Сайн байцагаана уу?
Та бүхэндээ энэ өдрийн мэндийг дэвшүүлэе.
Манай байгууллагаас 2008 онд “Гадаад ажилчид заавал мэдэх хэрэгтэй үйлдвэрлэлийн аюулгүй байдал ба эрүүл мэнд” сэдэвтэй номыг орчуулан, хэвлэн гаргасан билээ.
Солонгос хэл ба зан заншлыг сайн мэдэхгүй гадаад ажилчид үйлдвэрлэлийн талбарт гардаг төрөл бүрийн аюулын өмнө ямар ч хамгаалалтгүй байдаг учраас осолд маш их өртөмтхий байдаг.
Солонгост ажиллаж байх хугацаандаа аюулгүй ажиллахын тулд юуг анхаарах болон бэртэл гэмтэл авах үед ямар арга хэмжээ авах, хаашаа хандах талаар дараах номон дээр дурдсан билээ. Та бүхэндээ бага ч гэсэн тус нэмэр болох үүднээс энэхүү номыг цувруулан тавьж байна.
Анхаарал тавьсан та бүхэндээ баяраллаа.
Доор Солонгол, Монгол хэл дээр файл орууллаа.
4. Ослоос урьдчилан сургийлэх
Гадаадын олон ажилчид “аз муутай хүн л осолд
ордог” хэмээн үздэг.
Үнэхээр тийм болов уу? Хэрэглэж байгаа тоног
төхөөрөмжид аюулгүйн төхөөрөмж бүрэн гүйцэд суурилуулсан бол? Ажиллуулж байгаа
үйлдвэрээс аюулгүй ажиллагааны сургалтыг зүй ёсоор явуулсан бол? Барилгын ажлын
талбар дээр хамгаалалтын хаалтыг сайн бэхэлсэн бол? Хамгаалах хэрэгсэлээ сайтар
өмсөж зүүсэн бол? Гэлээ ч гэсэн осол гарч байгаа гэж үү?
Осол гэдэг нь ганцхан ажилчны буруугаас болж
гардаг зүйл биш юм. Аюултай ажлын байр, аюултай тоног төхөөрөмж, ажлын багаж
хэрэгсэл мөн аюулгүй ажиллагааны дүрмийг сахиж мөрдөөгүйгээс болж алдаа зөрчил
гарах зэрэг нь бүх ослын шалтгаан болдог.
1)
Суурь машин дээр ажиллах үед гардаг осол гэмтэл
Тоног төхөөрөмжийн ослоос урьдчилан сэргийлэхын тулд машиндаа аюулгүйн төхөөрөмжийг суурьлуулах нь хамгийн чухал юм. Цэрэг хүний барих зэвсгийг хийхдээ зэвсэг хэрэглэх явцад гэмтэл авахуулахгүйн төлөө олон төрлийн аюулгүй ажиллагааний төхөөрөмжүүдийг хийсэн байдаг. Үүнтэй адил ажилчны ажилладаг суурь машин хүртэл аюулгүй ажиллагааны тоног төхөөрөмжтэй байх ёстой. Аюулгүй ажиллагааны төхөөрөмжгүй суурь машиныг ажиллуулахдаа үргэлж анхаарал болгоомжтой байх хэрэгтэй.
(1) Шахагч машинтай ажиллах үед гарч болох осол
Эргэлтэндээ буун ирж байгаа машинд гараа
даруулснаас болж осол гардаг. Ажил хийж байх явцад ядарснаас болж үүргэлэх
тохиолдолд машинаас гараа сугалж авч чадаагүйн улмаас болж осол гардаг. Ажил
хийж байхдаа өөр зүйл бодож байгаад бууж байгаа машинд гараа хавчуулж болно.
Машиныг засаж байх үед өөр хүн мэдэлгүйгээр машиныг ажиллуулсны улмаас машиныг
засаж байсан ажилчин гараа тасдуулж болно. Суурь машин ажиллуулахдаа сайн
гаршаагүй, машин ажиллуулах аргыг сайн мэдэхгүй тохиолдолд осол гарч болно.
Шахагч машинтай ажиллах үед гарах ослоос урьдчилан
сэргийлэх арга нь дараахитай зүйлүүд байна.
①Машин ажиллуулах аргыг
сайтар сурах хэрэгтэй. Сайн мэдэхгүй тохиолдолд өөр хүнээс асуух хэрэгтэй бөгөөд сайн мэдэхгүй байж
машиныг ажиллуулж болохгүй.
②Ажлын явцад их ядарснаас
болж үүргэлэх тохиолдолд ажлыг түр зуур зогсоон амрах хэрэгтэй. Бие өвдөх үед
ухаан санааны төвлөрөлт муудсанаас алдаа гарган осол гарч болох учир амрах
хэрэгтэй.
③Ажлын явцад өөр юм бодохгүй
байх хэрэгтэй. Ажилдаа ухаан санаагаа төвлөрүүлээгүй тохиолдолд осол гарч
болно.
④Машин засаж байх явцад
заавал унтраалгаар унтраах хэрэгтэй бөгөөд өөр хүнд засаж байгаа гэдгээ мэдэгдэн,
засаж байх явцад машиныг ажилуулахгүй байх талаар анхааруулах хэрэгтэй.
(2) Дамжуулах машин ба өрөмдөгч машинтай ажиллах үед гарч
болох осол
Эргэж байгаа машинд гараа хавчуулах юмуу эсвэл бээлий мөн
хувцас зэргүүд орооцолдон орсноос болж осол гардаг. Толгойгоо сайтар багалж
боогоогүйгээр ажил хийх тохиолдолд үс машинд орооцолдон орж осол гарч болно.
Шахагч машин дээр гардаг осолтой адил машинтай ажиллах аргыг сайн мэдэхгүй
тохиолдолд бас машин засаж байхад өөр нэгэн хүн машиныг ажиллуулсны улмаас болж
эргэлдэж байгаа суурь машинд гэмтэж болно.
Дамжуулах машин ба өрөмдөгч машинтай ажиллах үед гарч
болох ослоос урьдчилан сэргийлэх арга нь дараахитай адил байна.
①Дамжуулах машин болон
өрөмдөгч машинтай ажиллах үед хувцас, бээлий, үс зэрэг машинд орж орооцолдон
осол гардаг учир орооцолдон оруулахгүйн тулд ажлаа эмх цэгцтэй хийх хэрэгтэй.
②Машинд бие орооцолдон
орох тохиолдолд машиныг унтраах хэрэгтэй бөгөөд энэ үед унтраах гэнэтийн ослоос
сэргийлэх товчийг урьдчилан мэдэх хэрэгтэй.
③Даавуун бээлий хэрэглэж өрөмдөгч машинтай ажиллах үед өрөмдөгч машинд даавуун бээлий хавчуулагдан орсноос болж осол гарч болно. Түүний оронд гар бохир болсон ч гэсэн бээлийгүй нүцгэн гараараа ажиллах нь даавуун бээлий хэрэглэж ажлаа хийснээс аюулгүй юм.
2)
Химийн бодистой харьцаж байгаа тохиолдолд гарах осол
Химийн бодистой харьцаж байх үед гарч болох осол нь
тэсрэлтээс үүсэх гал түймрийн осол, (шингэн юм уу хий) гадагш алдагдах осол мөн
химийн бодис нүд, арьсанд хүрэлцсэнээс үүсэх осол зэрэг байна.
Химийн бодис хэрэглэх үед гарах ослоос урьдчилан
сэргийлэх арга дараахитай адил байна.
①Дэлбэрэх аюултай химийн
бодисийн ойролцоо тамхи, гагнуур зэрэг галын оч гаргахгүй байх талаар анхаарах
хэрэгтэй.
②Зарим химийн бодис галын
оч үсрээгүй байхад ч цохилтоос дэлбэрэх учраас химийн бодистой савтай
харьцахдаа болгоомжтой харьцах хэрэгтэй.
③Арьсыг түлдэг химийн
бодис их байдаг учраас шууд хүрэхээс зайлсхийх, ихэнхи химийн бодис нүдийг
гэмтээдэг учраас үсрэхээс болгоомжлох хэрэгтэй.
④Химийн бодистой маск,
бээлий зэрэг хамгаалах хэрэгсэлийг зааврын дагуу хэрэглэж харьцах хэрэгтэй.
3) Барилгын талбар дээр гарах осол гэмтэл
(1) Өндрөөс унах
Барилгын талбар дээр хамгийн олонтоо гардаг осол нь
өндрөөс унах юм. Барилгын ажлын онцлог нь ажилчин өндөрт гарч ажиллах тохиолдол
их байдаг. Барилга барьж байгаа хэсгийн байгууламж нь хараахан бүрэн гүйцэд
баригдаж дуусаагүй байдаг учраас хэзээ хэдийд ч өндрөөс унах магадлалтай.
Мэдээж байгууллагаас осолтой газар аюулгүйн хамгаалах төхөөрөмжийг бүрэн хийх
ёстой боловч бодит байдал дээр хэрэгжүүлж чадахгүй байх нь их тул ажилчин өөрөө
байнга болгоомжтой ажиллах хэрэгтэй.
(2) Барилгын материалд дарагдах ба цохиулах
Барилгын материалыг өргөгч цамхаг зэрэг техник ашиглан өндөрт зөөж тавих ажил их байдаг. Энэ үед өндөр газарлуу зөөвөрлөж байсан барилгын материал доошоо унах тохиолдол гардаг. Үүнээс болж барилгын материалд дарагдан, цохиулах зэрэг осол гардаг бөгөөд өндрөөс унасан зүйл нь өөрийн хүндийн жингээсээ илүү их цохилтыг хүнд өгдөг тул маш том осол аюулд хүргэдэг байна. Тиймээс ажилчин үргэлж хөдөлмөр хамгааллын малгай ба гутал зэрэг хамгаалах хэрэгсэлийг бүрэн хэрэглэн ажиллах хэрэгтэй.
(3) Тогонд цохиулах
Барилгын талбар дээр маш олон барилгын багаж хэрэгсэлүүд
цахилгаанийг ашиглан ажилладаг бөгөөд ажлын явцад олон цохилгааны утаснууд
хамаа замбараагүй тэр чигээрээ гадагшаа ил гарсан байдаг. Үүнээс болж цахилгаан
гүйдэлд цохиулах осол байнга гардаг бөгөөд ялангуяа чийглэг ихтэй зуны улиралд
тогонд цохиулах аюул улам ихэснэ.
Дээрхээс гадна бас ажлын явцад янз бүрийн осол гардаг
бөгөөд хамгийн элбэг тохиолддог нь шалан дээр халтирч унах, эсвэл ямар нэгэн
юманд тээглэн бүдэрч унадаг осол юм.
Ажлын байрын шалан дээр халтирч унах, урьдах зүйл нь сайн
харагдахгүй байхад юм өргөн явж байгаад шалан дээр тавьсан зүйлд тээглэн унах
тохиолдол гардаг. Ажлын байрны шалан дээрх тээглэх зүйлийг холдуулан өнгөрч
явах замд ямар нэгэн саад болох зүйл тавихгүй байх хэрэгтэй.