2014-2015 оны хичээлийн жилд

Солонгос дахь Монгол сургуульд сурагч элсүүлэх журам

Солонгос дахь Монгол сургууль нь Монгол улсын Боловсролын яамны албан ёсны зөвшөөрөл бүхий гадаадад байдаг цорын ганц монгол сургууль бөгөөд одоогийн байдлаар 1-9-р ангитайгаар сургалт хүмүүжлийн үйл ажиллагаагаа явуулж байна. 2014 оны 7 сард сургуулийн шинэ барилга ашиглалтанд орох тул 2014-2015 оны хичээлийн жилд ахлах сургуультай болох төлөвлөгөөтэй байгаа билээ. (Эрэгтэй, эмэгтэй дотуур байртай )

2014-2015 оны хичээлийн жилд

★Анги дүүргэлтийг дараах хэлбэрээр төлөвлөж байна. Үүнд:

1. Бага анги болох 1-5-р ангиудад анги тус бүр 30 сурагч

2. Дунд анги болох 6-9-р ангиудад анги тус бүр 25 сурагч

3. Ахлах анги болох 10-р анги 20 сурагч

★Хичээлийн нээлт : 2014оны 8сарын 25

★Шинэ элсэгчдийг бүртгэх : 2014оны 6сарын 1нээс 8 сарын 25 хүртэл

2014-2015 оны хичээлийн жилд мөн Монголоос солилцооны сурагч элсүүлэх бөгөөд солилцооны сурагч элсүүлэх журам нь:

★Хамрах хүрээ :

1. 2013-2014 оны хичээлийн жилд Монголд 1-8-р ангид суралцаж буй сурагчид

2. Эцэг эхийн ядаж нэг нь Солонгост амьдарч байх ёстой.

3. Амралтын өдрүүдэд дотуур байранд байрлах боломжгүй тул энэ өдрүүдэд аав, ээж болон хамаатныдаа очих боломжтой байх

4.Солонгост амьдарч байгаа эцэг эх болон хамаатны хүмүүсийн урилгаар F1, F3 виз авах боломжтой тохиолдолд солилцооны сурагчаар ирэх хүсэлт гаргах боломжгүй.

5. Эцэг эх нь Солонгост хууль бусаар амьдарч байгаа тохиолдолд солилцооны сурагчаар ирэх хүсэлт гаргах боломжгүй.

★Бүртгэх хугацаа: 1-р шат 3сард, 2-р шат 5 сард, 3-р шат 9 сард (сар бүрийн сүүлийн өдөр хүртэл)

★Сургуульд шинээр элсэгчдийн бүрдүүлэх материал:

Үндсэн материал:

1.     Солилцооны сурагчийн анкет 2 хувь (солонгос, монгол хэл дээр)

2.     Цээж зураг 2 хувь ( 3x4 хэмжээтэй)

3.     Төрсний гэрчилгээний хуулбар

4.     Гадаад паспортны хуулбар 3 ширхэг (эцэг, эх, сурагч), солонгост хууль ёсоор оршин сууж байгаа тохиолдолд гадаад иргэний үнэмлэхний хуулбар

5.     Сурагчийн хувийн хэрэг ( 1-ээс бусад ангийн

сурагчид)

6.     Сургуулийн тодорхойлолт

Нэмэлт материал (солилцоогоор ирэх сурагчдад хамаатай):

1.     Сургалтын төлбөр, дотуур байрны төлбөр болон шаардлагатай бусад төлбөрийг сургуулийн дансанд тушаасан мөнгөний баримт

2.     6 сая төгрөг байршуулсан банкны хуулбар

(дор хаяж 1сарын хугацаанд тогтвортой байрласан байх)

3.     Гэр бүлйн лавлагаа

4.     Асран хамгаалагчийн батлан даалт

5.     Асран хамгаалагчийн эдийн засгийн баталгаа

а. Солонгосын болон өөрийн орны засгийн газрын харьяа байгууллага эсвэл банкны газраас гаргасан тухайн жилд төлсөн татварын тайлан, үл хөдлөх хөрөнгийн газраас гаргасан үл хөдлөх хөрөнгө эзэмшигчийн бичиг, үл хөдлөх хөрөнгийн газраас гаргасан үл хөдлөх хөрөнгө түрээслэгчийн бичиг

б. Жилийн орлого 26 саяас багагүй байх, эсвэл 140 саяас дээш үнэлгээ бүхий хөрө нгөтэй байх.

в. Орлогын хэмжээг тогтоохдоо эцэг эхийн орлогын нэгтгэсэн дүнгээр тооцож болно.

★Бүртгүүлэх арга :

1. Биеэр ирж бүртгүүлэх- Сургуулийн захиргаа (метроны 5-р шугам Гуаннарү буудал 1-р гарц)

2. Шуудангаар бүртгүүлэх- (서울시 광진구 광장로 1가길 13-10 (광장동 388-8)

13-10 Gwangjang-ro 1ga gil, Gwangjin-gu, Seoul South Korea

International Mongolia School СДМС-ын захиргаа

3. Онлайнаар бүртгүүлэх- mongolschool@hanmail.net

(Файлын нэрийг “Солилцооны сурагч” юмуу “Элсэлтийн бүртгэл” гэж нэрлэж явуулах)

Солонгос дахь Монгол сургуулийн онцлог, үйл ажиллагаа

1.     Сурагчдад монгол хүн төрсөндөө бахархах үзлийг төлөвшүүлэн, тэднийг өөртөө итгэлтэй бие хүн болгон өсгөн хүмүүжүүлдэг. (монгол багш нарын удирдлага дор Монгол улсын БШУ-ны Яамнаас гаргасан сургалтын хөтөлбөрт түшиглэж сургалтыг явуулдаг)

2.     Төгсөгчдөд Монгол улсын БШУ-ны Яамны төгсөлтийн гэрчилгээг олгодог.

3.     Солонгос хэлний хичээлийг сурагчдыг хэлний төвшингөөр нь ангиудад хуваарилан явуулдаг бөгөөд солонгос хэлний төвшин тогтоох TOPIK шалгалтын 4 болон түүнээс дээш шатанд тэнцүүлэх төвшний мэдлэгийг олгох зорилгоор сургалтыг явуулдаг. (долоо хоногт солонгос хэлний хичээл 7-оос илүү цагаар ордог)

4.     Жүжиг, солонгос үндэсний цохилуур хөгжим, хонх, найрал дуу, таеквондо, төгөлдөр хуур, хийл гэх мэт янз бүрийн дугуйлангуудаар дамжуулан сурагчдын авьяас чадварыг хөгжүүлдэг.

5.     Даяарчлалын нийгэмд сурагчдыг сэтгэлийн тэнхээтэй, хатуужил тэвчээртэй, бусдад туслан, санаа тавьж, нэгдэж чаддагзөв хүн болгон төлөвшүүлэх зорилгоор кемп болон сайн дурын үйлчлэлийн хөтөлбөрийг сургалт хүмүүжлийн үйл ажиллагаандаа хэрэгжүүлдэг.

6.     Сурагчдын дараагийн шатны боловсрол эзэмших тал дээр мөн солонгост их дээд сургуульд элсэн орж суралцахад нь зөвлөгөө өгч тусалдаг.

★  Бидэнтэй холбогдохыг хүсвэл :

1.     Сургуулийн хаяг:

서울시 광진구 광장로 1 가길 13-10(광장동 388-8) 재한몽골학교 13-10 Gwangjang-ro 1ga gil, Gwangjin-gu, Seoul South Korea

International Mongolia School

2.     Утас: 02-3437-7078, Факс: 02-458-2980

3.     Homepage: www.mongolschool.org

4.     Холбогдох ажилтан: Сургалтын албаны дарга И Хе Жон

★  Элсэлтийн анкет болон асран хамгаалагчийн батлан даалтын маягтыг сургуулийн веб сайтны  “자료실” гэсэн цонхноос татаж авч бөглөнө үү.