Эдүгээ 23 настай дуучин, жүжигчин Селена Гомез нэгэн залуутай хөтлөлцөн олон нийтийн газруудаар явж олны хараанд өртлөө. Тодруулбал, “Glamour” сэтгүүлийн “Оны шилдэг эмэгтэй”-г тодруулах ёслолын ажиллагаа Нью-Йорк хотноо болж, үүнд Селена ч оролцсон юм.

Үүний дараа Селена найзуудтайгаа оройн зоог барьсан аж. Ресторанд байхдаа Селена нэг залуутай гар гараасаа барилцан, хамт сууж папараццичдын дуранд өртөөд амжсан байгаа юм. Улмаар гарахдаа ч өнөөх залуутай их л дотно явж харагдсан гэнэ. Тиймээс Селена Гомезийн шинэхэн найз залуу хэн болох нь олны анхаарлыг их татаж байлаа.

Харин “US Weekly” сэтгүүл Селенагийн шинэхэн хайртын талаар дэлгэрэнгүй мэдээлэл нийтэлсэн байна. Селена Гомезийн шинэ найз залууг Самуэль Крост гэдэг аж. Тэрбээр Нью Йоркийн их сургуулийг төгсч, дараа нь загварын ертөнцөд хүчээ үзэх болсон нэгэн гэнэ. Дуучин бүсгүй 2012 онд Канадын дуучин Жастин Бибертэй үерхэж, хоёр жилийн турш салж нийлж явсаар энэ оны нэгдүгээр сард салсан юм. Үүний дараа DJ Зэддтэй үерхсэн ч, тэдний харилцаа удаан үргэлжлээгүй билээ.