Амин үрийнхээ өсхийг харах гэж амьдралд ээжүүд хайртай байдаг
Алс ирээдүйг нь зөгнөн хүлээж ахиулан бодож шунан дурладаг
Хонгор үр нь дөнгөж төрүүтээ л хоолойн өнгөөр ээжийгээ таниад
Өмөлзөн өмөлзөн мөөмөө хайхад өхөөрдөн хайрлан жаргаж
ХЭЛД ОРОХЫГ НЬ ХҮЛЭЭНЭ
Энгэр цээжинд нялхарсан энхэр жаахан хүү ньээжээ хэмээн анх
Эвлүүлж ядан дуудахад ньэнхрийлэн хайрлан жаргаж
ХӨЛД ОРОХЫГ НЬ ХҮЛЭЭНЭ
Мөлхөө жаахан үр нь унан тусан зогсож мөдхөн нэг өдөр л
Тэнтэр тунтар алхахад нь мөрөөдөл хүсэл цаашилж
СУРГУУЛьД ОРОХЫГ НЬ ХҮЛЭЭНЭ
Шулганаа бяцхан үр нь сурагчийн цүнх үүрээд сургууль номийн өргөөнд
Шуугиан нэмэн ороход эхийн сэтгэл алслаж
ЭРДЭМТЭН БОЛОХЫГ НЬ ХҮЛЭЭНЭ
Эрх танхил хүүгээ цэрэгт мордохыг нь хүлээнэ
Эрийн цээнд хүрвэл эхнэр авахыг нь хүлээнэ
Өөрийг нь том болчихвол
Үрийг нь тэврэхийг хүлээнэ
Хүнийх болсон хүүгээ хүрээд ирхийг нь хүлээнэ
Хүндэтгэл хайр хоероо зүрхэндээ хадгалж хүлээнээ
Амин үрийнхээ өсхийг харах гэж амьдралд ээжүүд хайртай байдаг
Алс ирээдүйг нь зөгнөн хүлээж ахиулан бодож шунан дурладаг
Өөдгүй зантай хүний өөлсөн үгэнд гомдовч
Өнгө мөнгө дутаж өөрчилж солимоор санагдавч
Өөдрөг эхэлсэн ажлаа үргэлжилүүлж заавал дуусга
Өөрөө өөрийхөө мөрөөдөлөөс урваж битгий амьдар
Харах нүдээ чилтэл хайртай бүхнээ санадаг ч
Сүү шиг сайхан үгсийг биедээ бага хэлэх юм даа
Сүүдрээн хүртэл муулах нь холгүй
Сүүтийтэл бид алхах юм даа
Ордны албат шивэгчин эмс
Олиггүй үгс хэлэлцэх шиг
Ховын хар ховоогоор сэтгэлийнхээ онгоцыг дүүргэчихээд
Худал үнэний хооронд шоргоолж мэт мөлхсөөр байтал
Хүн чанарын минь дээл аль хэдүйнээ цоорчихжээ
Хүсэн тэмүүлэх сайхан амьдралаа бид сөөм сөөмөөр нь мэрсэн байна
Чамайг хүн хайрлаж байвал
Чадлынхаа хэрээр хайрлаарай!
Чамайг хүн гомдоож байвал
Чагнаагүй л юм шиг хаячихаарай!
Монгол хүний нас дэндүү ахархан юм шүү
Модон өргөст шилбүүрээр биенээн бага ороолгоё доо...