Бичлэгийн тоо 5,522
Аньсаг давсан бүлээн нулимс
Ангир цээжинд минь нэвчихэд
Алдрайхан охин чамайг
Ариун сэтгэлийнхээ гүнээс үгүйлдэг
Зүрх эмтлэм хайр байдаг гэж төсөөлж байгаагүй нь үнэн
Зөвхөн миний тавиланд учрахын чинээ санасангүй
Зөөлөн шиврэх бороон дусалтай
Зүйрлүүлж байсан чамайгаа
Зүсрэх ширүүн аадрын чинээ даанч бодсонгүй явлаа
Газар дэлхий ээж бүгд л надтай хүйн холбоотой
Гагцхүү чи л надаас хагацахын заяатай хайр юмуу
Хайрын галыг зүрхэнд минь асаачихаад
Холдоод надаас битгий яваач
Шаналсан зүрх минь ганцаар
Чамгүйгээр яаж тэсэх юм
Зүгээр л чи дэргэд минь байж
Зүрх сэтгэлийг минь тайтгаруулж өгөөч