Сайн байцгаана уу? Оюутнуудаа!
Хичээлийн шинэ жилийн мэнд дэвшүүлье.
Өнгөрсөн 6-р сарын 6-нд болсон ээлжит бус чуулганаар дараагийн Удирдах зөвлөлийн сонгуулийг 9-р сарын дундуур хийхээр тогтсон билээ. Үүний дагуу энэ 9-р сарын 19 ний Бямба гарагийн 12 цагаас NIIED буюу Олон улсын Боловсролыг дэмжих сангийн байранд хийхээр болсон тул нийт оюутнуудыг хүрэлцэн ирж идэвхтэй оролцоно уу хэмээн урьж байна.
Уг чуулганаар шинээр Удирдах зөвлөлийн гишүүдийг сонгох
Холбооны дүрмэнд нэмэлт өөрчлөлт оруулах
Холбооны цаашдын үйл ажиллагааны чиглэлийг тодорхойлох зэрэг асуудлуудыг шийдэх болно.
БНСУ-д суралцагч бүх оюутнуудыг чуулгандаа идэвхитэй оролцохыг дахин уриалж байна.
Эргэн тойрныхоо болон таньдаг найз нөхөд, суралцдаг сургуулийнхаа оюутнуудад энэ зарыг дамжуулахыг хичээнгүйлэн хүсье.
Чуулган болoх газар: NIIED 국립국제교육원
Очих арга: Метроны 4 шугам, 420-р буудал(Hyehwa, 혜화역), 2-р гарцаар гараад чигээрээ 100 метрт Korea Open University–н ард (СМОХ-ийн Эрдэм хурал явагддаг газар)
Болох огноо : 2009.09.19өдөр 12 цаг
Хүндэтгэсэн,
Б.Энхболд
СМОХ-ын Хяналтын зөвлөл.
2009.09.02
Зовлого зовохоос зориг мөхөхгүй
- Холбоотой бичлэг :
- http://www.mglclub.com/2201036/c34/trackback
Их, дээд сургуулийн сургалтын төлбөр нэмэгдэв
Их, Дээд сургуулийн удирдлагууд өнгөрсөн жил инфляцийн түвшинтэй уялдаж сургалтын төлбөрийг нэмэхээс өөр аргагүй хэмээн өсгөсөн. Гэтэл энэ онд инфляци өнгөрсөн жилтэй харьцуулахад хоёр дахин буурсан ч сургалтын төлбөр мөн л нэмэгдэж буй гэнэ. Үндэслэлтэй эсэхэд эцэг, эхчүүд эргэлзэж эхэллээ. Нөгөөтэйгүүр, оюутнуудад өндөр төлбөртөө таарсан боловсрол эзэмшүүлж, тохилог анги, танхимаар хангаж чадаж байна уу гэдэг нь эргэлзээтэй. Өнөөдөр чх, дээд сургууль төгссөн залуусын ихэнх нь хөдөлмөрийн зах зээл дээр гологдож байгааг хэн хүнгүй мэднэ. Мэргэжлийн хяналтын ерөнхий газраас өнгөрсөн жил сургалтын төлбөр нэмэгдсэнтэй холбогдуулж сургуулиудад шалгалт хийсэн. Ингээд сургалтын төлбөрийг өндөр хувиар өсгөсөн нь үндэслэлгүй болохыг нотолсон. Иймд энэ жил сургалтынтөлбөр дахин нэмэгдэж байгаа нь эргэлзээ төрүүлж байна. Ялангуяа, төрийн өмчийн их, дээдсургуулиудолон шалтаг хэлж сургалтын төлбөр нэмдэг ч сургалтын чанарт анхаардаггүй. Мөн сургалтын бааз хангалтгүй хэвээр байна.
Их, дээд сургуулийн сургалтын төлбөр энэ жил хэдий хэмжээгээр нэмэгдэж буй талаар сонирхлоо. Манай улсад 200 гаруй их, дээд сургууль үйл ажиллагаа явуулж байна. Эдгээр сургууль өнгөрсөн жил инфляцийн өсөлтөөр сургалтын төлбөрөө нэмсэн. Өөрөөр хэлбэл, 22-60 хувь хүртэл өсгөсөн билээ. Гэтэл энэ жил сургалтын төлбөр дахин 0,5-22 хувь нэмэгдэх гэнэ. Инфляцийн түвшин буурсан ч сургалтын төлбөрийг тогтвортой байлгахад нөлөөлөхгүй байгаа бололтой.
МУИС-ийн сургалтын төлбөр 890.000 төгрөг
МУИС энэ жил сургалтынхаа төлбөрийг 890 мянган төгрөгт хүргэхээр шийджээ. Өнгөрсөн онд тус сургуулийн төлбөр 840 мянган төгрөг байсан юм. Нэгбагц/кредит/цагийн төлбөр нь 29700 төгрөг байна.
ЭМШУИС төлбөрөө 230.000 төгрөгөөр нэмжээ
ЭМШУИС-ийн төлбөр 2008 онд 750 мянга төгрөг байсан бол энэ жил 980 мянган төгрөг болжээ. ЭМШУИС-ийн Сургалтын албаныхан үнэ нэмэх тухай санал асуулгыг сурагчдаасаа өнгөрсөн хичээлийн жилийн сүүлчээр авсан аж. Суралцагчдын ихэнх хувь нь сургалтын төлбөрийг нэмэх нь сургалтын баазыг сайжруулахад эергээр нөлөөлнө хэмээн үзсэн байна.
ШУТИС-ийн сургалтын төлбөр нэг сая төгрөг гэнэ үү?
Мөн ХҮДС-ийнх 700 мянган төгрөг байсан бол одоо 996 мянган төгрөгт хүрсэн байна. ШУТИС-ийн сургалтын төлбөр мөн л нэмэгдсэн аж. Жилийн өмнө 754 мянган төгрөг байсан. Харин энэ жил нэг кредит цаг нь 31370 төгрөг болсон байна. Үүнийг судлах хичээлийнхээ бүх цагт үржүүлбэл нэг сая төгрөгт хүрэх нь.
Хамгийн бага нь 600 мянган төгрөг байна
Хамгийн бага сургалтын төлбөртэй ангийг сонирхуулъя. МУИС-ийн хамгийн бага төлбөртэй ангийнх 810 мянган төгрөг байв. Өнгөрсөн жилийнхээс 70 мянган төгрөгөөр нэмэгдсэн гэсэн үг. Нэг багц цагийн төлбөр нь 27 000 төгрөг байна. Харин ЭМШУИС-ийн бага төлбөртэй ангид суралцвал жилд 770 мянган төгрөг өгөх хэрэгтэй болох нь. Өмнөх жил 600 мянга төгрөг байжээ. ШУТИС-ийнх 564 мянга байсан бол одоо 900 орчим мянган төгрөг болж, нэг багц цагийн төлбөр нь 24820 төгрөг байна. Бусад сургуулийн хувьд 600 мянган төгрөгөөс дээш байв. Бага төлбөртэй ангиуд нь ихэвчлэн хөдөлмөрийн зах зээлд илүүдэлтэй байгаа хуульч, түүхч, сэтгүүлч, эдийн засагч зэрэг мэргэжлийнх байлаа.
Салбар хариуцсан яам сургалтын төлбөр нэмэгдэж буйд ямар байр суурьтай байгааг мэргэжлийн боловсрол хариуцсан мэргэжилтэн Д.Баяраас тодруулахад “Боловсрол, соёл, шинжлэх ухааны сайд их, дээд сургуулиудад албан бичиг хүргүүлсэн. Энэ албан бичигт ард иргэдийн эдийн засгийн бололцоо тааруу байгаа болон инфляцийн түвшинг харгалзан үзэж сургалтын төлбөрийг нэмэгдүүлэхгүй байхыг хүссэн. Гэсэн ч бид сургалтын төлбөрийг барих боломжгүй” гэлээ.
