Дипломат алба /А-1/
БНСУ-ын Засгийн газраас хүлээн зөвшөөрөгдсөн гадаадын төрийг төлөөлсөн байгууллага болон консулын газрын ажилтан албан хаагчид, хэлэлцээр болон олон улсын дүрмийн дагуу дипломат албатай эн зэрэгцэх эрх бүхий байгууллагын ажилтан албан хаагч, түүний гэр бүл
Албан хаагч /А-2/
БНСУ-ын Засгийн газраас зөвшөөрөгдсөн гадаадын засгийн газар болон олон улсын байгууллагын ажлыг эрхэлж байгаа албан хаагч, түүний гэр бүл
Гэрээний /А-3/
БНСУ-ын Засгийн газартай байгуулсан гэрээний дагуу гадаадын иргэдийн бүртгэлд бүртгэх шаардлагагүй гэж үзсэн этгээд болон түүний гэр бүл
Визгүй /В-1/
БНСУ-тай визгүй зорчих тухай гэрээ байгуулсан улсын иргэний хувьд гэрээний дагуу үйл ажиллагаа явуулах этгээд
Аялалын транзит /В-2/
Жуулчлал болон транзитаар зорчих зорилгоор БНСУ-д визгүй нэвтрэгч
Богино хугацааны сурвалжлагчийн /С-1/
Түр хугацаагаар сурвалжлага болон нэвтрүүлэг бэлтгэх зорилгоор зорчигч
Богино хугацаа /С-2/
Зах зээлийн судалгаа, томилолт, зочлох, зөвлөгөө, гэрээ, импорт, экспортын машин техник суурилуулах гэх мэт зорилгоор түр хугацаагаар солонгост оршин суугч
Богино хугацааны нэгдсэн /С-3/
Жуулчлал, транзит, сувилал, ах дүү хамаатан садантайгаа уулзах, төрөл бүрийн албан ёсны хурал цуглаан үзэсгэлэнд оролцох, соёл урлаг, энгийн дадлага, семинар, шашны байгууллагаас зохион байгуулах арга хэмжээнд оролцох, судалгааны материал цуглуулах гэх мэт зорилгоор түр хугацаагаар оршин суугч /эд хөрөнгө олох зорилгоор зорчиж буй зорчигчийг тооцохгүй/
Богино хугацааны ажилтан /С-4/
Урлагийн тоглолт, реклам, загвар үзүүлэх, лекц, семинар зохион байгуулах, судалгаа, технологийг зааж сургах гэх мэт орлогийг зорилгоо болгож түр хугацаагаар оршин суух гэж байгаа этгээд
Соёл урлаг /D-1/
Орлогийг зорилгоо болгохгүй урлагийн хөдөлгөөнд оролцох гэж буй этгээд /Солонгосын эртний ёс заншил, урлагийн талаар мэргэжлийн үүднээс судалж, сурах гэж буй судлаач/
Сургуулийн /D-2/
Мэргэжлийн их дээд сургуулиудад урт хугацаагаар сурч, судалгаа хийх зорилготой этгээд
Үйлдвэрийн дадлага /D-3/
Хууль зүйн яамнаас тогтоосон дадлагын нөхцлийг бүрдүүлж, дотоодын аж үйлдвэрт дадлага хийх зорилготой этгээд
Энгийн дадлага /D-4/
Сургуулийн /D-2/ визэнд хамаарагдах сургуулиас бусад курс сургалтад сурах зорилготой этгээд
Сурвалжлагчийн /D-5/
Гадаадын сонин, телевиз, сэтгүүлийн компанийн томилолтоор ирсэн болон дотоодын мэдээллийн компанийн урилгаар ирж ажиллаж буй сэтгүүлч
Шашны /D-6/
Гадаадын шашны байгууллагаас томилогдон солонгосын шашны байгууллагт шашны үйл ажиллагаа явуулах зорилгоор ирж буй этгээд, хууль, зүйн яамны сайдын зөвшөөрөлтэйгөөр шашны болон нийгмийн халамжийн онцгой үйл ажиллагаа явуулах гэж буй этгээд
Томилолтын /D-7/
Гадаадын олон нийтийн байгууллага, компанийн төв болон хэлтэс зэрэг байгууллагад 1-ээс дээш жил ажилласан ажилтны хувьд солонгост орших холбогдох байгууллагад мэргэжлийн боловсон хүчин гэж томилогдон ирж буй этгээд /D-8 –д хамаарагдах этгээдийг тооцохгүй/
Хөрөнгө оруулалтын /D-8/
Гадаадын хөрөнгө оруулалтыг нэмэгдүүлэх тухай хуулийн дагуу гадаадын хөрөнгө оруулалттай байгууллагыг удирдан зохион байгуулах, үйлдвэрлэл явуулах, техник технологийн зориулалттай үйл ажиллагаа явуулах зорилготой этгээд
Гадаад худалдааны удирдлага /D-9/
Солонгост өөрийн компанийг байгуулж үйл ажиллагааг нь удирдах, гадаад худалдаа гэх мэтийн мөнгө олох зорилготой үйл ажиллагаа явуулах гэж буй этгээд, импортын тоног төхөөрөмж суурилуулах засвар үйлчилгээг мэргэжлийн талаас удирдахын тулд томилогдон ирж буй, Солонгосын төрийн болон төрийн бус байгууллагад ажиллаж буй этгээд багтана. D-8-д хамаарах этгээдийг тооцохгүй.
Их сургуульд багшлах /Е-1/
Дунд боловсролын хуулинд заагдсан нөхцөлийг хангасан гадаадын иргэнийг мэргэжлийн сургуулийн түвшингээс дээш их дээд сургууль, боловсролын байгууллагад мэргэжлийн багшаар авч ажиллуулах
Гадаад хэлний ярианы багш /Е-2/
Хууль зүй яамны сайдын тогтоосон нөхцөлийг хангасан гадаадын иргэн гадаад хэлний курс, бага сургуулиас дээш шатны боловсролын байгууллагад гадаад хэлний багш телевизийн компани болон холбогдох байгууллагуудад гадаад хэл заах зорилготой.
Судалгааны /Е-3/
Дотоодын төрийн болон төрийн бус байгууллагын урилгаар төрөл бүрийн судалгааны институтэд байгалийн ухааны судалгаа, аж үйлдвэрийн өндөр технологийн судалгаа явуулж буй этгээд хамаарагдах этгээдийг тооцохгүй.
Технологийн багш /Е-4/
Байгалийн ухааны мэргэжлийн мэдлэг болон аж үйлдвэрийн өндөр технологийн талаархи мэдлэгээ зааж сургахын тулд дотоодын төрийн болон төрийн бус байгууллагын урилгаар ирж ажиллаж буй этгээд
Урлагийн тоглолт /Е-6/
Ашиг дагалдах хөгжим, уран зураг, уран зохиол гэх мэт урлагийн тоглолт болон жүжигчин алдартан, хөгжимчдийн тоглолт, спортын уралдаан тэмцээн, зар сурталчилгаа, загвар өмсөх гэх мэт уран сайхны тоглолтонд оролцогч
Тусгай хөдөлгөөн /Е-7/
Солонгосын төрийн болон хувийн байгууллагатай хийсэн гэрээний дагуу хууль зүйн яамны сайдын тогтоосон үйл ажиллагааг явуулах гэж буй этгээд
Үйлдвэрийн дадлага хийж ажиллах /Е-8/
Түр оршин суух /F-2/
Солонгос улсын иргэний гэр бүл, дүрвэгсэд, оршин суух эрхтэй гадаадын иргэний гэр бүл, хууль зүйн яамны сайдын тогтоосон хөрөнгийг тогтоосон хугацаанд Солонгосын аж үйлдвэрийн газар хөрөнгө оруулалт хийж ажиллаж буй гадаадын иргэн мөн оршин суух эрхтэй Солонгост 7-оос дээш жил амьдарсан амьдралын баталгаатай гадаадын иргэдэд Хууль зүйн яамны сайдын зөвшөөрлөөр оршин суух эрх олгоно.
Байнгын оршин суух /F-5/
Солонгосын иргэний хуулийн дагуу насанд хүрсэн, өөрийгөө болон гэр бүлээ тэжээх чадвартай сахилга баттай Солонгосын амьдрал ёс заншлын талаар бүрэн ойлголттой, хуулийн 46-р зүйлийн 1-рт зааснаар албадан гаргах тушаал аваагүй оршин суух F-2 визээр 5-аас дээш жил Солонгост амьдарсан этгээд, хууль зүйн яамны тогтоосон хөрөнгийг тодорхой хугацаанд дотоодын аж ахуйн нэгжид оруулж 5-аас жил ажиллаж байгаа этгээд тэдний 20-оос доош насны үр хүүхэд
Аялах явцдаа ажиллах /Н-1/
Солонгос улстай аялал жуулчлалын салбарт хамтран ажиллах тухай гэрээ хэлэлцээр байгуулсан орны иргэн аялал жуулчлалыг гол зорилгоо болгон ирээд аяллын зардал дутагдах үед богино хугацаанд ажиллах гэж буй этгээд
