Энэ дүгнэлтийг энгийн нэг судалгаанаас гаргаж ирээгүй ажээ. АНУ-ын Хавдрын нийгэмлэг судалгаанд 123 мянган хүнийг хамруулж, 14 жилийн турш судалгаа хийсэн байна. Энэхүү судалгааны нэг хэсэг нь хэчнээн хүн нас барсан тухай судалжээ. Судалгааны турш өдөрт гурван цагаас бага сууж байсан эмэгтэйгээс зургаан цагаар илүү сууж байсан эмэгтэйчүүдийн нас баралт 40 хувь байсан аж. Харин эрчүүдийн хувьд 20 хувь илүү байжээ. Судалгааны дараагийн хэсэг нь америкчуудын дунд хамгийн элбэг тохиолддог зүрх судасны өвчин, таргалалт, хоёрдугаар хэлбэрийн чихрийн шижин, сэтгэл гутралд анхаарлаа хандуулсан байна. Долоо хоногийн таван өдөр хамгийн багадаа 30 минут орчим хугацаанд дунд зэргийн ачаалалтай, эсвэл 20 минутаар долоо хоногийн гурван өдөр хүнд ачаалалтай дасгал, хөдөлгөөн хийх хэрэгтэйг дурджээ.