Дур сэтгэлээ би хүнд алдаж
Дурласнаа би сая л мэдэв
Дурлалын зовлонг мэдэлгүй
Дураар аж төрөн дуулж явах
Жаргалын нас нисч оджээ
Жүжгийн хүрээлэн кино танхим
Аль л их хөлийн газраар хийссэн
Аз жаргалт нас нисч оджээ
Энэ бие гэвч дэмий юм хийж
Эцэст нь би өөрөө шаналж орхиж
Ээ халаг бүүр хариугүй солиорох нь
Хөөр баяр бүхнээ арилжсан
Хүүхэд наснаас огцорсон би чинь
Хэдийнээ л гунигт автжээ
Өөрийгөө би булзааруулавч
Өдөржин хэн нэгнийг бодном
Санаандаа би хэн нэгнийг харж
Сайхан тэр минь хажууд сууж
Хоёулаа байгаагаар бодном
Хайр сэтгэлтэн бүгд юуг хүсдэг
Хамгийн мэдэхгүйгээ л хүсдэг
Хачирхалтай нь энэ л юм
Амьдрал гэдэг хариулт нь олддоггүй асуулт шиг
Амьдарна гэдэг шалгалтанд орж байгаа оюутан шиг
Ерөөсөө ийм л гэж боддог болохоор
Ердөөсөө алддаггүй хүн гэж байдаггүй биз дээ
Хувь заяаг хэрвээ болдог бол
Хуульчилж байгаад ч тааруулахсан чамтай
Хувьсгал хэрвээ гардаг бол
Бүсгүй чамтай би шинээр дахин нэг танилцахсан
Бүх юмыг шал өөрөөр эхлэхсэн
Бүрэг ичимхий носхон дорой бсанаа болиод
Бүүр өөр нүүрэмгий болоод учрахсан
өөрөөсөө ч илүү хайртай чамдаа дэндүү зөөлөн харьцсандаа
өөдөөс чинь ядаж эгцхэн ч харж чаддаггүй бсандаа
өнөөдөр чамайг өөрийн болгож чадалгүй алдчихаад
өнөөх дурлалаа шинээр ахин 1 эхлэхсэн гэж санаашран сууна
Хэрвээ бүх юм эргэж дахин шинээр эхэлбэл
Хэтэрхий хайртай чамайгаа тоохгүй юм шиг царайлахсан
Хэнзэрч нялхарсан зүрхэнд чинь дурлалын сум харвачихаад
Хэнэг ч үгүй инээмсэглэж бусад охидтой хардуулахсан
Олон хоног хүлээсэн сургуулийн баярын үдэшлэг дээр
Огт танихгүй юм шиг хажуугаар чинь зөрөхсөн
Торомгор алаг нүдэнд чинь хайрын нулимс хурж
Тогтож ядан зогсохыг чинь сэм сэмхэн харахсан
Бүсгүй чамтай би шинээр ахин 1 танилцвал
Бүх юмыг дахин 1 эхэлвэл
Бүтэлгүй хайрынхаа тухай захиагаа өгөөд эргэхэд чинь
Бүх буруугаа хүлээж хайртай гэж шивнэхсэн
Бүсгүй чамтай би шинээр ахин 1 танилцахсан
Бүх юмыг шал өөрөөр эхлэхсэн
Бүрэг ичимхий номхон дорой бсанаа болиод
Бүүр өөр нүүрэмгий нэгэн болоод учрахсан
