Хүн завгүй байх тусмаа олон ажлыг амжуулж чаддаг. Ялангуяа эмэгтэй хүмүүс. Тиймээс бүсгүй танд хэрэг болохуйц нэгэн зөвлөгөөг хүргэе. 1. Өөртөө хайртай бай
Витамин, амин дэмээр баялаг зүйл өөртөө мөнгө хайрлалгүй худалдаж ав. Эрүүл энхийн нэгэн жаргалан гэдэг дээ. Өөрт хэрэгтэй зүйлийг хэрэглэхээс гадна дотоод сэтгэлдээ дархлаа үүсгэх хэрэгтэй. Уур гэдэг хүний хамгийн том дайсан. Тиймээс өөрийнхөө сэтгэлд байгаа дайсантай тэмц, арга зам хай, муу зүйл бүү бод.
Хэрвээ уур тань хүрээд, ямар нэгэн муу бодол орж ирвэл зүгээр л инээмсэглэ. Хүчээр байсан ч хамаагүй. Инээмсэглэх үед хүний тархинаас аз жаргалын гормон ялгарч байдаг тул хэсэгхэн хугацаанд муу бүхэн тархинаас салах болно. Би энэ аргыг байнга хэрэглэдэг , тун их тус болдог шүү
2. Сайхан хувцасла
Сайхан хувцасла, нүүрээ гоё будах нь эмэгтэй хүнийг өөртөө итгэлтэй байлгах хамгийн чухал зүйл. Хичнээн завгүй байсан ч өөрийгөө сайхан харагдах тал дээр заавал зав гарга. Өөрт таалагдсан стил имижээ бүрдүүл. Бусдад биш өөртөө таалагд. Бүхий л зүйлээ зориулан ажиллаж байгаа өөрийгөө урамшуулан цалингаасаа нэг шинэ хувцас аваад өмсөж бай. Заавал иж бүрэн хувцаслах шаардлагагүй шүү дээ. Нэг цүнх авахад л тэр сардаа сэтгэл тань өөдрөг байна.
3. Дуртай зүйлээ хий
Ажил тань таны дуртай зүйл бол тун сайн байна. Та үнэхээр сайхан энерги хүртэж амьдардаг байх. Харин ажлаасаа өөр зүйл хийхийг хүсдэг хүмүүс түүндээ цаг зав гаргах хэрэгтэй. Энэ нь танд амьдралын эрч хүч өгнө. Оффисд ажилладаг хирнээ спортод сонирхолтой хүн байдаг шүү. Аялах дуртай бол аяллын төлөвлөгөө гарга. Энэ сар амжихгүй нь, энэ жил амжихгүй нэг л мэдэхэд хэдэн жил өнгөрсөн байх вий. Үүнтэй холбогдуулаад нэгэн түүх та бүхэнд ярихад “25 настай нэгэн залуу гадаадаар аялаж зураг зурахыг хүсдэг байж. Үүнийг хийхэд надад мөнгө хэрэгтэй гэж бодоод олон жил ямар ч завгүй ажиллаж гадаадад аялах мөнгөө хуримтлуулжээ. Энэ үед тэрээр 35 настай болсон байв. Мөнгөтэй болчихлоо. Одоо аялая гэтэл түүнд гадаад руу явах ямар ч хүсэл байхгүй болсон байлаа. Хүсэж байгаа зүйлээ тухайн үед нь хий.
4. Хүсэж л байвал биелэнэ гэдэгт бат итгэ
Таны хүслийг биелүүлдэг сахиусан тэнгэрүүд таныг үргэлж дагаж явдаг. Тиймээс та олон зүйл зэрэг битгий хүс, дэс дараатай бод. Бас санасан бодсон зүйлээ байн байн өөрчлөх хэрэггүй. Учир нь таны хүслийг биелүүлэгч чинь алийг нь эхэлж биелүүлэхээ мэдэхгүй самгардаад хүсэл тань биелэх хугацаа уртасдаг. Жишээ нь таныг дарга чинь 10 ажил зэрэг өгөөд өнөөдөр амжуул гэвэл альнаас эхлэх вэ, энийг хийчихээд , тэрийгээ хийвэл зүгээр ч юм уу, ингэвэл арай хурдан байх гээд л.. олон санаа урваж шарваад ажил гүйцэтгэх хугацаанаас чинь хумсалж эхлэнэ шүү дээ.
Хүсэж байгаа зүйлдээ бат итгэ. Уг нь би хүсэж л байна, даанч санаснаар болох болов уу, бүтэх болов уу гэж өөртө эргэлзээ бүү үүсгэ.
Таны ажил амьдралд амжилт хүсэе.
