Хайртай гэсэн үгийг минь тоогоогүй бол
Хамтдаа өнгөрүүлсэн мөчөө мартсан бол
Харуусаж өөрийгөө зэмлэхгүй
Хардаж үйлийг чинь үзэхгүй
Нулимсан дунд чи намайг орхиод явсан
Нуугдаж хоцорсон өнчин янзага шиг би үлдсэн
Тогоруун цуваа шиг өдөр хоногууд өнгөрсөн
Томоогүйхэн насаа чамтай үдсэн
Эргээд ирээч гэж чамайг би гуйхгүй ээ
Эмзэг сэтгэлээр минь ахиад бүү тогло
Хатуу хорвоогийн дурлалын дарсанд шартсан
Хайрыг минь чи дахиад бүү сэдрээ
Шаналан дунд чи намайг орхисон
Шархадсан хун шиг ганцаар үлдсэн
Жингийн цуваа шиг өдөр хоногууд өнгөрсөн
Жинхэнэ дурлалын гашууныг мэдэрсэн
Уйлан суухад нулимс ямар гашууныг
Урсан одсон цаг хугацаа ямар богиныг
Зүрх минь чамруу ямар их тэмүүлсэнийг
Зөвхөн чамдаа өгсөн хайраас мэдэрлээ
Дурсан суухад дурлал ямар гунигтайг
Дуулан суухад зовлон яаж нимгэрдэгийг
Ганцаар алхахад чулуу ямар хатууг
Ганцхан чамдаа өгсөн хайраас мэдлээ
Мартая гэвч санасанаар болохгүй хорвоод
Маргаашийн төлөө тэмүүлэх итгэл алга
Баригдахгүй жаргалын төлөө ухаангүй тэмүүлэн
Бадмын цэцэг шиг насаа гундааж орхисон гэж үүү........