Үнсээч янаг минь чи, намайгаа үнсээч
Үүр шөнийн зүүдийг минь эзэгнэн
Үлгэр эхлүүлж, намайг жаргааж үнсээч
Чиний минь ялдамхан уруул духан дээр минь бүжихэд
Тэр чигтээ би уярахуйн оронд тэнүүчилдэг
Хонгор чиний минь уруул хацар дээр минь аянчилахад
Хамаг биеэрээн бие хайрлахуйн харгуйд жингүйддэг
Ялдам чиний минь уруул, уруултай минь бүжихэд
Яг энэ л хэвээрэй янагийн шугуйд шургачдаг
Хайртай чиний минь үнсэлт хүзүү юуг минь гижигдэхэд
Халуу шатсан биенд чинь хамаг биеээрээ уусдагаа би
Амтлаг энэ л үнсэлтүүдийн агшин бүрийг мэдрэхээр
Атгахан бие минь тэгэхэд л амирлахуйн оронд зорчдогоо
Эхний удаа хийгээд сүүлчийн удаа байх нь хамаагүй
Энэгүй сайхан үнсэлтэнд чинь ганцхан л удаа мансуурьяа
Үнсээч янаг минь чи, намайгаа үнсээч
Үүр шөнийн зүүдийг минь эзэгнэн
Үлгэр эхлүүлж, намайг жаргааж үнсээч
Чихэр шиг л би амталдаг
Үгүйлсэн сэтгэлийн цангааг тайлж
Үнсэлтийн сайхныг мэдэрдэг
Ширүүн сахлаараа үрчин
Шимэн озож үнсдэг
Зай завсар үгүй болтол
Задгай цээжин дээгүүр аялдаг
Нүд хөхний товч уруул
Нүцгэн биен дээгүүр уруул минь
Өөрийн мэдэлгүй тэнүүчилж
Өвдөг сөхөрч өөрт чинь уусдаг
Гоёхон хоёр хөхийг нь базлан
Гоолиг гуа биеийг нь тэврэн
Хүссэн газраа үнсэх нь
Хүмүүн болсоны жаргал ч юм уу
Үнсье хайрт минь үнсье чамайгаа
Үймэрсэн сэтгэлээ уярааж үнсье
Чинийхээ тансаг үнэрт мансуурч
Чимээгүй шөнийг цочоон үнсэлцье