Бичлэгийн тоо 5,522
Р.Чойном
Yхэл
Цэл залуугийн үзэмжээр
Цэнгэж яваа амрагхан минь
Газар дээр юунаас ч айхгүй,
Гагцхүү үхлээс айна.
Yхэл гэж нэг тийм
Yлэмжийн тас хар юм
Хожмын нэгэн өдөр
Холын холоос ирнэ гэж
Тэнэгхэн насандаа эндүүрч
Тэнгэрийн эүүдээр жаргана.
Yхэл нь гэтэл түүнтэй
Yдэшлэгт хамт гүйнэ.
Мөхөөлдөс хуваан идэж,
Мөсөн дээр цуг гулсаж,
Завхуул харцуулыг өдөлцөж,
Зам хөндлөн гүйнэ.
Онгоцонд хамт сууж,
Ононы амралтад амарч
Тоохгүй залуугаа бас
Тоглож цуг гомдооно.
Орчлон их дэлхий дээр
Охид хүүхнүүд элбэг,
Охин хүний үхэл
Оймсноосоо ч элбэг...
Аливаа бүхнийг хайрлаж энэрдэг юм болохоор амин хайрын ундарга байх чинь гарцаагүй
Аз жаргалыг чи дэлгэрүүлдэг юм болохоор амьд мөрөөдөлийн өлгий нь үнэн
Амьдралд чи тэмүүлдэг юм болохоор агуу Бурханы хүүхэд байгаа чинь үнэн