Та бүхэндээ гарч буй цагаагчин туулай жилийн мэндийг хүргэхийн хамтаар юу санасан есөн цагаан хүсэл тань сэтгэлчлэн бүтэхийн өлзий дэмбэрэлтэй ерөөлийг өргөн дэвшүүлье.

Цаг хугацаа  сэм сэмхнээ урсан өнгөрөвч сэтгэлд үлдсэн нандин дурсамж үл арилан үе үехэн санагдсаар .

 Тэртээ 2006 оны өвөл “WWW.MGLCLUB.COM”-ийн яруу найргийн буланд шүлгээр дамжин танилцсан хэсэг нөхдийн санаачлагаар анхны яруу найргийн бяцхан уулзалт үдэшлэг зохиогдож байснаас хойш одоо даруй 5 жил өнгөрчээ. Анхны уулзалтанд цөөн хэдхэн хүн оролцсон хэдий ч улмаар олныг хамран хүрээгээ тэлж сайн үйлд уриалан дуудсан олон олон санаачлагуудын эхлэл болсны нэг нь манай www.doldon.com гэж  би хувьдаа боддог.

 Бидний нөхөрлөл зөвхөн яруу найргийн тэмцээн уралдаанаар тогтохгүй эх орон нэгтэндээ туслах сайхан сэтгэлийн  хандив тусламжийн аянг хүртэл өрнүүлэн, нэгдэл нөхөрлөлийн үлгэр жишээ болж өдий хүртэл үргэлжилсээр байгааг одоо дурсан суухад таатай байна.

Үндэстэй бүхэн дэлгэрдэг хавар цагийн урьтал Сар шинийн баярыг тохиолдуулан энэ хагас сайн өдөр Эх орондоо байгаа бидний хэдэн нөхөд хотоос холгүй цэвэр агаарт нэгэн өдрийг хөгжилдөн өнгөрүүлэхээр ярилцаж байгааг хэсэг хугацаанд сураг нь алдарсан зарим нөхдөд сонордуулах үүднээс энэхүү бяцхан дурсамж зарыг бичиглэвэй.

http://www.mglclub.com/?mid=forum14&search_target=nick_name&search_keyword=enkel&page=2&document_srl=444490