Монгол Улсын хөдөлмөрийн баатар, төрийн шагналт, ардын жүжигчин Д.Лувсаншарав,

-Хүнийг та гэж дуудаж, баярлалаа гэж хэлж сурах хэрэгтэй.

Гавьяат багш, академич О.Шагдарсүрэн,
-Бид малаар дамжуулж эх орныхоо бэлчээр, өвс, ус ургамлын шимийг хүртдэг.

Хөдөлмөрийн баатар, ардын эмч, төрийн шагналт, доктор, профессор Ж.Хайрулла,
-Эрүүл саруул байж, зорьсондоо хүрэх нь жаргал юм.

Төрийн шагналт, ардын уран зохиолч Д.Пүрэвдорж,
-Аливаа хүн өөрийгөө чамлаж амьдрах ёстой.

Ардын жүжигчин, профессор Д.Жаргалсайхан,
-Зовлон үзээгүй хүн жаргаж яваа мөртлөө зовж яваа юм шиг санааширдаг.

Төрийн шагналт, шинжлэх ухааны гавьяат ажилтан, академич П.Хорлоо,
-Дэлхий дээр олон хэл устаж байна. Иймээс монгол хэлний сургалтыг чанаржуулж, дархлаажуулж хамгаалах хэрэгтэй.

Төрийн шагналт, соёлын гавьяат зүтгэлтэн Д.Гармаа
-Алдаж оноход үргэлж дэргэд байж, өмөг түшиг болж, хэзээ ч сэтгэл урваагүй хань минь миний жаргахын үүд.

Төрийн шагналт, зохиолч Д.Батбаяр,
-Амьдралд байдаг гэрэл гэгээ бол хайр.

Төрийн шагналт, яруу найрагч Д.Нямаа,
-Аливааг биеийн хүчээр биш, ухаан бодлынхоо хүчээр аятгах нь эрхэм.

Соёлын гавьяат зүтгэлтэн, нийтлэлч Б.Лигдэн,
-Зөрчил дунд амьдрах л хэрэгтэй, өөр арга байхгүй.

Төрийн шагналт зохиолч, шог зураач Ц.Доржготов,
-Бузар мөнгө гэж үгүй, бузар аргаар олсон мөнгө л гэж бий.

Өндөр настан Ц.Лоохууз,
-Ямар ч хүн шударга бөгөөд хөдөлмөрч л байвал тэр зөв хүн.
Уншигч олны дийлэнхийн таних дээрх эрхмүүд ингэж ярьжээ.