Гүржийн ерөнхийлөгч асан Михаил Саакашвили одоо өлсөж цангаж яадгаа алдаж байгаа ажээ. Украины Одесса мужийн амбан захирагчийн өгүүлсэнээр, Саакашвили АНУ-ын Олон улсын удирдагчдын шинэ хүрээлэнд ажиллах хугацаандаа хуримтлуулсан мөнгөөрөө одоо амьдрал залгуулж байгаа гэнэ.
Тухайн үед Саакашвили жилдээ 200 мянган доллар авч байсан бол "Одоо би зөвхөн хурааж, хуримтлуулсан хадгаламжийнхаа мөнгөөр амьдарч байна. Харин энд ирснийхээ дараа Америкт авч авсан цалин хөлсөө үргэлжлүүлэн авахыг хүссэн боловч ямар ч боломжгүй гэсэн хариу сонссон" хэмээн Одесса хотын «112» телевизийн «Люди.Hard Talk» ярилцлагын шоу нэвтрүүлэгт орохдоо ярьсан байна.
Түүний хувьд одоо хагас жил л амьдрах мөнгө үлдээд байгаа учраас ихээхэн хэмнэж, өлөн зэлмүүн явахад хүрээд байгаагаа Саакашвили ярьжээ.
Цагтаа Гүржийн ерөнхийлөгч явсан Михаил Саакашвили өөрийн цахим хуудсанд энэ тухай мөн мэдээлсэн нь түүний хашиж байсан албан тушаал мөнгө олох арга хэрэгсэл байсан бус, зөвхөн ард түмнийхээ төлөө зүтгэх чин сэтгэл байсан гэдгийг мэдүүлэхийг хүсэж байгаагийн илрэл байж магадгүй гэнэ.
