэх гэж хєєрцєглєсєн настнууд гэмт хэрэгт єртєж байна. Золгохоор ирсэн ач, зээ нартаа бэлэг бэлдэж, єнгєтэйхэн шиг ширээ засах санаатай тэтгэврийн хэдэн тєгрєгєє залилуулах тохиолдол олон гарч байна.
Мєнгєє аваад буцах замдаа бусдад хууртагдан нэг тєгрєг ч vгvй хоцорч байгаа аж. Баянзvрх дvvргийн иргэн 60 настай эмэгтэй Н-ийг тэтгэврээ аваад гэртээ хариад явж байхад нь 30 орчим насны vл таних эмэгтэй "Таны зургийг чинь авах гэсэн юм" гэж хэлээд хvнгvй байрны орцонд оруулж алтан ээмэг, 80 мянган тєгрєгийг нь авч зугтжээ. Ийм хэрэг энэ cap гарснаас хойш хэд хэдэн удаа бvртгэгдсэн байна. Тиймээс цагдаагийнхан хєгшчvvлийг тэтгэвэр, тэтгэмжийнхээ мєнгєє авахаар явахдаа хажуудаа хvн дагуулж явах, янз бvрийн худлаа зvйл хэлж, ярьсан хvний vгэнд итгэхгvй байхыг сануулж байна.