Цан хүүрэг татуулж цас зөөлөн хаялах өвлөөр цангаж байна би
Цангинтал янцгааж үүрсэх хүлэг морьдоор цангаж байна би
Хөхрөн униартах хөндий тал цэнгэг уст мөрөн голоор цангаж байна би
Хөвчрөх энэхэн бие маань эх орноороо цангаж байна
Алсад одсон аавынхаа ухаарал хайрлах үгсээр цангаж байна би
Алиа хөөрхөн үрсийнхээ инээд хөөр баяслаар цангаж байна би
Амраг хайрт чинийхээ хайр халамж сэтгэлээр цангаж байна би
Алд энэхэн бие минь хүсэл татсан чамаараа цангаж байна
Эрхэм анд нөхдийнхөө үнэнч нөхөрлөлөөр цангаж байна би
Элэгсэг хүн ардынхаа мэнд усаар цангаж байна би
Энд тэнд дураараа явах эрх чөлөөгөөр цангаж байна би
Энэхэн бие сэтгэл минь энэ бүгдээр цангаж байна