ОХУ-ын Засгийн газрын Ерөнхий сайд Д.Медведев 2016 онд Бразил улсын Рио-де-Жанейро хотод болон Зуны олимпийн, Пара-олимпийн наадмаас медаль хүртсэн тамирчдад мөнгөн шагнал олгох тухай захирамж гаргажээ.
Уг захирамжинд зааснаар, алтан медаль хүртсэн тамирчинд 40 сая, мөнгөн медаль хүртсэн тамирчинд 2.5 сая, хүрэл медаль хүртсэн тамирчинд 1.7 сая рублийн шагнал олгохоор заасан байна.
Тэгвэл Бүгд найрамдах Казахстан улсын Соёл, спортын яамнаас Зуны олимпийн “Рио-де-Жанейро 2016” наадмаас медаль хүртэж, шагналт байранд орсон тамирчдын шагналыг тус улсын Засгийн газрын 2014 оны арван хоёрдугаар сарын 19-ний өдрийн №1345 тоот тогтоолын дагуу олгоно гэж мэдэгджээ.
Уг тогтоол зааснаар, Зуны олимпийн наадмаас алтан медаль авсан тамирчинд 250 мянга, мөнгөн медаль авсан тамирчинд 150 мянга, хүрэл медаль авсан тамирчинд 75 мянга, IҮ байр эзлэсэн тамирчинд 30 мянга, Ү байр эзлэсэн тамирчинд 10 мянга, VI байр эзлэсэн тамирчинд 5 мянган ам.долларын шагнал олгох юм байна. Мөн адил шагналыг тухайн тамирчны дасгалжуулагчид олгоно.
