Дуучин Канье Уэст, реалити шоуны од Ким Кардашиан нар гэр бүлийнхээ шинэхэн гишүүнд Сент гэх нэр хайрлажээ.

Хоёр өдрийн өмнө сошиал медиагаар дамжуулан хүүгээ төрсөн гэдгийг зарласан Ким Кардашиан энэ удаа ч гэсэн өөрийн твиттер хуудсаараа дамжуулан хүүгийнхээ нэрийг олонд зарлав.

Улмаар “Нэр нь Сент Уэст” гэж жиргэсэн байсан юм.  Харин эрэгтэй дүүтэй болсон хосуудын ууган охин  Норт Уэст эдүгээ хоёр настай билээ.

Ингээд Канье Уэстийн гэр бүл дөрвүүлээ болж байгаа юм.  Сент гэх үг нь маш олон утгийг илэрхийлэх бөгөөд ихэвчлэн “гэгээн” гэсэн утгаар хэрэглэгддэг аж. Харин хүний нэрэнд төдийлөн хэрэглэгдээд байдаггүй гэнэ.